حبيبتي المراهقة

الفصل السادس

الفصل السادس

كانت شهيرة تقف مع فتاة في مثل عمرهما شعرها قصير وتعقده على شكل ذ*ل حصان و يتدلى بعض خصلاتها على جبينها الأبيض و عينيها بنية اللامعة تبتسم لشهيرة في مرح و هما تتحدثان في شيء ما اقتربت منهم ماريه هاتفة

" شهيرة ".؟؟

التفت إليها شهيرة بمرح " مارو حبيبتي تعالي أعرفك على سمر جديدة معانا هنا في المدرسة و هتفضل معانا السنه دي "

ابتسمت ماريه قائلة " أهلا سمر يا رب مدرستنا تعجبك "

ردت سمر بمرح " أكيد طبعاً هتبقي أحسن من مدرستي القديمة إنتي اسمك ماريه اسمك جميل مين سماكي كده "

ماريه قائلة بهدوء " ماما الله يرحمها أصلها كانت بتحب أمنا ماريه و كانت ديما بتقول لبابا أنها لو جابت بنت تسميها ماريه "

قالت سمر بحزن " أنا أسفه الله يرحمها "

أجابت ماريه بابتسامه " و لا يهمك يا حبيبتي ماما ماتت من فترة طويلة كتير و خلاص أتعودت و تأقلمت أعيش من غيرها بس الحمد لله ربنا عوضني بتونة في مقام ماما "

سمر بتساؤل " تونه مرات باباكِ "

ضحكت ماريه " يا ريت بابا يتجوزها هكون مبسوطة أكيد "

تعجبت سمر من حديثها " و إنتي معندكيش مانع باباكِ يتجوز واحدة. غير مامتك "

ماريه برزانه قائلة " و هضايق ليه أنا هفرح كتير لبابا و فاتن أكيد لأني بحبهم الاتنين بنفس القدر "

قالت سمر " و فاتن تقربك ايه "

قاطعتهم شهيرة و هى تضحك " جرا ايه يا جماعة هنفضل كده كتير الحصة الأولى هتفوتنا "

أمسكت ماريه حقيبتها و هما تتوجهان للصف " إنتي فصل ايه سمر " سمر " ٤/٣ "

قالت شهيرة " اه إلي جمبنا تعالى نوصلك ليه "

ذهبا لبدء اليوم الدراسي على وعد باللقاء في وقت الغداء

شهيرة " هى دي البنت الي قلتلك عليها كانت بتغمزله "

قالت ماريه بحدة " هو مين مش قلتلك مش عايزه أعرف أسكتي بقى يا شوشو وجعتي دماغي بالسواق بتاعك "

**تت شهيرة و تركت الأمر حتى لا تضايق ماريه اكثر "

★

توجه يحيى لشركة عز الدين دخل محدثا السكرتيرة التي كانت تجلس خلف مكتب كبير عليه الكثير من الملفات و التي كانت تعمل في أحداها كانت فتاة في السادسة و العشرون ترتدي فستان بني طويل و حجاب مناسب تنحنح يحيى " السلام عليكم ممكن أقابل عز الدين لو سمحتي "

الفتاة بابتسامه " و عليكم السلام حضرتك في معاد "

يحيى بهدوء " لأ الحقيقة بس قوليله يحيى عبد الرحمن "

ردت الفتاة " طيب أتفضل حضرتك أبلغه "

دخلت لثواني معدودة ثم خرجت قائلة " أتفضل حضرتك هو مستنيك "

دخل يحيى و هو يقول بمرح لعز الدين الذي نهض مسرعا باحتضانه ما أن رآه " السلام عليكم يا ابو العز ليك وحشه يا راجل "

عز الدين بفرح قائلاً " حمدلله على سلامتك أنت جيت أمتي "

أجاب يحيى بارتياح " أمبارح بالليل "

عز الدين بعتاب " طيب ليه مقولتش عشان أجي أخدك من المطار "

رد يحيى بمرح " أنا خدت أجرة و على طول كنت بالبيت و محبتش اتعب حد معايا "

عز الدين بلوم " أنا حد برضوا يا يحيى تعالى تعالى أعد عشان متتعبش تحب تشرب ايه "

يحيى " ولا حاجة بس تعالى أنا عايزك في موضوع مهم "

سأل عز الدين بقلق " خير يا يحيى قلقتني "

قال يحيى بهدوء رغم قلقه الداخلي بالفعل " أنا بصراحة مش عارف افاتحك في الموضوع تاني إزاي قبل ما أرجع الدكتور قال اني محتاج عملية تانية بسيطة و لازم أعملها في أقرب فرصة و أنا عايز أكلمك تاني في موضوع ابنك و ماريه المرة د ي يا عز الدين مش عايز أسافر و أسيبها لوحدها هى و فاتن في البيت و معنديش حل أو حد أثق فيه. غيرك أنت ، أنا عارف أنه رافض عشان هى صغيرة بس أنا مش عايز يتجوزوا دلوقت بس كتب كتاب عشان تفضل عندك من غير حرج لحد ما أرجع أما إذا أرتاح وحيد و ماريه و وافقوا يكملوا معنديش مانع أنهم يتجوزوا بعد سنتين تلاته عشان دراسة ماريه و تكون كبرت شويه أنا عارف الموضوع صعب بالنسبالك بس أنا مش هلاقي حد أءمنه على ماريه غيرك أنت يا عز الدين أنا خايف أسيبها لوحدها تضيع و متلاقيش حد يقف جمبها من بعدي خصوصاً أني أنا و أمها مكنش عندنا عيلة كبيرة و الموجود منهم متعرفهمش "

قال عز الدين بقلق " أنت بتقول الحقيقة يا يحيى و لا مخبي عليا حقيقة حالتك "

يحيى بهدوء مطمئن " أنا مش مخبي عليك حاجة بس أنا قلقان علي ماريه مش أكتر أنت عارف ماريه خجولة بطبيعتها و متعرفش تتصرف لو واجهتها أي مشكلة من غير واحد يساعدها هى ضعيفة يا عز و أنا خايف عليها من الدنيا و الي بيحصل فيها "

قال عز الدين بعد تفكير

"طيب أنا عندي فكرة هتخلي وحيد يجيلي و يقولي بنفسه أنه عاوز يتجوز ماريه من غير ميفكر مرتين "

سأل يحيى بلهفة " فكرة ايه قول بسرعة يا عز طمني أني هقدر اسيب بنتي في أيد أمينة لو حصلي حاجة "

هتف عز الدين بعتاب " بس يا يحيى أنت مش هيحصلك حاجة و هتكون بخير و أنا بصراحة إلي متمسك بالجوازه دي أكتر منك أنا مش هتلاقي لوحيد أحسن من بنتك تكون مراته و ام أولاده "

تن*د يحيى براحة قائلاً " طيب قول بتفكر في ايه هيخلي ابنك يوافق يتجوز بنتي من غير ميفكر "

عز الدين بمكر " أسمع يا سيدي "

و ظل يشرح ما سيفعله و يقوله ليقنعه أتسعت عيني يحيى بدهشة و صدمة و هو يقول " أنت مجنون يا عز الدين عشان تفكر كده "

أنفجر عز الدين بالضحك إلى أن دمعت عيناه و هو يقول " أسمعني بس وحيد لما يعرف كده هيعمل نفسه الكبير العاقل إلي ينقذ أبوه من الورطة دي "

قال يحيى بتساؤل قلق " طيب افرض حبوا يكملوا مع بعض مش هيكون موضوع حساس يعني كنت "

قال عز الدين مطمئنا " متخافش أنا مش هخلي باله يروح للسكة دي خالص و هطمنه أني بس بقف جمب صاحبي و أن كل شيء هينتهي لما يرجع "

قال يحيى بمزاح " طب أفرض سابك تدبس يا حلو و أقتنع بكلامك "

أجابه عز الدين بثقة " أنا عشان عارف أبني كويس بقولك أطمن من الناحية دي "

ضحك يحيى " أنت مجنون عشان فكرت كده و انا أجن منك عشان هوافق "

عز الدين بمرح " يعني موافق "

قال يحيى بارتياح " طبعا مدام يؤدي الغرض نفسه و لا أنت رأيك أيه "

عز الدين بابتسامة " طيب نقرا الفاتحة "

ضحك يحيى قائلاً بمرح " على مين "

رد عز الدين بخبث " وحيد "

★

بعد يومين

أسقلت ماريه الحافلة بعد انتهاء اليوم الدراسي و جلست في مقعدها بجوار النافذة في انتظار شهيرة فهى دوما تنهي جمع حاجياتها و لا تفعل كما يفعل باقي الفتيات من تمشيط شعرهن و وضع حمرة علي وجوههن منتهزين فرصة خروجهم و انشغال الأشرف عن مظهرهم لذلك دوما تسبقهم .. وجدت وحيد في مقعده يستند برأسه على ظهر المقعد ويده خلفها و يغمض عينيه مادا قدمه للأمام كان يرتدي قميص أخضر فاتح يليق ببشرته السمراء ظلت تنظر إليه بشرود و قلبها يخفق بجنون و كأنه شعر بمن يراقبه فتململ في نومه ثم قام معتدلا ونظر في ساعة يده كان وقت خروج الفتيات قام و هو يتثاءب فاردا جسده يحركه ليتنشط من خموله وحالة الاسترخاء لم ينتبه لوجودها سوى و هو. يرفع يده ليعيد ترتيب شعره فنظر في عينيها المرتبكة بخجل فخفق قلبه بقوة و هو يقول بصوت أجش لا يعلم هل هو من النوم أم من صدمة وجودها أمامه " أنتِ هنا من أمتى "

أخفضت عينيها خجلا و بصوت خافت " أنا أسفه أني جيت قبل خروج البنات مكنتش أعرف أن في حد في الباص "

نظر إليها وحيد و قد أستعاد هدوئه " لأ عادي أنتِ حرة تيجي وقت ما تحبي "

اتجه لباب الحافلة و هو يقول " أنا هنزل عشان مايصحش البنات تيجي تلاقينا لوحدنا في الباص " أحمرت ماريه خجلا " أتفضل أنا أسفه أني صحيتك "

خرج من الحافلة و هو يقول " لا أبدا أنا كنت كده كده هصحى عشان ده معاد خروجكم "

وقف بجوار الحافلة يضع يده في جيبه سرواله كما تعود أن يفعل يزفر بضيق لما هذه الفتاة تشغل عقله لهذا الحد

وحيد أنت حقا مريض فهى طفلة يا أ**ق فتاة صغيرة قد تركت لعبتها للتو و أنت ... أنت ... أنت رجل كبير لقد تخطيت الثلاثين بأشهر يا رجل ود لو صدم رأسه بالحافلة ليستفيق من تخيلاته المريضة حولها .. أتيت باقي الفتيات يتشا**ن و يتناوشن كعادتهم كل يوم و ينظرون اليه بوقاحة تقدمت سمر مع تلك الفتاة الأخرى شهيرة صديقتها لماريه تصعدان للحافلة نظر لسمر بغضب لصعودها و هى ليست طريقها ...

لقد أخبرها ألا تثير الشبهات حول علاقتهما خاصة بعد غمزتها أمام الفتيات من قبل صعد للحافلة وجدها تجلس بجوار مقعده فقال حانقا " لو سمحتي ده مش باصك أتفضلي أنزلي عشان باصك ميتحركش و يسيبك "

قالت سمر بمكر " لأ مهو أنا هروح في الباص ده النهاردة أنت بس خدني لآخر الخط و أخويا هيجي يخدني "

زفر وحيد بضيق هذه الغ*ية " بس أعملي حسابك المرة دي و بس الي هسمحلك تركبي فيها "

جلست سمر و هى تبتسم و تغمز له فنظر إليها بحدة " أخوكي هيستناكي فين عشان أنزلك مكانك "

أجابته سمر بتذمر "ما قلتلك نهاية الخط "

تطلع كلا من ماريه و شهيرة لما يحدث ماريه بضيق و شهيرة بتعجب من تعامله مع الفتاة هكذا علما بأن المدرسة ترفض ركوب الطالبات غير حافلتهم أمسكت شهيرة يد ماريه لتنبهها لما يحدث فوجدتها تنظر بضيق من نافذتها و الحافلة تتحرك لبدء رحلتها اليومية نزلوا جميعاً و لم يتبق غير ثلاثتهم كان وحيد ينظر لماريه من وقت لآخر في المرآة فلاحظت سمر وابتسمت بخبث لأخيها الذي نظر إليها بحدة محذرا أوقف الحافلة لتنزل ماريه و شهيرة فهما تسكنان على مقربة من بعضهما ما أن نزلت الفتاتين حتى أمسكت سمر بيده الذي نفضها ما أن رأي ماريه تقف لتشاهد ما حدث و الحافلة تتحرك وحيد بغيظ " أنتِ اتجننتي يا سمر مش قلتلك حسبي في التعامل معايا في المدرسة أديها شف*ني و إنتي مسكه أيدي "

قالت سمر بخبث " مين دي الي شافتك "

أرتبك وحيد " لا اقصد شافوكي ماسكه أيدي يقولوا عليكِ ايه دلوقت و إنتي ماسكه أيد واحد غريب "

ردت سمر بمزاح " و هو أنت غريب يا يويو "

قال وحيد بغضب " يا غ*يه هما ميعرفوش علاقتنا "

نظرت إليه سمر بمكر قائلة " بسيطة أبلغهم أنك أخويا و الأمور تتصلح "

رد وحيد عليها بحده " إياك يا سمر أنتِ سامعه"

قالت سمر بحيرة " حيرتني معاك يا يويو "

زفر وحيد بغضب قائلاً " أخرسي بقى بلا يويو بلا زفت و أعملي حسابك دي أخر مره تركبي معايا فيها "

سمر باستسلام فهي تعرف أخاها عندما يغضب و لكنها لا تعلم لما هو متضايق هكذا و لمن كان ينظر من الفتاتين في المرآة ماريه الخجولة ام شهيرة المرحة سمر و هى تغمغم بخبث و صوت خافت " يا خبر بفلوس بكره نعرف يا سي وحيد مين فيهم إلي علقتك "

********※***************※******