الفصل الرابع

3266 Words

الفصل الرابع :- رجعت صباا الى المنزل وجدت والدها يجلس يضع رأسه بين كفيه وبجانبه عدة اوراق ذهبت اليه تسأله في قلق :- صباا : بابي مالك فيه حاجه مضيقاك عاصم بغضب وهو يقف امامها ويمسك بالورق ويمده اليها :- تقدري تفهميني يعني ايه ده صباا وهي تنظر للاوراق لترد ببرود :- اووه هو ده اللي مضايقك عاصم بصراخ : طبعا ما انتي مش حاسه بحجم غلطك يا هانم واضح اني دلعتك زياده عن اللزوم ولازمك ربايه من جديد صباا بعصبيه : بليز يا بابي انا متربيه كويس جدا ومغلطتش لو حضرتك وافقت من الاول مكنتش خدت الخطوه دي عاصم بإستنكار : مغلطتيش !! لما تعصي كلامي وتتصرفي من دماغك وتعملي كده ده مش غلط لما تحجزي التيكت وتنقلي ورقك وكمان حاجزه فندق كل ده وانا اخر من يعلم ومغلطتيش ايه الغلط من وجهة نظرك لما ده مش غلط صبااا بنرفزه استفزته : ما انت لو وافقت من الاول مكنش ده هيبقى الوضع وكنت هسافر بعلمك لكن انت اللي اضطرتني اخبي وانا خدت قراري انا هنزل مصر يعني هنزل انتهينا ✋ عاصم استفزه اسلوبها ف الكلام معاه ومحسش بنفسه الا وهو بيضربها بالقلم وبيزعقلها :- لااا ده انتي اتجننتي خالص انتي ازاي تتكلمي معايا كده هي دي ربايتي ليكي بتعلي صوتك عليا ردي انطقي عايزه تنزلي ليه تعرفي مين ولا ليكي مين هناك حتى اختك اللي نازله تشوفيها دي متعرفش عنك حاجه لو شافتك مش هتعرفك اصلا صباا بدموع وانهيار : هناك ليا اهلي عايزه انزل عشان اكون وسط اهلى ويعرفوني واعرفهم ليه اعيش هنا وحيده وانا عندي اهل واخت انا مش هفضل متغربه كده علطول انا بحب تولين صحيح انا مشوفتهاش بس حبيتها من كلامك نفسي اكون معاها تحكيلي واحكليها كل اسراري اخدها ف حضني نسهر للصبح ونهزر ونضحك سوا .. ثم تابعت بإنهيار حاد ..Pleas dady I want see her Pleas عاصم حزن من حالتها هي مش ذنبها حاجه هو المذنب الوحيد حرمها من أهلها وخلاها تعيش وحيده 20 سنه من عمرها مسح دموعها بحنان : خلاص يا حبيبة بابي أنا آسف بلاش دموعك دي انا موافق يا قلبي سافري بس لازم تاخدي بالك تولين مش هتتقبلك ولا هتسمحلك تقربي منها الموضوع صعب اوي مش سهل زي ما انتي فاكره صباا بفرحه : متقلقش يا بابي أنا هاخد بالي كويس يعني انت كده سامحتني ومش زعلان مني عاصم : اه يا روحي بس عندي شرط الاول صباا بإستغراب : شرط ايه ده يا بابي عاصم بجديه : انتي مش هتنزلي في فندق ولا هتسكني ف سكن الجامعه هتقعدي عند عمك سليمان كده هبقى مطمن عليكي اكتر وعشان اساعدك يا ستي هكلم جدك بعد امتحانات تولين واقنعه انها تكمل كليه وتروح عند عمك وكده هتكون معاكي ف نفس البيت وتقدري تقربي منها بسرعه بس اهم حاجه مش لازم تشوفك غير بعد الامتحان انا مش عايز اي حاجه تعطلها لازم تبقى الاولى زي كل سنه صباا بفهم : حاضر يا بابي معاك حق انا مش هظهر قدامها غير لما تسافر عند عمو سليمان .. اروح اجهز نفسي كلها يومين واسافر عاصم : ماشي يا حبيبتي خدي بالك من نفسك صباا : اوك يا بابي يلا مع السلامه طلعت صباا اوضتها تجهز شنطها عشان تلحق تخلص وعاصم كمل شغل ف المكتب وبعدين خرج بره البيت ****************************** عند اسر خرج من غرفة فرح وهو يلعن نفسه قائلا ف داخله :- ايه اللي انت هببته ده وزعلان اووي وبتتوعدلها اومال كنت عايزها تعمل ايه لما تلاقيك بتبوسها كده وتعمل اللي عملته ده كل الكلام اللي قالته صح انت حيوان استغليت انها مش ف وعيها ومقدرتش تسيطر ع نفسك ازاي تسمح لنفسك تضعف كده من امته وانت عندك وقت للحب والكلام ده ويوم ما قلبك يفكر يدق .. يدق لطفله صغيره بالنسبالك لا وكمان لسه يدوب شوفتها من يومين ومجمعكش بيها غير الخناق ازاي حصل كده اووووف ياارب ليرد عليه عقله قائلا :- مهما كان اللي حصل كان لازم تفهم اني كمان مكنتش ف وعيي كان ممكن تعمل اي حاجه تزعق او اي حاجه الا تمد ايدها انا اسر الجارحي اللي يتهزلي اكبر شنب ف مصر تهين رجولتي بنت ١٧ سنه لا وكان بتعيب ف امي صحيح ما هي متعرفنيش بحق وانا اللي معرفتهاش بنفسي وكنت معاها زي عيل صغير وكنت عايز قال انسيها زعلها واملى حياتها فرح تهدى بس عليا وتشوف اللي جاي نزل السلم يسأل عن جده قالو انه ف اوضة المكتب راح عنده خبط ع الباب ومفيش شويه وسمحله جده يدخل دخل وقفل الباب وراه وراح قعد قدام جده ع كرسي وقال :- اسر بجديه :- جدو كنت عايز حضرتك ف موضوع مهم الجد بإهتمام : قول يا ولدي انا سامعك اسر : بصراحه كده الموضوع هو ..................... •••••••••••••••••••••••••••••••••••••••••••••••••••••••• عند فرح كانت تبكي لا تعرف اهي دموع زعل او فرحه فهي كانت معجبه به ولكن لم تتوقع ان يبادلها نفس الاعجاب لكن هي لا تعلم ان كان اعجاب به ام انها فقط حركت غريزته الرجوليه بمظهرها ف هي لم تنتبه انها تقف امامه بهذه الملابس الظاهره لجسدها ولا ترتدي حجابها وما صعب الامر كانت تخلع عداساتها كعادتها اثناء نومها كانت تظن ان نادين من ع الباب لكن مهما كانت مشاعرهم ما حدث منه كان خطأ شديد لن تسامحه عليه اخذت تتذكر وتقول :- هو ازاي يعمل كده هو فاكرني ايه انا عمري ما هسامحه ابداا .. اخذت تبكي وتتذكر رد فعلها شهقت وهي تقول : ااايه ده انا ضربته بالقلم نهااار مش فايت .. استغربت نفسها وقالت .. وايه يعني هو يستاهل عشان قليل الادب وميصحش اللي عمله حتى لو مش ف وعيه وبعدين ما كان فايق وزي القرد انا اللي كنت نايمه ايوه وانا هوريه بس حاضر يستنى عليا ده انا هفضحه ??? ****************************************** بعد انتهاء اسر من الحديث مع جده انتظر رده ليرد الجد :- الجد : والله الكلام زين قوي وانا كمان موافق اسر بفرحه : شكرا يا جدو انت متعرفش اسعدتني قد ايه الجد : يا ولدي انا جارك ف اي حاجه وهساعدك توصل لمرادك اسر بمرح : تسلملي يا جدو يا حبيبي يلا بقى قوم ناكل انا عصافير بطني بتزقزق من الصبح الجد : هههههههههه معاك حق يا ولدي وانا كمان يلا بينا خرجوا لغرفه السفره ليجدوا امينه وامير يجلسون منتظرين الغداء ليهموا الخدم بإدخال الطعام ووضعه ع السفره جلس الجد واسر نظر الجد حول الغرفه ثم قال :- الجد :- اومال البت فرح فين منزلتش ليه هي لسه نايمه امير : مش عارف يا جدي ثواني هقوم ابص عليها اسر بغيره واضحه : استنى انت رايح فين اقعد مكانك انا هطلعلها ..ارتبك عندما وجد الكل ينظر له بإستغراب ليتنحنح قائلا :- اصل انا بعتها الاوضه عندي وانا نازل تجبلي حاجه ممكن تكون معرفتش مكانها ولسه بتدور هطلع اجيبها وانزل الجد : طب روح قوام احسن الوكل هيبرد اسر : حاضر يا جدو صعد اسر الي غرفه فرح وقرر اصلاح الامر حتى لا يتمادي بينهم لا يريده ان يكبر اكثر من هذا لانها الخاسره الوحيده قرر التفاهم معها وبعد ذلك لن يتحدث معها ويتجاهل وجودها حتى انقضاء مدة بقاءه هنا وحتى تستطيع هي اكمال امتحانها ع خير طرق الباب ليأتيه صوتها ليدخل فتح الباب ودخل وجدها ترتدي فستان من اللون الوردي الجميل وتضع حجابها باللون الاسود به نقشات باللون الوردي كانت تجلس ع مكتبها تدرس ف احدي الكتب سحب كرسي وجلس امامها تنظر للكتاب لا تعي للجالس امامها ينظر اليها بعينان كالصقر اص*ر حمحمه خفيفه لتنظر له بدهشه ع جرأته ما هذا الرجل يجلس ينظر اليها ببرود كأنه لم يفعل شئ لتقف تقول بسرعه :- فرح بغيظ : انت .. انت ازاي تدخل هنا ليك عين توريني وشك اتفضل اطلع براا اسر بهدوء : فرح ممكن تقعدي عايز اتكلم معاكي فرح بغضب : انا وانت مفيش بينا كلام ولا عمره هيكون كفايه اللي حصل من ......... قاطعها اسر قائلا :- اسر بهدوء : انا اسف يافرح فرح بصدمه لنفسها ماذا اااسف هو يعتذر منها بكل بساطه اين ذهب غضبه وكبرياءه المزعوم تن*دت قائله بحده :- فرح بهدوء : واعتذارك مش مقبول واتفضل عايزه اذاكر اسر بأسف : فرح اسمعيني انا بجد اسف مش عارف حصل مني كده ازاي والله ما كنت ف وعيي ولا حاسس باللي عملته ابتسمت فرح ف داخلها فهو حتى لو لم يكن يحبها ع الاقل حركت مشاعره وهذا يعني ان لها تأثير عليه تابع اسر توترها وعلم انه ف الطريق الصحيح ليكمل قائلا :- -وعد مني اني عمري ما هقربلك تاني ولا اتخطى حدودي معاكي بس انتي سامحيني انا مقدرش تفضلي زعلانه مني مهما كان انتي بنت عمي .ثم تابع بخبث . واختي الصغيره واللي حصل ده كان لحظه ضعف مني ارجوكي سامحيني حزنت فرح من كلمته انه يعتبرها اخته فقررت مسامحته وتفويت الامر حتى تتابع حياتها بدون مشاكل فهي لن تتحمل ان تعطي احد قلبها ويقوم ب**ره لها وقررت دفن هذه المشاعر قبل ان تكبر وتنمو بداخلها :- فرح بجديه : خلاص يا ابيه مفيش حاجه انا مش زعلانه اسر بمرح لتلطيف الجو بينهم : ابيه ايه بقااا هو بعد اللي حصل ده ينفع تقولي ابيه فرح بحده : خلاص يا ابيه قفل ع الموضوع ياريت لو عايز ميحلصش بينا خناق تاني تنسى اللي حصل ده او الاحسن انك ملكش دعوه بيا تاني ولا كأني معاكم ف البيت ممكن اسر بحزن ظاهر : ممكن يا فرح انا اسف انا هنفذلك طلبك ومش هزعجك تاني ابدااا بعد اذنك .. وااه صحيح انا كنت جاي اقولك انزلي عشان جدو مستنيكي ع الغدا باااي خرج اسر من غرفتها وتركها حزينه لما تفوهت به ودائما ت**ر بخاطره ولكن نفضت من رأسها هذا وقالت :- -كده احسن انا مش مستعده للمشاعر دي وجوده جمبي خطر عليا وعلى حلمي وانا مش مستعده اتراجع ولازم اكمل ************************************ نزل اسر وقالهم انها نازله ومفيش شويه ونزلت فرح وقعدوا اتغدوا وطول الوقت هما الاتنين سارحانين لاحظهم الجد الجد : مالكم يا ولاد سرحانين ف ايه فرح : مفيش يا جدي شاغل بالي الامتحان بس الجد : متقلقيش يا حبيبتي اكيد الاولى زي كل سنه بإذن الله فرح وهي تنظر لآسر : مش باين يا جدي مش باين اسر فهم مقصدها وقف من مكانه : الحمد لله عن اذنكم انا خارج شويه امينه بسرعه : ع فين يا ولدي انت لحقت تاكل اسر وهو ينظر لفرح : معلش بقااا يا عمتو نفسي اتسدت امينه : معلش يا حبيبي اقعد كمل اكلك هو حد يشوف الاكل ده ونفسه تنسد اسر : الحمد لله شبعت انا اصلا اكلي مش كتير عن اذنكم الكل : اتفضل خرج اسر وقرر تجاهل فرح تماما لانه مش هيتحمل جرحها ليه كفايه كل اللي حصل **************************************** صباح يوم جديد ذهبت فرح مع نادين للمدرسه انه اول يوم ف امتحانات الترم الثاني لهم انقضت ساعات الامتحان وخرجوا من قاعة الامتحان يراجعون معااا الاجابات فرح بفرحه : كده تمام اووي مفيش غلط نادين بإرتياح : كنت خايفه اووي عدى ع خير عقبال الباقي فرح : بإذن الله هيعدوا وهننجح وزي كل سنه من الاوائل نادين : ان شاء الله يااارب فرح : يلا قومي خلينا نروح انا واقعه من جوع مفطرتش من القلق وبعد ما اطمنت اهو هموت واكل نادين : كالعاده طبعا ايام الامتحان مش بتفطري غ*يه ? فرح : لمي لسانك يابت انتي عارفاني طول ما فيه قلق مش باكل مش مفجوعه زيك انا الاكل اهم حاجه ف حياتي نادين بهيااام : احم لا طبعا المهم ف حياتي بطل المخابرات اللي مستنياه ااااه امته هيجي بس فرح : هههههههههههههه يخرب عقلك يابت ركزي شويه لما نخلص من امتحانات وبعدين ابقى ارجعي احلمي ببطلك نادين : ايوه صح عندك حق اركزي يا نادين هنتشلوح فرح : ههههه ابو الفاظك يا شيخه ?? نادين : اسم الله ع البت العاقله ده انتي ساعات بحس انك مش بت عيله الجارحي خالص ده لسانك ملفوفه بيه فرح : اه لقوني ع باب الجامع هاهاهاها قومي يابت يلا نروح ههبط منك واحنا مشايين نادين : لا انا مش هروح معاكي الشعنونه قالتلي اروح قبلي البلد اجبلها بلاس عسل روحي انتي واشوفك بالليل فرح بضحك : الشعنونه اااااخ لو سمعتك هتنفضك ?? نادين بغيظ : الهي يسترك متفكرنيش لسه نفضاني امبارح يلا سلام يا توولي عشان الحق واروح اذاكر لأمتحان بكره فرح : خلاص يلا روحي سلام يا نودي **************************************** عند سليم ف العربيه هو وشخص اخر يهتف بعصبيه :- سليم : ادينا توهنا بسبب امك انا ايه خلاني اسمع كلامك الشخص : ايه امك دي ما تحترم نفسك يا سليم وبتزعقلي ليه هو انا كنت جيت هنا قبل كده الدور والباقي ع ا****ر اللي جه هنا الف مره ومش عارف الطريق سليم : اولا انا مش حمار انا اكبر جراح قلب ف مصر ثانيا بقاا انا عارف الطريق كويس جدا بس حضرتك اللي طلبت نمشي من هنا وقولت انه معاك على ال gps واضح ان ده طريق مختصر واهو التليفون فصل وتوهنا ومش عارفين نرجع الشخص : وانا اعرف منين انه الفون مش هيكمل لاخر الطريق وهيفصل سليم : لا والنبي ومعملتش حسابك ليه لحاجه زي دي وعمال تقولي انا متفوتنيش دبة نمله وانا صخر المخابرات يا شيخ اتلهي بس بلا نيله القاب ع الفاضي مراد : لا بقا انت زودتها اووي ما تتلم يا جدع همد ايدي ? سليم : لا وحياة ابوك انا خلصان والله تعالى سوق شويه مراد : انزل يا اخويا انا عارف والله انه الاجازه معاك هتيجي ع دماغي انا ومش هتهنى بيها ربنا ياخدك يا سليم انت واخوك سليم : ولما ربنا ياخدنا مين يقرفك ف عشيتك ??? مراد : محدش بس انا كده هبقى مرتاح سليم : تؤتؤتؤ الهي ما ترتاح يا مراد يا ابن ماجده واشوف حالك متشقلب وتندلق ع بوزك زي ما المايه بتندلق من الكوبايه كده اهو ... هات بقاا اشرب من عندك مراد وهو يقزفه بزجاجة الماء : خد اطفح ولعملك انا فاهم تلميحك وشكرا ع الدعوه الزباله دي واحب اطمنك مش هتحصل معنديش وقت ولا لسه اتخلقت اللي ده هيدق ليها قالها وهو يشير الى موضع قلبه (ههههههه جااااايه يا ابني) سليم : هنشووف يا كبير انا وانت واسر والزمن طويل نفس الكلمتين دول بسمعهم كل يوم من اسر وانا بقااا مستنيكم لما تقعوا ع جدور رقبيكم (والنعمه دا انت اللي هتقع ورقبتك هتت**ر كمان ??) مراد : عشان مش بتزهق من نفس الموضوع ولازم دايما نفكرك بإننا مش فاضيين للحب والمشاعر سليم : بس ع الاقل اسر مقضيها مع اللزقه هند اما انت بقااا ميييح خالص كأنك روبوت مبرمج بالظبط من البيت للشغل ومن الشغل للبيت حتى سهر مفيش مراد : انا راجل ملتزم وبحب كده ومش ناوي اتغير اخرس بقاا خليني اركز ف الطريق فضلوا ناقر ونقير وسليم عمال يرمي عليه الحاجات اللي بياكلها ومراد اتضايق منه وقرب يطق وفجأه مره واحده لقى نفسه خبط حد بالعربيه *************************************** ف المطار في صالة العائدين والخروج يجلس سليمان ينتظر صباا ابنة اخيه حتى يأخذها للمنزل لتخرج فتاه في غايه الجمال بعينان زرقاء كعين ابيها واختها وشعر اسود وفم ناعم صغير وغمازات تزين خدها ترتدي بنطال من الجينز الازرق الفاتح وقميص ابيض وتترك لشعرها العنان ذهبت الي سليمان وقالت صباا بصراخ وسعاده :- عموو حبيبي ازيك واحشتني سليمان وهو يحتضنها : وانتي كمان واحشتيني يا لمضه صباا : لازم اكون لمضه والا مش هكون اخت تولين سليمان : ههههه‍هه حمدلله ع سلامتك يا حبيبتي صباا : الله يسلمك يا عمو عامل ايه سليمان : كويس الحمد لله يلا تعالي نطلع زمان فريده مستنيانا صباا : يلا احسن تقتلني ان اتأخرنا ههههههههههههه سليمان : والله معاكي حق ?? خدها وراحوا ع البيت وهناك استقبلتها فريده بحب وامرت بتجهيز اوضه ليها عشان ترتاح *************************************** ف مزرعة الجارحي يجلس الجميع ف الصالون لتدخل احد الخادمات تقول :- اسر بيه فيه ناس طالبين جنابك بره اسر بإستغراب : ناس مين !! مقالوش هما مين ؟ الخادمه : لا يا بيه هما قالوا عايزين حضرتك بس ... هما موجودين ف الجنينه اسر : طيب اتفضلي انتي وانا هقوم اشوف مين راح اسر يشوف مين الناس اللي عايزاه دي واتفاجأ انه سليم ومراد واقفين قدامه اتبسط جدا وطلع يجري عليهم يحضنهم ويرحب بيهم قال سليم بمرحه المعتاد : - سليم : سربرايز ايه رأيك لو اعرف انك هتفرح اووي كده كنت جيت من زمان انا عارف انك مش قادر تعيش من غيري مراد : لا وانت الصادق ده ارتاح منك هو فرحان بيا بس سليم : لبس العيد انت هيفرح بيك بلا و**ه ?? اسر بغيظ منهم : بااااااس انت وهو ايه فيه ايه انتوا ما تصدقوا تمسكوا بعض اموت واعرف جايين مع بعض ازاي مراد : اهو اللي حصل بقااا زي ما قولتلك اني هخلص واجيلك وهو اول ما سمع اني جاي قعد يعيط ويترجاني اجيبه وانا لطفا بيه جبته معايا يلا لله كله بثوابه ?? سليم : تصدق يا واد جسمي قشعر من حنيتك عليا ? آسر بجديه : خلاص بقااا الله حتى هنا ارحموني شويه ? خدهم اسر ودخلهم جوه وعرفهم ع مراد لانهم عارفين سليم معادا فرح اول مره تشوفه زي اسر سليم : انتي بقااا فرح الاولى ع الجمهوريه مرتين ع التوالي فرح بغرور مرح : عندك شك سليم : ابدا يا ستي اصلي كنت هموت واشوف اللي واكله عقل بابا وعايزه تنزل الشركه تمسكها مع اسر دي شكلها هتحلوو اوووي من بكره نازل معاك انا يسطااا مراد : ده بجد انتي هتنزلي الشركه مع اسر فرح بمراوغه لرؤية وجه اسر يحتقن بالدماء من غضبه لانها تتحدث معهم لترد قائله :- اكيد طبعا جدي يوافق بس وانا ممكن امسكها وحدي ومش محتاجه ابيه ذات نفسه ? سليم بضحك : مين ابيه ده يا شابه ???? فرح وهي تشير لآسر : ده ابيه اسر سليم وهو ينظر لآسر ليرى غضبه وغيرته الواضحه ف عينيه فهو اعلم بإخيه وانه ع حافة الهاويه قرر اللعب ع هذه نقطه لينظر الى فرح قائلا بخبث ماكر :- سليم : إلا قولي يا فرح انا كنت جاي عامل حسابي انه الاولى ع الجمهوريه بنت لابسه نضاره كعب كوبايه وتقويم اسنان زي ما بنسمع عنهم لكن بصراحه اللي قدامي دلوقتي اجمل بنت ف العالم ولا احلى من كده ولا عارضه ازياء امريكيه سليييييييييييييييم قالها آسر بحده وغضب لتنتفض فرح من مكانها لتعلم انه هناك اعصار قادم اما سليم جمد مكانه ولا يعلم اين يذهب ليقول اسر بعصبيه :- انت جرى لعقلك حاجه بتعا** بنت عمك وجدك قاعد اتجننت خلاص .. ثم وجه حديثه لفرح ..وانتي ايه ما صدقتي عماله تتكلمي مع ده وتضحكي مع ده مفيش اعتبار لجدك اللي قاعد فرح بحده : انا مسمحلكش تكلمني كده انت مش وصي عليا عشان تقولي اعمل ايه ولا اتصرف ازاي واكلم ده ولا لا ? اسر بعصبيه : وطي صوتك وانتي بتتكلمي معايا واه انا وصي عليكي لاني ابن عمك ولما تتكلمي معايا تتكلمي بأدب فرح بغيظ : انا مؤدبه غصب عنك ومين قالك اصلا اني لازمني اتكلم معاك انا قولتلك قبل كده بس شكلك نسيت ومعنديش مشكله ارجع افكرك تاني ملكش دعوه بيا سيبني ف حالي اسر بحده : مش هسيبك يا هانم هي مش سايبه عشان تتصرفي براحتك انتي بنت ولازم تحترمي نفسك وتحافظي عليها فرح بزهق : اووووف بجد زهقت منك حد قالك قبل كده انك اهطل انا بقااااا بقولهالك اهو اعمل اللي ع مزاجي ملكش صالح سليم ومراد قالوا بخفوت ودهشه :- اووف لبست ف الحيط اسر واقف بيبصلها اوووي وماسك نفسه بالعافيه وهي بتبصله بتحدي وده اللي عصبه اكتر فكر انه احسن حل يمشي ويسيبها لانه لو قعد هيموتها وهو ف غنى عن ده طلع اسر من الصالون متغاظ ونفسه ي**ر رأس فرح اما فرح لسه واقفه مكانها بصت ناحية جدها لقيته بيبصلها بغضب فرح : جدي اناا ...... قاطعها الجد : هي دي ربايتي ليكي بتقلي بإبن عمك قدامنا كلنا ولا عامله حساب لحد واصل انا شكلي مقدرتش احكمك وفلتي وبقيتي طايحه ف كل الخلق كبير وصغير ومعملاش اعتبار لحد أنا سكت لما أشوف هتوصلي لفين وشوفت بعيني خلاص ودلوقتي روحي اطلع اوضتك غوري من وشي احسن ما اعمل حاجه تندمي عليها عمرك كله جاءت فرح تتحدث حتى اوقفها جدها يصرخ بها : ع اوضتك صعدت فرح غرفتها وهي تبكي لصراخ جدها عليها بسبب هذا الآسر الذي حطم عالمها وجعل كل يوم لها مشكله ظلت تبكي ولكن تحكمت اخيرا ف بكائها وقررت الاتصال بصديقتها نادين تأتي للبيات معها حتى تستطيع المذاكره والذهاب معا للامتحان ف الغد لحد هنا والفصل خلص بس يا ترى ايه اللي حصل مع مراد وسليم وازاي وصلوا المزرعه وآسر طلع راح فين كل الاسئله دي اجابتها الفصل الجاي ..باااي??______________________________________ #بقلم_رضوى_اشرف #أوجاع_فرح

Free reading for new users

Scan code to download app

App Store Google Play

Facebookexpand_more