bc

رواية أوجاع فرح

book_age18+
185
FOLLOW
934
READ
drama
tragedy
lighthearted
kicking
like
intro-logo
Blurb

هي فتاه ف السابع عشر من عمرها عنيده قاسيه لديها حلم واحد تعيش عليه وتسعى اليه لكن هل تستطيع تحقيقه وسط العادات والتقاليد التابعه لها

هو شاب ف الثامن وعشرون من عمره مرح يحب الحياه لا يبالي بشئ لكن يقتصر عليه مثل اتقى شر الحليم اذا غضب تقع في طريقه عنيده ماذا يفعل

هنشوف ازاي **ر فرحتها وهتنتقم منه ازاي ل**ر قلبها ووجعها منه ايه هو السر اللي ف حياتها عشان تكون بالقسوه دي وياتري عمل ايه عشان تزيد قسوه وتقرر الانتقام ده اللي احنا هنعرفوا تابعوا القصه

chap-preview
Free preview
اقتباس أول لقاء لأبطالنا

اقتباااس لاول لقاء لأبطالنا

دلفت الي المزرعه وهي تجري بسرعه شديده فمن يراها يظن ان هناك من يريد أختطافها غير منتبهه لمن حولها ولا من يقف على جانب الاسطبل بهيبته وجاذبيته ف هو وسيم بدرجه تخطف انفاس من يراه من الإناث
كان ينظر للخيل بضيق لانه مريض ولا يستطيع التحامل ع قدميه ظل ع حاله حتى وجد نفسه يطيح ارضا من شدة الاصتدام حتى انه ظن ان من صدمه قطار سريع ولكن نظر خلفه ليرى فتاه صغيره لا تكاد تصل الي كتفه ضعيفه الجسد بالنسبه له ولجسده الرياضي ولكن مهلا هي ايضا تحاول الوقوف سقطت هي الاخري من اصتدامها به ولكن ما جاء بعدها جعله في صدمه .........

هي: مش تفتح يا جدع انت

هو: انا اللي افتح هو انا اللي داخل زي القطر ومش عامل حساب للخلق

هي: بقولك ايه عااد انا كنت ناويه اعتذرلك عن اللي حصل ده بس طالما انت اتكلمت إكده يبقى اتفلق

هو: سبحانك يارب ..بصي يا شاطره انا مسامحك من غير اعتذار بس بالله عليكي هاتيلي شوية مايه اغسل ايدي وحاجه انضف بيها نفسي من التراب ده

هي: ليه هو الاخ ات**ر ولا ايه جيب لنفسك بلاش دلع عيال

هو: دلع عيال!!! انتي مجنونه يابت انتي

هي: جن اما يركبك يابعيد انت يا جدع انت بتكلمني اني اكده طااايب صبرك عليا والله لهوريك انا هخليهم ميدخلكش المزرعه دي تاني

هو بقهقهه: بجد وهتعمليها ازاي بقااا ياشاطره

هي بغيظ: هتشوف دلوك

دخلت عند خيلها المريض تحسس ع جسده المتراخي بدموع وهي تقول: هو لسه تعبان يا عم صالح بقاله تلات ايام اهاا بياخد الدوا ومش قادر يوقف ع رجليه ..ثم تابعت بغضب ..كله من الدكتور ا****ر اللي بره ده وقعته سوده معاي مش عارف يعالج خيلي وكمان بيهزقني طاااب ذهبت اليه وجدته يقف متكأ ع باب الاسطبل ويتحدث عبر الهاتف ويضحك بصوت رجولي خلاب تاهت في ضحته الجذابه فهي عندما رفعت عيناها ونظرت اليه ووجدته كتله من الجمال لكن اخفت اعجابها عندما لاحظت نظراته المشمئزه لها فاقت من شرودها ع صوت وهو يقول.....

هو: هاااا هتخرجيني من هنا ازاي عايز اعرف

هي: هخرجك حالا دلوك انت عارف انه برق لحد دلوك مش قادر يقف ع رجله ولا بياكل ولا يشرب

هو: ايوه فعلا انا لاحظت كده هو شكله تعبان جدا

هي: شكله تعبان!!! لاااه دا انت شكلك من كتر البهايم اللي بتعالجها بيقيت زيها لما هو تعبان مش بتعالجه ليه ولا هو انت واخد فلوس ع الفاضي وسايب حصاني هيموت وانت واقت تتحدد ف التليفون وسايب شغلك ...

هو بدهشه: شغلي اللي هو ايه مش فاهم بتتكلمي عن ايه

هي بغيظ: كمان اني اللي هقولك بتشتغل ايه هو البعيد فاقد الذاكره

هو بحده: شوفي بقاا انا من الصبح متحمل لسانك ومش عايز ارد عليكي ولا اتصرف تصرف مش هيعجبك انا مش بحب اقطع عيش حد

هي: وهتقطع عيشي كيف بقااا كنت شغاله عندك اياااك

هو: هو مش انتي من الخدم اللي هنا انا ممكن امشيكي حالا من هنا

هي : انا من الشغالين اللي هنااا انا شكلي شكل شغالين يا دكتور البهايم انت هستنى ايه عاااد من واحد كل وقته مع الجاموس والبقر 

هو: دكتور بهايم مين ده انا !!!!

هي: ايوه انت مش انت جاي تعالج برق وهو تعبان جوا وانت واقف هناا تشاكلني ولسانك متر والله لهقول لجدي يمشيك من البلد دي خالص يا مصراوي انت

داخل البيت الموجود بالمزرعه يدخل عم صالح بعدما شاهد الموقف علم انه لن يستطيع ايقاف المشكله وحلها واتجه الي سيد القصر حتى يأتي ويحل هذه المسأله لأن الهانم الصغيره عنيده ولسانها سليط لن يستطيع احد السيطره عليها إلا جدها
دخل يهرول بسرعه وهو يقول: الحق يا حاامد بيه

حامد الجد: فيه ايه يا صالح مالك اكده مفزوع برق جراله حاجه

عم صالح: لاع يا بيه ست فرح واسر بيه متشاكلين سوا ومحدش عارف يسكتهم

حامد الجد: مش هتجبيها لبر يا فرح عاااد

اتجه الجد الي الاسطبل حتى يعرف ما يحدث لكنه عندما خطى اول خطوه سمع اصواتهم التي تكاد تصل الى البلده المجاوره اتجه اليهم بوجه حااد وحازم

اسر: لالالا كده كتير اوووي انتي اكيد عميه ده شكل دكتور بيطري

فرح في نفسها:( لا ده شكل ايقونه الجمال بنفسه )
انتبهت ع نفسها وقالت: ايوه دكتور البهايم عدل عنك كمان

هنا سمعوا صوت الجد يقول بغضب: ايه اللي حوصل إهنه

هو / هي: شوف يا جدي

انتبهوا ع ما تفوهت به السنتهم للتو وكانت صدمه لهم

فرح: جدك منين انت بتقوله ليه جدي

اسر بسخريه: بجد المفروض اقول لجدي ايه بقاا يا اونكل

فرح: ايه يا جدي الكلام ده صوح اوعى يكون اللي ف بالي 

الجد : ايوه صوح يا هانم ولد عمك اللي ماسحه بيه الارض

فرح: والله ياجدي فكرته الدكتور الملزق اللي بيقوله عليه

الجد: ولو الدكتور من ميتاا احنا بنعامل ضيوفنا إكده

فرح: يا جدي فرسي تعبان ومن زعلى عليه مدرتش بحالي غير وانا بطلع تعبه ع جتت البني ادم ده

اسر: شوف يا جدو لسانها شوف بتتكلم ازاي يابت انتي اعقلى شويه ده انتي غلبتي العيال

فرح : بقولك يا جدع انت احترم نفسك وانت بتحدد وياي انا بقولك اهااا

اسر باستخفاف: يشرفني اعرف هتعمليلي ايه

الجد: والله عااال انتو كمان هتتخانقو وانا واقف

اسر /فرح: العفو يا جدي

الجد : خلاص حصل خير يا حبايبي شوف يا اسر يا ولدي دي فرح بنت عمك عاصم وانتي يافرح ده ولد عم**ليمان

فرح بحزن: لو سمحت ياجدي متربطش اسمي بالراجل ده وانا بعتذرلك ع كلامي بس انا بت نورهان وبس واسمي فرح الجارحي ومش محتاجه اكتر من لقب الجارحي جاار اسمي عن اذنكم

اسر: هي مالها كده لسه مش ناسيه الموضوع ايااه

الجد: محدش هيقدر ينساه يا ولدي اللي حصل شقلب حالها وخلاها عنيده ودايسه ع الكل بقى فيها قسوه عمري ما شوفتلها زي حاسس انها مش بتي اللي ربيتها بس هنقول ايه حسبي الله ونعم والوكيل

اسر: معلش يا جد*كل حاجه هترجع لاصلها بس هي تدخل الجامعه وتتعرف ع ناس جديده وتعيش حياتها وتنسى كل حاجه

الجد : جامعة انت كمان هتقولي زي ما بتقول هي هدخل الجامعه مش كفايه انها دخلت ثانوي عام واحنا محدناااش بنات بتتعلم واصل

اسر: ده كان زمان ياجدو دولوقتي البنات زي الشباب وبتتعلم وبتشتغل كمان زيها زي الشاب بالظبط

الجد: انت متعرفش حاجه عن عوايدنا وتقاليدنا يا ولدي واللي هي بتحلم بيه مستحيل يتحقق اهنه

اسر بفضول : هي عايزه ايه ياجدو

زفر الجد بحزن: عايزه تدرس ادارة اعمال ف امريكا وتنزل تمسك الشركه زيك انت واخواتك قولتلها انكم رجاله وتعملوا ما بدالكم لكن هي مصممه وبتقول انا مفرقش عنهم حتى لو بت اقدر امسك الشغل احسن منهم

اسر بإعجاب: بجد ده انا فكرها عايزه تدخل حاجه هنا طلعت عندها طموح كبير اووي وماله تتعلم وتيجي معانا تورينا نفسها

الجد : امشي يا ولد من قدامي انت كمان قال تسافر امريكا قال انتو اتجننتوا اياااك ..الجد مغيرا للموضوع قال بمرح: الا قولي يا اسر هي فرح مسحت بيك الاسطبل ليه

اسر بغيظ: والنبي ما تفكرني ياجدو دي طيرتني ع الارض **رتني ولسه بقوم اسند طول واكلمها لقيتها اتفتحت اعوذ بالله بلاعه شتيمه هزقتني يا جدي يرضيك

الجد بضحك: ما انت كمان مقصرتش انت الوحيد اللي قدر عليها وعلى لسانها ده محدش يستجرى يزعقلها اهنه

اسر بتلاعب: ده انا اسر والاجر ع الله حاضر بس انا وهي والايام اللي قاعدها هنا هربيها

الجد برجاء: ياريت يا اسر ياولدي نفسي ترجع زي زمان لو تقدر يا ولدي نسيها اللي فات بس بلاش تزعلها دي عندها امتحانات اخر الاسبوع

اسر: متقلقش ياجدو انا قاعد شهرين هنا بإذن الله اتصاحب معاها وهحاول انسيها اللي عمله عمو عاصم واخليها تعرف ان الدنيا دي مش بتوقف عن موقف عدى ولازم تستمر بشكل طبيعي

الجد بإمتنان: كتر خيرك يا ولدي يلا بقى تعال ندخل البيت زمانهم حضروا الوكل خلينا نتغدى

اسر : تعال يا جدو اما ندخل نشوف انسه فرح الجارحي سيده الاعمال ذات السابع عشر عاما هههههههههههه

الجد بقهقه: يلا يا بكاش ده انت هتشوف ايام سوحه معاها

رواية أوجاع فرح 

بقلم :- رضوى أشرف 

editor-pick
Dreame-Editor's pick

bc

رواية انا السئ

read
817
bc

حبيبي عبر الزمن

read
1.1K
bc

أنتى حكايه

read
7.0K
bc

قهرني بلا ذنب

read
2.3K
bc

ظلمات حصونه

read
4.8K
bc

المتمرده والضابط

read
3.2K
bc

تزوجت ملتزمه ولكن معاقه

read
573
dreame logo

Download Dreame APP

download_iosApp Store
google icon
Google Play