Pagkatapos ng mahabang araw sa ospital ay hinatid muna ni Mang Pablo sina Lola Cora at Lolo Goryo pauwi sa kanilang bahay sa Bacoor. Isa sa mga malapit na kamag-anak ni Aling Rowena ang nagbabantay muna nito sa hospital.
Gabi na nang makarating sila.
Tahimik ang buong bahay nang pumasok sila. Halatang pagod ang lahat mula sa nangyari sa buong araw.
"Magpahinga na muna tayo," mahinang sabi ni Lolo Goryo habang marahang umupo sa sala.
Tumango si Lola Cora. Halata sa kanilang mga mukha ang pag-aalala para kay Rowena.
Samantala ay tahimik lamang na tumango si Dinnah.
Ramdam pa rin niya ang bigat sa kanyang dibdib.
"Lolo, Lola… matulog na po kayo. Bukas po ay may maaga akong lakad, maghahanap po ako ng mahiraman ng pera, dahil hindi pweding na-delayed ang operasyon ni Nanay." mahinahon
