MAGKASALUBONG ang kilay ni Kyle habang may kausap sa telepono. Nagtataka ako kung sino iyon. May girlfriend na kaya siya?
“Mama, hindi nga ako pwede! May binabantayan ako sa clinic,” naiinis na niyang sagot.
Napatango ako. Mama niya pala iyon. Akala ko, girlfriend niya ang kausap niya.
Pero okay lang naman ako rito, e. Bakit pa siya nag-aalala?
“Ma, please naman, oh? Kahit ngayon lang. Pabayaan niyo naman ako. Hayaan niyo naman akong hindi um-attend diyan sa meeting. Ngayon lang naman ako wala riyan, e. Kailangan ako ng kaibigan ko rito,” naiinis ngunit nagmamakaawang sabi niya. Bigla akong nakonsensya.
Kakausapin ko siya pagkatapos niyang kausapin ang mama niya.
“Ma, buo na ang desisyon ko. Hindi ako a-attend. Kailangan ako ni Bianca. Pilay siya, 'Ma! Walang maghahatid sa kaniya mam
