NAKATULALA ako sa kawalan nang biglang magsalita si Kevin.
“Saan dadaanan ang kapatid mo, Bianca?”
Sandali pa akong napatitig sa kaniya nang halos ay walang kamalayan.
"Hoy, Bianca?" bulyaw niyang ikinagulat ko.
Muli ay nagbalik ako sa tamang huwisyo.
“A-Ah, s-sa San Mateo National High School,” tipid kong sagot at lumingon sa bintana. Napakagat pa ako sa ilalim ng labi ko.
Shemay naman kasi, e!
Ito kasing si Kyle ayaw umalis sa isip ko. Bakit kaya ang bait niya sa akin, 'no? Oo, magkaibigan kami. Pero tama bang ganoon siya kabait sa akin? Tapos palagi pa niyang itinututok sa mukha ko ang mukha niya sa tuwing kakausapin niya ako. Ako tuloy ang parang nalulusaw sa sobrang gwapo ng kaharap ko.
FLASHBACK
“A-Ako na, Kyle. Kaya ko na ito.” Sinubukan kong kuhanin sa kaniya ang bimpong
