تملكني قاسي

البارت الخامس

البارت الخامس ....

هاني بسخرية من حديث والدته ....

- و مترضاش بيا ليه بقي ناقص ايد و لا ناقص رجل ...

الام ....

- لا يا ابن بطني اللي اكتشفته انك ناقص عقل ....

هاني بضيق ....

- جري ايه يا ماما انتي مع معاها و لا مع ابنك ....

الام بحسرة ...

- للأسف اول مرة اكتشف ان ابني غ*ي كده ... طب يا واد يا اهبل شوفها الاول و بعدين اتكلم طب دا انا مرعوبة احسن هي اللي مترضاش بيك بس بقول اهو يمكن ربنا يجعل في وشك القبول و يعمي عنيها ساعتها ...مين عالم يمكن تكون من نصيبك و اهو ساعت القدر يعمي البصر ....

هاني بضيق ....

- جري ايه يا ماما محسساني ان السنيورة الاميرة ديانا جري ايه انتي المفروض تعظمي كده فيا انا مش فيها هي ....

الام ....

- يا خويا اتو** اتو** كده و انت جنبي من غير جواز كده ... انت !؟ هو انت هتنفع انت في حاجة خالص ... اعوذ بالله منك يا اخي طالع لأبوك لشكل و لا منظر و عمال يتنك اوي دي اه و دي لأ اصل دي طخينه اصل دي رفيعة اصل دي عندها حاجب ارفع من التاني ... و بعدين تعالي هنا مال الحاجب و مال الجواز ها ؟

هاني ....

- انا عارف اني مش هخلص النهارده .... خلاص يا ماما اللي انتي عايزاه اعمليه ...

الام بفخر ....

- ايوة كده شاطر هو ده قلب ماما حبيب قلبي ...

~~~~~~~~

عند ايهم كان كالعادة جالس بمفرده و يستعيد ماضيه المؤلم ....

flash back

كان ايهم في السنه النهائية له في الجامعة و كان يعيش مع والدته فقط لأنها منفصلة عن والده منذ ان كان صغير ....

و في أحد الايام كان ايهم كان انهي محاضرته و اتجه الي سيارته ليرحل و لكنه فوجئ بفتاه تستند علي سيارته و تبكي بقوة ...

ايهم بحرج ....

- ممكن بس بعد اذنك شوية عايز اتحرك بالعربية

ايهم بحرج .....

- معلش بس بعد اذنك عايز اتحرك بالعربية ....

الفتاه و قد شعرت بحرج شديد هي الاخري فنظرت له بأسف و مسحت دموعها بسرعة ....

- انا ... أحم انااا اسفة جدا مشوفتش حضرتك و اسفة علي الازعاج طبعا ....

ابتسم ايهم و قد طغت وسامته .....

- براحة بس اهدي مال وشك بقي اصفر ليه كده محصلش حاجة لكل ده ... هو انتي هنا معانا في الكلية ؟

حركت رأسها بمعني نعم ....

ايهم ....

- امممم بس انا اول مرة اشوفك ...

الفتاه ...

- اصلي مش بحضر كتير بسبب ظروف عندي و كده و كان في واحدة صاحبتي بتجبلي المحاضرات بس هي اتجوزت و بطلت تيجي فأنا اضطريت اجي بنفسي النهارده و حاسة اني متلغبطة اوي و الدنيا وحشة معايا اوي ....

ضحك ايهم بكل صوته ....

فنظرت الفتاه له و اردفت بغضب ....

- ممكن افهم انا قولت ايه يضحك معلش ... علي العموم ميرسي لذوقك ... و كانت ستهم بالذهاب و لكن أوقفها ايهم بسرعة و هو يقول ...

- استني بس مش قصدي و الله بس انتي اول ما قولتي كده افتكرت نفسي و انا في سنه اولي بجد يمكن كنت اكتر منك كمان ... و علي العموم يا ستي لو تقبلي اعتذاري و اسمحيلي اكون انا مكان صاحبتك اللي خلعت و اتجوزت دي و اجبلك كل المحاضرات و افهمك اي حاجة انتي عايزاها ...

نظرت له الفتاه بعدم تصديق ....

- بجد !!!! انا مش عارفة اشكرك ازاي انت تقريبا كده انقذتني و الله انت ربنا بعتك ليا نجده من السما ...

ايهم ...

- طب هاتي رقمك بقي عشان ابعتلك المحاضرات ...

املته الفتاه رقمها فسألها عن اسمها فقالت له أميرة ...

ايهم ...

- و انا ايهم ...

أميرة ...

- تشرفنا يا ايهم و بجد شكرا للمرة المليون علي موقفك ده ...

ايهم ....

- طب كفايا شكر بقي لحد كده و تعالي اوصلك. ..

أميرة ...

- لأ شكرا مش عايزة اعطلك ...

ايهم ....

- يا ستي تعالي بس مالكيش دعوة يعني مشوارك هو اللي هيعطلني و كلامنا ده لأ يا ستي اركبي اركبي ...

ابتسمت له اميرة و اردفت بحرج ...

- صدقني مش هينفع مينفعش اركب معاك لوحدنا ... بعد اذنك ثم تركته و رحلت ..

نظر ايهم في اثرها بإعجاب و هو يردد في داخله أميرة و هي أميرة فعلا ..

ثم اخذ ايهم سيارته و انطلق بها الي منزله و هو لا يعلم ما ينتظره في المستقبل ...

back ..

وقف ايهم بغضب و ضيق و هو يحاول نفض تلك الذكريات من راسه لماذا لا يستطيع ان ينسي فهو لا يريد من هذا العالم سوي ان يتركه يعيش بسلام فقط ...

ايهم ....

- انا كنت واحد غ*ي و ساذج و مستحيل ارجع كده تاني و اي حد هيقف في وشي اقسم بالله هدمره من غير تفكير ...

اخذ ايهم مفاتيح سيارته و اتجه الي البار المفضل لديه حتي يتسكع مع الفتيات عله يجد من تزيل اميرة عقله و لكنه في كل مرة يفشل في ذلك و بمجرد ان يترك الفتاه التي توجد معه ينفتح الجرح مرة اخري و كأنه كان الامس ....

~~~~~~~~~~~~

في صباح يوم جديد استقيظت نجلاء بكامل نشاطها لأول مرة بسبب حماسها و سعادتها بعملها الجديد ...

وقفت نجلاء أمام خزانتها تحاول ان تنتقي شئ مناسب و مرتب و وقع اختيارها علي بلوزة و بنطلون چينز و اختارت حجاب مناسب و خرجت لتتناول الافطار مع خالتها ..

الخالة بسعادة ....

- اللهم صلي علي النبي بسم الله ما شاء الله ايه الحلاوة دي يا بت يا نوجا الله اكبر انا خايفة عليكي لتتحسدي ....

نجلاء ....

- ههههههههه هتحسد علي ايه بس يا خالتو اهدي كده ... علي رأي المثل القرد في عين خالته غزال هههههههه ....

الخالة ....

- فشرتي هي مين دي اللي قرد ... هو انتي مش بتبصي لنفسك في المراية و لا إيه دا انتي حتي شبهي ....

نجلاء و هي تغمز بإحدي عينيها ....

- هو انا اجي فيكي حاجة يا مزة ههههههه ....

الخالة بخجل ....

_ بس يا بت بقي الله هههههه انا بت**ف هههههه ..

نجلاء بضحك ....

- طب اهدي شوية و خفي دلالك عم عطا بتاع الطماطم كل يوم يسألني عليكي هههههه ..

الخالة بضحك ...

_ بس يا بت هههههههه ....

انا هقوم اعملنا شاي ... و بمجرد ان وقفت الخالة شعرت بالدوخة مرة اخري و هنا هرعت اليها نجلاء بسرعة ....

_ انا لازم اود*كي للدكتور يا خالتو كده مش هينفع ابدا دي مش اول مرة يحصل معاكي الموضوع ده ...

الخالة و هي تحاول ان تبدوا طبيعية امام نجلاء حتي لا تخيفها. ...

- يا بت .. يا بت انا كويسة قومي بس و مالكيش دعوة بيا روحي الحقي شغلك ربنا يهد*كي بقي احنا ما صدقنا ان ربنا ف*جها و لقنالك شغل .. روحي يا حبيبتي ياله. ..

نجلاء ....

- لا انا مش همشي و اسيبك كده .. هخاف عليكي اوي احسن يجرالك حاجة و انا مش هنا ...

الخالة ....

- لا يا حبيبتي انا بقيت زي الفل اهو متخافيش عليا ... و روحي علي شغلك بقي الله يرضي عليكي ...

نظرت لها نجلاء بتردد ...

- حاضر يا خالتو بس الموبايل يفضل جنبك لو في اي حاجة كلميني و انا هيجيلك علي طول ....

الخالة ...

- ماشي يا حبيبتي ربنا يستر طريقك ....

قبلت نجلاء خالتها و رحلت من المنزل و اتجهت الي عملها الجديد .....

~~~~~~~~~

في ذلك الوقت كان ايهم يشعر بالضيق الشديد و كان ينوي عدم الذهاب الى العمل اليوم و لكنه سرعان ما عاد في قراره و انه لا يجب ان يتراجع ابدا بسبب ما حدث له و يجب الا يؤثر ماضيه علي حاضره ...

اخذ ايهم سيارته و اتجه الي الشركه و بعد قليل وصل الي هناك و بمجرد ان رأته الموظفات هامت كل واحدة به بسبب وسامته الطاغية و لكنه كالعادة لم يهتم لهن و صعد الي مكتبه .....

علي الناحية الاخري عند نجلاء كانت لا تزال في الطريق و بعد قليل كانت علي اعتاب الشركة تنظر لها بفرحة شديدة و عدم تصديق انها سوف تعمل في هذا المكان الفخم و دعت ربها بيقين شديد ان يوفقها في هذا المكان ..

خطت نجلاء بقدمها الي داخل الشركة و اول مكان اتجهت اليه هو مكتب تلك السكرتيرة التي ادخلتها المقابلة بالأمس ....

نجلاء بإبتسامه مشرقة ....

- صباح الخير ...

السكرتيرة ....

- صباح النور الي النشاط ده كله ثم نظرت في الساعة و انتقلت بنظرها الي نجلاء بإعجاب ....

- اممممم جاية في وقتك مظبوط يا ريت تستمري علي كده. ..

نجلاء .....

- حاضر ان شاء الله بس انتي قوليلي بقي مكتبي فين و هعمل ايه و كده ....

السكرتيرة ....

- اتفضلي معايا ..

اخذت السكرتيرة نجلاء الي حيث يوجد مكتبها و شعرت نجلاء بإنبهار بمجرد ان رأت المكتب الذي ستجلس عليه ....

السكرتيرة ....

- دقائق و هيكون عندك حد هيفهمك كل حاجة في الشغل. ...

نجلاء في نفسها ....

- انا مش مصدقة بجد ... دا مكتبي الحمد لله يا رب ...

و بالفعل بعد قليل جاءت الي الموظفات و بدأت تشرح لنجلاء عملها بالتفصيل ....

~~~~~~~~~~

علي الناحية الاخري كان ايهم يتحدث في الهاتف مع أحد ما بغضب شديد جدا ....

- انت لو مفضلتش في حالك انا مش عارف تصرفي هيكون معاك ازاي انا ممكن احرقك حي و لا يفرق معايا و مش هبقي علي حاجة عشان بس تكون عارف لأني لأخر لحظة مش عايز اعمل حاجة تأذيك ...

ابتسم ايهم بسخرية .....

- لا انت عارف اني اقدر و اقدر و نص و كمان تربيتك انت نسيت و لا ايه !؟

امممم طب حلو اوي خليك في حالك بقي و خااااف علي نفسك ... اغلق ايهم الهاتف في وجهه و وجد باب مكتبه يطرق فسمح للطارق بالدخول ....

تقدم منه هاني بسرعة ....

- ايه يا ايهم خوفتي طلبتني بسرعة ليه كده ؟

ايهم مفيش عايز اعمل جولة في الشركة و اشوف الدنيا ماشية ازاي لأني اكتشفت ان في جواسيس هنا يا هاني ...

هاني بصدمه ....

- جواسيس ! !!

عرفت ازاي و مين اللي قالك ؟

ايهم بسرعة ...

- مش وقتك بس تعالي معايا و انا هبقي افهمك كل حاجة بعدين ....

تقدم ايهم مع هاني و ظل يجول في جميع انحاء الشركة و كان يختار موظفين عشوائيا و يطلب منهم ان يفتحوا اجهزتهم و يري الاوراق و الملفات الخاصة بعملهم و كان هذا يسبب حالة من الرعب و التوتر الشديد بين الموظفين و كان كل منهم يحاول ان يراجع عمله بسرعة لأن ايهم اذا امسك خطأ علي احدهم فلم يرحمهم ابدا ....

كانت نجلاء تنظر حولها بعدم فهم فلماذا الكل يبدوا و كأنه في سباق هكذا ... لم تبالي نجلاء ابدا و قررت ان تركز جيدا في انهاء عملها التي اخبرتها به من شرحت لها عملها. .. و بما انها متدربة و اول يوم عمل لها فقد كان خفيف للغاية و كانت نجلاء تعلم ان اليوم مازال طويلا فقررت ان تنهي جزء عملها و أن تكمله قبل ان ترحل ....

و لحظ نجلاء السئ كان في ذلك الوقت أيهم يتجه الي قسم الحسابات ...

و بمجرد ان دخل ايهم انتفض الجميع من مكانه برعب عدا نجلاء التي لم تنتبه له من الاساس ....

دخل ايهم مع هاني و بدأ التفتيش في ملفاتهم و حواسبهم ...

كان ايهم يتجه من موظف الي اخر عشوائي حتي لمح تلك التي تعبث بهاتفها ....

اتجه ايهم اليها بذهول و غضب و ض*ب علي المكتب بقوة ...

- انتي بتعملي ايه هنا ....

انتفضت نجلاء من مكانها بسبب تلك الض*بة و عندما نظرت اليه سرعان ما تعرفت عليه فعقدت زراعيها و نظرت له بتعالي ....

- هو انت !؟

ايهم بغضب شديد ....

- ردي عليا بتعملي ايه عما يا بت انتي !؟

نجلاء بغضب هي الاخري و طريقة شعبية ...

- الله و انت مال اهلك تكونشي شركة ابوك و انا معرفش ....

كان الجميع في المكتب يترحم علي نجلاء مقدما و يرجوا لها الرحمه ...

هاني بغضب ....

- انتي مين و بتشتغلي هنا من امتي ؟

نجلاء بغضب ...

- و انت مالك انت كمان انا بشتغل عنا و خلاص و محدش ليه انه يكلمني بالاسلوب ده انا معلمتش حاجة غلط ...

ايهم بحزم ....

- افتحي جهازك و عايز اشوف الشغل اللي اشتغلتيه النهارده ....

عقدت نجلاء ذراعيها و رفعت حاجبها بتحدي فأشار ايهم لهاني ان يفتح الجهاز و لكنهم صدموا بنحلاء تبعد يد هاني عن الجهاز و تنظر لهم بغضب ...

- اقسم بالله اللي هيجي جنب الكمبيوتر لشقوا .. ثم نظرت لأيهم و اردفت ....

و انت يا ابو طويلة انت روح هاتلي حد كبير اتكلم معاه اصلي مبتكلمش مع عيال ....