البارت الرابع

2017 Words

البارت الرابع نجلاء برعب .... - ادعيلي و الله يرضي عليكي يا خالتو ... اصل انا بموت هنا .... الخالة بحنان .... - ربنا يوقفلك ولاد الحلال يا نجلاء يا بنت قلبي و خليكي جامدة كده و متخافيش و امسكي نفسك و ربنا ان شاء الله معاكي يا روحي ... سلام ... نجلاء .... - سلام يا خالتو ..... اغلقت نجلاء الهاتف و كانت نجلاء ترتعش بخوف من ذلك الشاب الذي خرج امامها الان فكان وجهه أحمر بشدة ... نجلاء للسكرتيرة بخوف ... - انا عايزة استاذ هاني لو سمحتي ... السكرتيرة بإستغراب ... - اشمعني مستر هاني ... ثم ادركت السكرتيرة ما تريده ... - اااااه لا احنا هنا مش بنمشيها بالوسايط خودي بالك و لو انتي مش اد الوظيفة دي صدقيني و لا مستر ايهم صاحب الشركة نفسه يقدر يتوسطلك فأحسنلك كده اقرأي آيتين قرأن في سرك و اتكلي علي الله و ادخلي .... بس استني شوية دلوقتي اتفضلي ارتاحي ظلت نجلاء جالسة حتي دق هاتف السكرتيرة و طلبت منها الدخول كانت نجلاء تود لو تهرب الان بسبب الرعب و لكنها ستفعل ما عليها فقط من أجل شرف المحاولة ... كلن ذلك المدير يبدوا عليه الصرامه الشديدة و العبوس و كان رجل يبدوا عليه انه في نهاية الاربعينات من عمره .... جلست نجلاء علي الكرسي امامه بإرتياب ... المدير بجدية شديدة .... - فين ال cv بتاعك ... نجلاء بخوف .... - سسسي ففي ايه ؟ المدير بغضب .... - انتي جاية تهزري هنا خلصي هو فين .. نجلاء و هي علي وشك البكاء ... - محدش قالي ... المدير و هو يحاول تهدئة نفسه قليلا ... - طب تمام ... عايز اعرف اسمك و سنك و مؤهلك الدراسي ... نجلاء بخوف .... - نجلاء محمد و عندي ٢١ سنه و معايا ااا .... هنا دق هاتف المدير فأجاب عليه .... المدير .... - ايوة ... طب تمام ماشي ... عاد المدير الي نجلاء مرة اخري ... انتي خريجة تجارة صح !؟ حركت نجلاء رأسها بمعني نعم فهي معها دبلوم تجارة .. المدير .... - اممممم ... طب لو دخل عليكي عميل و طلب منك تطلعي دفاتر الشغل بيانات الاب توب بتاعك بحجة ان في غلط في الحسابات و هو عايز يتأكد بنفسه هتعملي ايه ؟ كانت نجلاء لا تعلم ما علاقة هذا السؤال بالعمل و لكنها اجابت بتلقائية .... - اكيد لازم استأذن من الاعلي مني قبل ما اعمل كده عشان دي امانة و مش من حقي افشي سر حد لأن ربنا شاهد عليا فلازم اسأل الاول ... المدير .... - بالرغم من ان مش دي الاجابة اللي انا عايزها بس انتي شكلك بنت امينه و كويسة و عايز اقولك خليكي كده علي طول انتي مفيش منك الايام دي ... نجلاء بحرج .... - شكرا لحضرتك ... المدير .... - انا هدربك هنا الاول يعني مش هتتولي وظيفة مرة واحدة لا لازم تتدربي الاول لأن واضح ان معندكيش خبرة ..... ابتسمت له نجلاء و قد أدمعت عينيها .... - انا مش عارفة اشكر حضرتك ازاي بجد انت انقذتني انا محتاجة الشغل ده اوي .... المدير .... - انا لما سألتك السؤال ده انا بس كنت بسألك عشان اقولك ان اجابتك غلط مهما كانت و امشيكي بس لما سمعت الكلمتين بتوعك اللي في الاخر دول حسيت انك محتاجة فرصة ... قومي ياله اتفضلي و بكره الصبح الساعة ٨ تكوني هنا ... وقفت نجلاء و شكرته بشدة ثم رحلت و هي تشعر ان الحياه ابتسمت لها من جديد و لا تعلم الجحيم الذي ينتظرها .... بسرعة اتجهت نجلاء الي منزلها و قلبها مفحم بالأمل و ان الحياه اخيرا ستصبح وردية و بمجردان رأتها خالتها هرعت اليها بتوتر .... - ها يا نوجا عملتي ايه .... نجلاء و هي ترسم ملامح الحزن علي وجهها ببراعة .... - و الله يا خالتو انا مش عارفة اقولك ايه بس الحاجات دي بتبقي نصيب و .... قاطعتها خالتها بحزن و هي تواسيها ..... - خلاص يا حبيبتي ... انتي عملتي ال ... و هنا قاطعتها نجلاء بصراخ ..... - انااااااااا اشتغلتتتت ياااااا خااااالتو .... عانقتها خالتها بفرحة ... _ بقي كده يا كلبة توقعي قلبي كده ... بس مب**ك يا حبيبتي مب**ك ... ابتعدت عنها خالتها ثم اردفت .. انا هاروح المطبخ بقي اعملنا لقمه ناكلها ... و فجأة شعرت الخالة بدوار شديد فهرعت اليها نجلاء بسرعة تمسك بها و كانت ترتسم ملامح الخوف و الرعب علي وجهها .... - انتي كويسة يا خالتو !؟ تعالي نروح لدكتور ... الخالة .... - لا يا حبيبتي دكتور ايه بس ... و هي فين الفلوس انا الحمد لله كويسة ... روحي انتي بس غيري هدومك ... اتجهت نجلاء الي الغرفة حتي تبدل ملابسها و في ذلك الوقت دق هاتفها برقم مني ... شعرت نجلاء بإحراج شديد و حزن من اجل صديقتها الوحيدة و لكنها لا تعلم ماذا ستفعل هل تخبرها ام لا ... اجابت نجلاء عليها ... - ايوة يا حبيبتي ازيك عاملة ايه !؟ مني بحزن .... - هكون عاملة ايه يعني يا نجلاء زي ما انا انا بس عايزة اعرفك اني هاروح ادور علي شغل بكره فكنت بسألك يعني لو هتيجي معايا !؟ نجلاء بإرتباك ... - بصراحة يا مني انا خالتو جابتلي شغل ... مني ... - شغل ايه ده !؟ نجلاء .... - في شركة كده واحد معرفة شغلني و و الله قولت لخالتو تشوفلك شغل معايا بس منفعش بس انا ان شاء الله من بكره هشوفلك اي وظيفة معايا .. مني و هي تحاول ان تكون سعيدة من أجل صديقتها ... - لا يا بنتي عادي و انا ازعل ليه ؟ ... الف مب**ك يا روحي ربنا يجعل وشه حلو عليكي و ادعيلي بقي اوعي تنسيني يا نجلاء ... نجلاء بحنان ... - بس كده عيوني يا مني .. اغلقت نجلاء الهاتف مع مني و هي حزيته من اجلها و لكن للأسف ليس في يدها شئ ... ذهبت نجلاء الي المطبخ لتأخذ بعض الثلج و تضع منه علي قدمها و لكنها لم تستطع ان تسرتيح لأنها سمعت جرس الباب. .. نجلاء ... - خالتو ... ياااااا خاااااااالتو .... اوووف لازم انا اقوم افتح. .... كان الباب يدق بقوة فصرخت نجلاء بالطارق بغضب ... - حاضر يا زفت يا اللي علي الباب ايه هت**روا علي دماغنا براحة ... فتحت نجلاء الباب لتجد عمار ابن صاحب المنزل يستند علي الباب و يبتسم لها بسماجة .... - الجميل اخباره ايه ؟ نجلاء بإبتسامه سخيفة .... - زفت علي دماغك هااا عايز حاجة تاني ... عمار .... - الجميل ماله بس ما براحة علينا شوية دا انا حتي جاي في الخير نجلاء بسخرية .... - هو انت اللي زيك يجي من وراه خير ابدا ... خلص و قول اللي عندك جاي ليه .... نظر عمار الي داخل المنزل .... - امال خالتك فين ؟ نجلاء بغضب .... - الله و انت ماااالك ... ضحك عمار بشدة .... - هههههه في رد حلو اوي و بقوله لأصحابي علي كلمه انت مالك دي بس عيب عشان انتي بنت و كده هههههه ... نجلاء و قد انكمشت ملامح وجهها ... - ابو تقل دم امك .... و هنا خرجت خالتها فنظرت لها نجلاء و اردفت ... مبحبوش الواد ده ... نظرت لها خالتها شزرا .... _ عيب يا بت اتلني خليكي مؤدبة ... خير يا ابني في ايه مش الايجار وصلك ؟ عمار ..... _ طب و هنتكلم علي الباب كده !؟ الخالة ..... - اتفضل يا بني بيتك .... و انتي يا نجلاء روحي اعمليه شاي ... نجلاء بضيق ... _ معندناش سكر .... عمار .... كفاية بس تحطي صباعك فيه هيبقي زي العسل بس اوعي تسبيه فيه كتير احسن بجزع ههههههه .... كانت نجلاء تنظر له بغيظ و تود ان تتقيأ بوجهه بسبب سخافته. .... و اردفت نجلاء بغيظ .... _ انا رايحة اعمل الشاي ثم دخلت نجلاء الي المطبخ و تركتهم ..... الخالة .... - خير يا عمار يا ابني عايز ايه ؟ عمار ... _ بصراحة كده يا حاجة و من غير لف و لا دوران انا طالب منك ايد نجلاء .... نظرت له الخالة بصدمه .... - نجلاء !!! و اشمعني نجلاء بقي ما البنات مالين الحته ... عمار .... - بس محدش دخل قلبي غيرها .. الخالة .... _ بس متأخذنيش يعني انت لا شغلة و لا مشغلة و ابوك هو اللي بيصرف عليك دا غير سمعتك في المنطقة اللي مالية المنطقة يا عمار .... عمار .... - يا خالتي سيبك من كل ده نجلاء هتبقي في عيني بس انتي وافقي و مالكيش دعوة ..... هنا خرجت نجلاء من المطبخ بغضب .... - و لااااااا انا سمعاااااك من الصبح و مش عايزة اتكلم انت عايزها توافق علي ايه ... اشمي يالا غور من هنا مش عايزة اسمع صوتك تاني و لو رجلك خطت هنا هقطعهالك مش ناقص كمان غير اني اوافق علي بياع الحشيش. .. امشطلع بره .... عمار بغضب .... - عجبك الكلام ده يا خالتي ؟ وقفت الخالة بحزم ..... - متأخذنيش نجلاء معاها حق و انا مش هرمي بنت اختي لأي حد دي امانه و نورت يا يا ابني اتفضل .... نظر لهم عمار بغيظ .... - تمام ... حلو اوي بس خليكوا فاكرينها انا جيت من الباب و انتوا اللي رفضتوا بس اقسم بالله لأخليكي تبوسي علي رجلي يا نجلاء عشان تجوزيني و انا اللي مش هرضي ساعتها و هتشوفي يا نجلاء انتي و خالتك و خليمي عارفة انك مش هتبقي لغيري .... نجلاء بغضب .... - ياله يا اخويا ياله يا خويا شرفت اتفضل بقي من هنا هوينا .... خرج عمار من المنزل و نظرت الخالة الي نجلاء ... - انا خايفة عليكي من الواد ده يا نجلاء شكله ناوي علي الشر .... نجلاء .... - علي نفسه انا مبخفش غير من اللي خلقني ... اوووف ربنا يحرق دمه زي ما حرق دمي البعيد ... انا اعصابي تعبت و الله مكنش ناقص الا الشمام ده كمان ..... شعرت الخالة بدوخة و تعب و كانت ستهم بالسقوط و لكن نجلاء هرعت اليها لتمسك بها و اردفت برعب .... - مالك يا خالتو انتي كويسة !؟ اجبلك دكتور و لا ايه ؟ .. الخالة و هي تحاول ان تبدوا طبيعية حتي لا تخيفها ... - متخافيش يا حبيبتي انا كويسة بس مكلتش النهارده روحي انتي بس حضري الاكل و اعمليلي كباية ميه بسكر و انا ان شاء الله هبقي بخير ... قومي انتي بس .... اتجهت نجلاء الي المطبخ لتحضر لخالتها ما طلبته منها ... ~~~~~~~~~ علي الناحية الاخري عند هاني كان يتحدث مع والدته ... - هاني .... - البت اللي انتي قولتي عليها مجتش النهارده يا ماما و فضلت مستنيها .... الام بذهول ..... - معقول !!! ... دي كانت سعاد و هي بتكلمني بتقولي انها هتموت علي الشغل ... استني اما اسالها ... هاني ... _ لا خلاص خلاص احسن انها مجتش انا اصلا مكنش ليا مزاج و كنت هشيل جميلة علي الفاضي و ايهم اصلا كان موافق غصب عنه فخلاص بقي يمكن هي ربنا كرمها بشغل تاني ... الام ... - خلاص يا حبيبي اللي تشوفه .... اما انا عمالالك حته اكله هتاكل صوابعك وراها .... هاني و هو يعبث بهاتفه .... _ لا يا ماما مش جعان .... الام بحنان مبالغ فيه .... - بقي كده برضك تزعل ماما يا هاني اهون عليك ... !؟ ضيق هاني عينيه بحزر فهو يعلم والدته جيدا و ان هذه ليست طباعها علي الاطلاق و اردف بنفاذ صبر .... - خلصي يا ماما و هاتي اللي عندك اصل انا و الله دماغي مش حمل اللف و الدوران بتاعك ده ... الام بغضب .... - بقي كده يا وسخ يا معفن بقي انا مش حنينه عليك ... ليه ؟ هنتك في حاجة و لا عاملتك وحش و لا انت مش بتشوف الامهات اللي بيعاملوا عيالهم معاملة مرات الاب يا واد .... هاني .... - ايوااااا كده هي دي امي اللي انا اعرفها ... طب انا و الله افتكرت عيانه او فيكي حاجة الحمد لله ان انتي بخير. .. م**صت الام بشفتيها .... الحق عليا عايزة مصلحتك يا واد. . دا انت عيل فقر ... هاني ... - يبقي اللي في دماغي و اللي انا خمنته صح .... الام .... - و ايه بقي اللي انت خمنته صح دا يا نين عين ماما. ... هاني .... - هو في غيره هو موضوع واحد مش بنخلص من امه ... عروسه اكيد شيفالي عروسة ... صح ؟! الام .... - و عي دي اي عروسة يا اهبل يا ابن الاهبل دي ما شاء الله عليها اسم النبي حارسها و صاينها حتت قمر كده .... هاني بسخافة و هو يرفع رأسه من هاتفه لينظر لوالدته .... - خليي جمالها لنفسها يا ماما ... الام بحسرة .... - بلا و**ة و هي دي كنت هترضي بيك يا فقر ... ~~~~~~~~~~~~~

Free reading for new users

Scan code to download app

App Store Google Play

Facebookexpand_more