البارت الثاني

1753 Words

فردت الشمس اشاعتها في صباح يوم جديد علي الاسكندرية و خصوصا في الحي الذي تقطن به نجلاء استيقظت نجلاء و هي تفتح عينيها بخوف ظنا منها انها تأخرت علي عملها و لكنها سرعان ما تذكرت انها تركت عملها ... وضعت نجلاء قدمها علي الارض لتذهب الي المرحاض و لكنها المتها بقوة فتذكرت ذلك الشاب الذي ض*بها بسيارته بالأمس ... نجلاء بغضب .... - حسبي الله و نعم الوكيل ... سابني مرمية و مشي عيل تنح .. قامت و دخلت نجلاء الي المرحاض و غسلت وجهها و ذهبت الي الخارج لتشاهد التلفاز .... خرجت خالة نجلاء من غرفتها لتفجاء بنجلاء تجلس و هي مستيقظة في ذلك الوقت الباكر ... الخالة ... - ايه اللي مصحيكي بدري كده يا بت يا نوجه مش عوايدك يعني هتتحسدي ... نجلاء ... - ابدا يا خالتو انا بس معرفتش انام من وجع رجلي دا غير الهم بقي الخالة .... - يا اختي لا هم و لا حاجة انا بكره ان شاء الله هجبلك شغلانه من تحت الارض و هتشوفي ... نجلاء .... - طب و البت مني !؟ الخالة بضيق .... - هو انا مطلوب مني اشيل هم الست منى كمان و لا ايه يا نجلاء ... احنا مالنا ما تروح هي تشوفلها اي شغلانه نجلاء بحزم ... - شوفي يا خالتو هي كلمه واحدة يا نشتغل مع بعض يا إما هنشحت مع بعض ... الخالة بسخرية ... - يعني الست منى بتاعتك دي لو قام جالها شغلانه دلوقتي هتقولهم لأ مش هشتغل من غير نجلاء ... نجلاء ... - انا ماليش دعوة بنية حد انا بعامل الناس بنيتي انا و بعدين دي داخلة علي جواز و محتاجة كل قرش و مالهاش حد غيري ابوها متوفي و امها مريضة مش بتتحرك ... الخالة .... - ماشي يا نجلاء خليها تنفعك في ذلك الوقت دقت عليها منى فاجابت عليها نجلاء ... - ايوة يا لولو عاملة ايه ... مني و قد بدا الحزن و الأسى الشديد في صوتها .. - مش كويسة خالص يا نجلاء .. امبارح بعد ما سبتك و مشيت لقيت خطيبي بيكلمني و بيقولي انه عايز يقدم معاد الفرح و انا لسه حتي مكملتش نص جهازي و مش عارفة اعمل ايه ؟ نجلاء ... - ان شاء الله هتتحل بس انتي سبيها علي الله و عارفة كمان هدورلك علي شغل قبلي ... تسلميلي يا حبيبتي و الله انا بتكلم معاكي بس من خنقتي مش اكتر ... دا غير كمان ماما محتاجة الدوا و مش عارفة اعمل ايه انا الفلوس اللي معايا اخرها الشهر ده و خلاص نجلاء .... - قولتلك خلاص متليش هم و سيبي موضوع الشغل ده عليا مني .... - مش عارفة اقولك ايه يا نوجه و الله ربنا يعلم انتي اكتر من اختي ... عارفة حتي لو مشتغلتش كفاية بس كلمتك ليا اللي فرحتني في عز همي ... نجلاء ... - يا بت يا هبلة احنا اخوات لو في اي حاجة عرفيني بس و مالكيش دعوة ... سلميلي علي طنط بقي سلاام .. اغلقت نجلاء مع صديقتها و عادت لتتنقل بين القنوات لكن اوقفتها نظرات خالتها الغاضبة فنظرت لها نجلاء بإستغراب ... - مالك يا خالتو بتبصي عليا كده ليه .. الخالة ... - مش عاجبني حالك يا نجلاء .. عمالة تعشميها انك هتسعديها و انتي اصلا محتاجة اللي اللي يساعدك ... نجلاء .... - اعمل ايه بس اقولها غوري في داهية مش عايزة اسمع صوتك تاني مفيهاش حاجة لما اطيب خاطرها بكلمتين يا خالتو .... الخالة ... - مااااشي يا نوجا .. قومي اعملي الفطار عشان انا جوعت .... نجلاء .... - يا خالتو بقولك رجلي بتوجعني يا خالتو مش قادرة منها و انتي بتقولي اعملي فطار ... الخالة بتأكيد ... - ايوة انا خالة جاحدة و وحشة و معنديش قلب قومي ازحفي علي ايدك بقي اعملي الفطار ... نجلاء بتحذير ... - ماشي يا خالتو بس خليكي فاكراها بس ثم اتجهت نجلاء الي المطبخ بألم لتعد الطعام و هي تحسبن علي من كان سبب في ذلك الالم ..... ~~~~~~~~~~~~ علي الناحية الاخري عند ايهم كان قد استعد للذهاب الي عمله و صعد الي سيارته الفخمه و عندما وصل الي الشركة ظلت الموظفات تهيم به كالعادة و لكنه لا يبالي بتلك النظرات بتأكيد لأنه اعتاد عليها .... دخل الي مكتبه و خلفه السكرتيرة الخاصة به لتضع امامه جميع الأوراق الذي من المفترض ان يوقع عليها ... ايهم و هو ينظر من النافذه امامه ... - خودي كل الورق ده انا مش همضي علي حاجة دلوقتي ... السكرتيرة ..... - بس يا ايهم بيه دا .... قاطعها ايهم بصراخ جعلها تنتفض من مكانها برعب ... - قووووووولتللللللك غوووووووري دلووووووووقتي ... هرعت السكرتيرة الي الخارج بسرعة و قلبها يرتجف من شدة الرعب و هي تلعن احتايجها لهذا العمل ... كان ايهم وقتها يشعر بأن مزاجه سئ للغاية و في ذلك الوقت دخل عليه صديقة الذي يعمل معه ... ايهم بضيق .... - عايز ايه يا هاني انا مش فايق و دماغي هتنفجر ... هاني ... - مالك بس متنشن ليه كده ... انا جاي اقولك ان انت بتضيع نفسك انت أهملت الشغل اوي الفترة دي و يا عيني البت السكرتيرة خرجت تجري من الخوف جالها صرع و عمالة تعيط بره ... اهدي علي الناس شوية دول غلابا يا ايهم .... ايهم بغضب ..... - و انا مالي ده شغلهم و كل واحد لازم يبقي اد المكان اللي بيتحط فيه يا إما بناقصه واحد يروح يجي مكانه الف واحد و بنص مرتبه كمان ... هاني : و الله يا ايهم انا تعبت منك انت مفيش فيك فايدة انت تاعب نفسك علي الفاضي ..... ابتسم ايهم بسخرية ... - يعني عايزني اعمل ايه ... قدري كده انا لما اتعاملت بضمير اضحك عليا و كنت هخسر كل حاجة و من ضمنهم قلبي ... هاني .... - دا علي اساس انك مخسرتوش ... شوفي يا ايهم انا مش عايز منك حاجة بس غير انك ترجع ايهم بتاع زمان ثم تركه و رحل و ظل ايهم مكانه و يفكر هل هو بالفعل لم يخسر كمام يظن ام علي الع** تمام و انه خسر الكثير .. ~~~~~~~~~~~~ علي الناحية الاخري عند خالة نجلاء كانت تتحدث مع احدي صديقتها حتي تري عمل لنجلاء ... الخالة .... - ايوة يا سعاد ازيك يا حبيبتي اخبارك ايه انتي و العيال و الشغل عندك اخباره ايه ... سعاد .... - يا اختي بخير الحمدلله بس انتي اللي مبتسأليش بقي .. الخالة .... - و الله بخاف تكوني في الشغل و اعطلك لو اعملك مشكلة ... سعاد .... - لا يا اختي و لا يهمك انتي اكتر من اختي فداكي الف شغل ... الخالة .... - يا اختي تسلمي بس بصراحة انا كنت عايزاكي في موضوع كده بس محرجة بصراحة ... سعاد .... - لا قولي يا حبيبتي مفيش بينا الكلام ده مانا لو عوزت خدمه هقولك علي طول ... الخالة .. _ بصراحة كده البت نوجا بنت اختي صاحبة المخل اللي شغالة فيه قفلته و هي دلوقتي يا حبه عيني الدنيا ملطشة معاها اوي و انتي يعني شغالة عند عليوي اوي فلو ينفع تكلميهم و يشتغلوها اي حاجة اي حاجة حتي لو هتعمل شاي و قهوة في اي مكان من اللي بيشتغلوا فيه ... سعاد .... - عيوني يا ختي اول ما هاني بيه يرجع هقوله و اقولك انا هقول للست والدته الاول لأنها بتحبني و مش هت**فني و هي تبقي تقوله ... الخالة بفرحة .... - طب دا كده يبقي فل اوي الحمد لله ربنا يباركلي فيكي يا حبيبتي و ميحرمنيش منك ابدا و هيبقي دين في رقبتي لأخر عمري مش هنساه ابدا ... سعاد ..... - يا ولية متقوليش كده بس انتي ادعي بس ان هو يكون عنده شغل مناسب ليها ... الخالة .... - حاضر يا سعاد و شكرا و الله تعبتك ... سعاد ... - لا شكر علي واجب يا حبيتي ثم اغلقت الخالة الهاتف معها و هي تتن*د بإرتياح و تدعوا ان ييسر الله لهم هذا الموضوع .... و لكنها سرعان ما سمعت صوت ابنه اختها بجانبها و هي تعترض ... نجلاء ..... - يا خالتو انا قولتلك مش هشتغل من غير مني ... الخالة بغضب .... - و هو كان الزفت اتنيل جه اصلا دا هي لسه هتطلب من الناس اللي بتشتغل عندهم يتعطفوا عليكي و يشوفلك شغل ... نجلاء .... - حتي لو الشغل ده ربنا كرمنا فيه و جه هديه لمني انا مش مهم دلوقتي ... الخالة بغضب و تحذير ... - طب قسما عظما يا نجلاء انا لو شميت بس كده انك مروحتيش الشغل او قولتي لأ انا هنزل فيكي ض*ب بعصاية المقشة لحد ما يبانلك صاحب و هدفنك هنا اهو في الصالة ثم أشارت علي الارض في منتصف الصالة ... نجلاء .... - في ايه يا خالتو ايه الرعب ده !؟ الخالة .... رعب ! هو انتي لسه شوفتي رعب بقي انا اشيل نفسي جمايل و اقل من نفسي قدام الناس و اخلي الست تطلب من الناس اللي بتشتغل عندهم و تشيل نفسها جميلة هي كمان و هي مش هتستفاد حاجة عشان ست مني بتاعتك ... اياااااكي يا نجلاء اياكي اعرف انك عملتي كده صدقيني هيبقي اخر كلام بيني و بينك ... لاحظت نجلاء ان خالتها قد حزنت و فأقتربت نجلاء منها ... - خلاص يا ستي حقك عليا متزعليش بقي انا مقدرش علي زعلك بقي انتي و الله زعلك كبير اوي عندي .. الخالة و قد أدمعت عينيها .... - هو انتي فاكرة يا نجلاء انه سهل عليا اقل من نفسي و اطلب حاجة من حد و الله انا كنت بتقطع و انا بطلب منها الشغل عشانك ... انا الحمد لله معاش جوزي الله يرحمه يعيشنا اكل و شرب مرتاحين انما انا شايلة همك انتي عايزة جزمه عايزة شنطة عايزة طقم .... و في الاخر و بعد ده كله عايزة تدي الشغل لمني ... انتي لو عايزة تسعديها سلفيها فلوس انما مش تديها الشغل كله و ندوخ احنا بقي ... نجلاء و هي تقبل رأس خالتها .... - خلاص بقي حقك عليا مش هزعلك تاني و الله بس انتي فوقي بقي كده و تعالي ياله نض*ب الفول بالبيض و علي الدنيا السلان**يه هههههه ضحكت الخالة و بالفعل اتجهت معها ليتناولوا الطعام التي أعدته نجلاء الخالة بحب .... - تسلم ايدك يا نوجه الفول زي العسل يا حبيبتي ... نجلاء بفخر ... - و الله انا مش محتاجة الحاجات دي خالص دا لسه الشيف شربيني امبارح كانت بيتاحيل عليا كده بيتحايل و انا اللي رفضت .... الخالة .... - وحيات امك .. قومي يا بت اعمليلنا الشاي قومي ياله ... نجلاء .... - الله انا لسه باكل ... الخالة .. - لا كفاية كده قومي ياله احسن تتخني انا خايفة عليكي يا بت كده العرسان تطفش منك يا بت يا ع**طة ... نجلاء بثقة .... - يطفشوا مين دول بيترموا عليا كده و اما اللي ماليش نفس .... الخالة .... - اسم الله عليكي يا واد يا جامد انت ايوة كده يا بت خليكي زي خالتك كده ... دا انا يا بت يا نجلاء كنت في شبابي اقول يا ارض اتهدي ما عليكي ادي ههههه و كان كل شباب الشارع هيموتوا علي كده ...

Free reading for new users

Scan code to download app

App Store Google Play

Facebookexpand_more