Halos panawan ako ng ulirat ng sabihin ng reporter sa video ng isang balita ang pagkakakilanlan ng dalawang taong sabay na namatay sa isang malagim na aksidente ng sasakyan.
Pakiramdam ko nawalan ako ng lakas. Tila isang masamang panaginip kung saan hindi ko magawang ikilos ang anumang bahagi ng aking katawan. Wala akong mahanap na tamang salita na dapat ay sabihin.
Naging mabilis ang mga sumunod na pangyayari. Nakita ko na lamang ang sa sarili ko na nagmamadaling umuwi ng bahay at naghanda para lumuwas ng lungsod.
"Abby, huminahon ka nga muna. Huwag kang masyadong magmadali at baka mapaano naman kayo ni Lyndsay sa daan. Kalma mo muna, Mare." Paulit-ulit na saad ni Shielalyn ng makita akong aligaga sa aking kilos.
"Mare, ikaw na muna ang bahala sa bahay ko. Kailangan ko na talaga na
