Ang sabi ng mga pulis na nakausap namin ng mga Ate ko. Mabilis daw ang ginawa na pagmamaneho ni Papa sa sasakyan kung saan rin nakasakay si Mama kaya sila naaksidente. Wala rin naman daw silang nakikita na foul play sa nangyaring insidente. Malinaw na malinaw raw sa mga cctv camera kung saan nahagip ang mabilis na pagpapatakbo ni Papa sa sasakyan na naging sanhi ng kanilang sabay na kamatayan ni Mama.
Madulas daw ang daan dahil halos ilang araw ng umuulan kaya naman talagang basa ang lahat ng mga kalsada. Kaya dapat daw na alalay lang sa pagpapatakbo ng kahit anuman na sasakyan na siyang nakalimutan gawin ni Papa.
Pero nagtatalo pa rin ang isip ko na para bang may mali. Alam ko na maingat si Papa sa lahat ng bagay lalo na sa pagmamaneho ng sasakyan. Malaking palaisipan sa akin kung ano a
