"Suki, bili ka na! Sariwang-sariwa ang lahat ng mga isda. Kaya pili ka na," saad ko sa mga dumadaan na mamimili sa harap ng aking stall dito sa palengke kung saan ako nagtitinda ng iba't-ibang klase ng mga isda.
Bangus, tilapya, galunggong, tulingan, barilyente at kung ano ang mga nahuhuling isda sa daungan kung saan ako namamakyaw tuwing madaling araw araw-araw.
"Mukha ngang sariwang-sariwa. Masarap na gataan itong tulingan," sabi naman ng isang Ale na lumapit sa aking tindahan at saka tiningnan ng mabuti ang aking tindang isda.
"Lalo na kung may extrang anghang." Tugon ko pa.
"Bigyan mo nga ako ng halagang limandaan. May mga bisita kasi ako ngayon at kailangan ko talagang magluto ng maramihan."
Madali akong kumuha ng nga isda at saka ko agad nilagay sa timbangan at nagkilo hanggang
