"Mabuti naman at wala kang raket ngayon, Mare?" tanong ko kay Shielalyn na narito ngayon sa loob ng bahay ko.
Tagarito rin siya sa lugar kung saan kami nakatira ng anak ko. Si Shielalyn ang tumulong sa akin noong mga panahon na pakiramdam ko ay nag-iisa na lang ako at walang kakampi.
Tinulungan niya akong makahanap ng murang halaga ng bahay at lupa na pwede kong bilhin upang maging permanenteng tirahan ko lalo pa at magkakaroon na ako ng anak.
Kahit busy rin siya sa kanyang paghahanapbuhay ay hindi niya ako nalilimutan na dalawin upang kamustahin ang aking kalagayan at kung meron pa ba akong kailangan. Siya ang nag-asikaso ng lahat nang nanganak na ako kay Andrea. Kaya nang pinagbigyan ko ang aking anak ay siya lang ang tumayong Ninang sapagkat wala naman akong ibang kakilala rito.
Han
