"Good morning Mommy, mga Auntie ko. Nasaan po si Daddy?" pupungas-pungas pang tanong ni Andrea na sa wakas ay gising na mula sa mahimbing na pagtulog. Kinukusot-kusot niya pa ang kanyang mga mata habang paling-linga sa paligid. Mag-tanghaling tapat na ngunit ngayon lang talaga siya nagising.
Narito pa rin kami sa loob ng aming silid at kasama ko pa rin ang mga ate ko at tahimik lang kaming nag-uusap tungkol sa mga bagay-bagay.
Nagkatinginan naman kaming magkakapatid ng marinig kong sino ang agad na hinanap ni Andrea.
"Good morning rin naman sa mahal naming bunso. Ang haba ng naging tulog mo. Saan ba kayo nanggaling ng Daddy mo kahapon ng buong maghapon at mukha yatang napagod ka ng husto?" ang tanong ni ate Alexis sa anak ko na nasa kandungan ko na. Hindi ako agad nakakakibo dahil napu
