"Anak, gusto mo ba dumalaw sa bahay ng Daddy mo?"
Mula sa pagiging abala sa paglalaro sa kanyang mga barbie doll ay mabilis na lumingon sa akin si Andrea.
Nakatingin siya sa akin na para bang takang-taka sa kanyang narinig na aking tanong.
Lumapit ako sa kanya at saka naupo sa kanyang tabi.
Inayos ko ang mahabang buhok ng aking anak. Tumitig ako sa kanyang magandang mga mata at saka muling nagtanong.
"Ask ni Mommy, if want mo na mag-visit sa house ng Daddy mo?" ulit kong tanong at saka ako ngumiti.
Nang mapagtanto ng anak ko na ako mismo ang siyang nagtatanong ay sunod-sunod ang kanyang naging pagtango habang mababasa pa sa kanyang mga mata na hindi siya wari bang hindi makapaniwala.
Tila naramdaman ko tuloy na tama talaga si Ate April sa kung ano ang naging opinyon niya sa akin sa
