Hindi ko rin masisisi kung naiingayan na si Mister Izon sa lakas at maya-maya na sigaw nitong si Crissan kaya talagang kanya ng pinapatulan.
"So, nag-ampon ka para may matawag na anak? How pathetic, Abby," nakataas pa ang isang kilay ni Crissan ng muli akong tanungin tungkol sa aking anak at insultuhin na rin.
"Bakit kailangan kong mag-ampon kung biniyayaan ako ng isang anak?" balewala kong tugon na patanong rin naman sa babaeng akala yata ay siya lang anak ng Diyos.
"Hindi ka pwedeng magka-anak. Kaya huwag mo ng lokohin ang sarili mo at paniwalain na may anak ka dahil si Lyndon mismo ang nagsabi sa akin na hindi ka magkakaanak dahil abnormal ang matris mo. Hindi ka pwedeng magkaroon ng anak kahit na ano pa ang gawin mo. Kaya mo nga pinagplanuhan na patayin ako hindi ba? Kasi naiinggit
