"Abby, huwag naman tayong umabot sa ganito. Nakikiusap ako sayo. Mahal na mahal ko ang anak natin kaya huwag ka naman agad na magdesisyon agad-agad. Magulang lang din naman ako ni Lyndsay. At karapatan ko rin na makita at makasama siya. Please, Abby," patuloy na pakiusap at giit ni Lyndon ng marinig ang mga sinabi ko sa inosente naming anak.
Muli akong humarap sa dati kong asawa at tiningnan siya ng mabuti habang walang mababasa na kahit anong emosyon sa aking mukha.
"Lyndon, naalala mo ba noong araw ng nalaman kong niloko mo ako? Noong panahon na nalaman ko na may iba ka pa lang babaeng mahal at ang mas nakakabigla ay binuntis mo pa kahit alam mo sa sarili mo na may asawa kang tao? Naalala mo ba ang mga sandali na masaya kayo habang ako ay walang kaalam-alam sa lahat ng mga ginagawa niy
