"Abby, alam kong hindi ito ang tamang lugar at tamang oras pero maraming gumugulong mga katanungan ngayon sa isip ko," sambit pa ni Lyndon na papalit-palit ang tingin sa amin ng anak niya.
"Tama ka, hindi talaga ngayon ang tamang panahon para mag-usap tayong muli pagkatapos ng ilang taon. Pero ano pa nga ba ang magagawa ko kung sa ganitong sitwasyon tayo muling nagkita." Sagot ko naman na talagang tinatago ang nararamdaman.
Tila natigilan ang lalaking kausap ko sa narinig sa akin. Tinitimbang niya rin marahil kung ano ang aking nararamdaman.
"Alam kong marami akong naging pagkakamali sa nakaraan at talagang pinagsisisihan ko ang lahat ng mga nagawa ko sayo hanggang ngayon, Abby. Nasaktan kita ng sobra at alam ko rin na hindi madaling kalimutan ang mga nagawa kong kasalanan." Buong pagpa
