Namangha ako ng sabihin sa akin ni Lyndon na ang malaking bahay sa aking harapan ngayon ay ang bahay ng kanyang pamilya.
Sadyang hindi mapagkakaila na moderno na disenyo ng bahay dito pa lang sa labas. Mas doble ang laki nito kahit pa sa bahay ng aking mga magulang.
"Halika na kayo at naghihintay na si Mama at Loisa sa loob. Malamang na inip na inip na sila," saad ni Lyndon ng buksan ang pinto ng kotse sa kung saan ako nakapwesto.
Inalis ko muna ang bikig sa aking lalamunan at saka ako dahan-dahan na lumabas ng sasakyan. Inabot ng dati kong asawa ang aking kamay para ako ay alalayan sa aking pagtayo ngunit pasimple ko itong inignora.
Nakita ko ang pagkadismaya sa kanyang mukha ngunit hindi ko na lang binigyan pansin pa ang kanyang pagmamagandang-loob.
"Mabuti naman at dumating na kay
