"Narito ka pa pala? Tulog na ba si Andrea?" bungad kong tanong kay Lyndon ng naabutan namin siya ni Ate April na nasa labas ng bahay at tahimik lang na nakaupo sa harap ng pinto. Magalang naman siyang bumati kay Ate April at tinugon naman ni Ate hindi katulad ni Ate Alexis na tango lang ang naging sagot sa tuwing kakausapin ni Lyndon.
"Pumasok kayo sa loob at mahamog na dito sa labas," saad ni Ate at saka na unang pumasok sa loob ng bahay.
"Hindi na ate, may sasabihin lang ako kay Abby at tutuloy na rin."
Tumango na lang si Ate April sa narinig kay Lyndon at saka na tuluyan na pumasok sa loob ng bahay.
Nagtataka nga ako kung bakit narito pa siya. Halos alas nueve na ng gabi. Marami pa kasing dumadaan na mamimili sa palengke kaya naghintay pa kami ng ilang oras ni Ate April bago magsar
