Someday, I'll forget you from my heart, but I'll keep living my life waiting for that day... ― Kreung Cheewit (Tung Jit Jai) [Half My Life (All My Heart)], New Jiew
xxxxxx
[Relaina]
“O, NASAAN na ang cellphone mo? ‘Di ba dala mo lang iyon kaninang umaga?” Iyon ang agad na tanong ni Mayu sa akin pagkatapos ng klase namin sa Trigonometry at habang tinatahak namin ang daan patungong canteen.
Lihim akong natigilan dahil doon. Pero nginitian ko na lang si Mayu at pinilit kong hindi ipahalata rito ang discomfort ko sa tanong nito.
“Tinapon ko na,” kaswal at tipid kong sagot dito. Sana lang ay makahalata ito na ayoko munang pag-usapan ang tungkol sa bagay na iyon.
Pero in fairness, pagkatapos kong gawin ang pagtapon sa CP kong iyon, parang nabunutan ako ng tinik sa lalamunan. Or at least it
