Inayos ni Lilly ang kanyang sarili bago bumaba ng kusina. Pinilit niyang ngumiti nang makita niya na nakaupo si Fatima sa high chair at maganang kumakain habang sinusubuan ito ni Ysrael.
"Good morning, baby," bati niya, at hinalikan sa pisngi ang bata.
"Ningning too," wika ni Fatima, at agad na niyakap ang kanyang leeg sabay halik sa kanyang pisngi.
Napansin yata ni Ysrael ang kanyang namumugtong mga mata. "Have you been crying?" buong pag-alalang tanong ni Ysrael sa kanya ngunit hindi siya umimik. "May kinalaman ba ito sa hindi pag-uwi ni Doc. Francis?"
"Of course not," mabilis niyang tanggi, at umupo sa may silya. "Ang totoo'y hindi ako makatulog dahil sa sinabi ni Roman."
"At ano ang iyong desisyon?" usisa ni Ysrael, at tinignan siya nang matagal na para bang inaarok kung may kat
