Masaya si Francis habang inaayos ang pag-landing ng kanyang chopper sa may run way ng pagmamay-aring Isla. Natawagan niya na ang kanyang tauhan para sunduin siya. Maging ang kanyang sekretarya na si Verna ay inutusan niya din mamalengke na. Nais niyang surpresahin si Lilly nang makabawi man lang siya. Alam niya din na maaring galit ito kaya napakarami niyang dapat ipapaliwanag.
Hindi naman siya magtataka kung magalit man sa kanya ang asawa. Sino ba naman ang matutuwa kung umalis ng walang paalam at halos isang araw na nawala ang asawa mo? Wala 'di ba? Ngunit alam niyang mauunawaan naman siya ni Lilly kung malaman nito ang lahat. Tatanggapin niya din ang lahat ng galit ng asawa sapagkat talaga mali ang ginawa niya.
Nang marating niya ang kanyang resthouse ay nadatnan niya si Verna na na
