“Salamat talaga, Engineer,” narinig ko na namang sabi ni Kuya Juan habang nasa kalagitnaan kami ng pagkain ng hapunan. Kanina pa n’ya paulit-ulit na sinasabi ‘yon kaya kanina pa rin ako patingin-tingin sa gawi ni Gelo na mukhang wala ng balak tumigil sa pagkain. Nalaman ko na muntik na palang maloko ng magiging contractor sana nila ang amo ni Kuya Juan. Mabuti na lang ay noong na-promote s’ya ay nabanggit n’ya kay Gelo ang tungkol sa project at nagkataon na nasa blacklist sa LEF ang contractor na nabanggit ni Kuya Juan. Sa dami ng ginagawa n’ya ay kahit ang bagay na ‘yon ay hindi n’ya nakalimutan. Hindi ko tuloy maiwasang bumilib sa kanya.
“Kanin pa, Engineer,” narinig kong alok ni Ate na tinanguan naman ni Gelo. Napangiwi ako at napatingin kay Ate.
“Hindi kasi s’ya kumain ng tanghalian,
