“Videocall, babe…”
Kumunot ang noo ko nang marinig ang sinabi ni Gelo. Kakatawag n’ya lang kanina para ipaalam na nasa bahay na s’ya. Ilang araw na sana n’yang pinaplano na ipaalam ako kay Mama sa kasal ni Vaughan kahit na sinabi ko sa kanya na hindi naman na n’ya kailangan gawin ‘yon dahil kaya ko namang magpaalam mag-isa pero nagpumilit pa rin s’ya. Kaya lang ay hindi n’ya nagagawa noong mga nakaraang araw dahil masyado s’yang maraming trabaho dahil puspusan ang training n’ya sa LEF. Kanina lang n’ya nagawang ihatid ako at ipagpaalam katulad ng gusto n’yang mangyari.
“Hindi ka pa ba matutulog? Hindi ba sabi mo maaga tayong aalis bukas para hindi matraffic sa daan?” kunot noong tanong ko habang nilalagay sa normal volume ang phone ko dahil naka-loud speaker ‘yon kanina dahil inaayos ko
