“I brought a driver...”
Umangat ang tingin ko kay Gelo nang magsalita s’ya matapos magpaalam kay Mama. Palapit na kami sa sasakyan n’ya at agad na naglakad s’ya sa likod ng sasakyan para ilagay sa compartment ang mga gamit ko. Napalingon tuloy ako sa harap ng sasakyan n’ya at agad na namukhaan ang driver na sumundo sa amin noon sa bahay nila Vaughan! Agad na nag-init ang pisngi ko nang maalala na naman ang pangyayaring ‘yon. Tanghali na at halos inabot pa kami ng dalawang oras sa bahay dahil hindi pumayag si Mama na hindi kami kumain ng umagahan bago umalis.
“I couldn’t sleep much last night,” bulong n’ya pa sa akin habang binubuksan ang pinto sa likod ng sasakyan. Kumunot ang noo ko at nilingon s’ya. Hindi rin s’ya nakatulog? At bakit naman kaya?
“Bakit? Ang aga naman nating tumigil ma
