Napasinghap ako at tiningala si Gelo lalo na nang itukod n’ya ang kaliwang kamay sa pinto at nakatagilid ang ulo na tinitigan ako. May kung ano sa mga mata n’ya na nagsasabi sa akin na ‘wag akong magsinungaling dahil alam n’ya kung ano ang nararamdaman ko. Pero hindi ko yata kayang sabihin sa kanya ng harapan na nagseselos ako. Hindi ko alam pero pakiramdam ko ay isip-bata ako ng mga oras na ‘to. Sinubukan kong hawiin ang kamay n’yang nakaharang sa gilid ko.
“Gelo–”
“Tell me about your worries,” utos n’ya habang niyuyuko ako at tinititigang maigi. Napalunok ako nang dumiin ang pagkakatukod ng kamay n’ya sa gilid ko. “You have to talk or else… I will take advantage of this place to lighten the mood here,” sambit n’ya at umangat ang kanang kamay para hawakan ang baba ko. Mas lalo akong nat
