Nagising ako sa pakiramdam na parang hinehele ng sobrang marahan. Unti-unting binuksan ko ang mga mata ko at agad na napakurap-kurap nang mapagtanto kong hindi ako sa kama nakadapa kundi sa dibdib ng kung sino! At nang silipin ko kung sino ang lalaking dinadapaan ko ngayon ay muntik pa akong mapasigaw pero agad na kinalma ko ang sarili at pinakiramdaman na mabuti ang buong paligid.
Tahimik! Tanging tunog lang ng orasan at mahinang ugong ng aircon ang naririnig ko!
Ilang beses na kinalma ko ang sarili at agad na napatawa ng mahina nang may maisip sa posibleng nangyayari sa akin ngayon.
“Ah! Panaginip!” natatawa at tumatango-tango ko pang bulalas na medyo napalakas yata dahil naramdaman kong gumalaw si Gelo na s’yang nasa ilalim ko ngayon. Tumaas ang kilay ko at agad na umayos ng pwesto p
