Dalawang araw akong hindi nakapasok sa trabaho dahil pagkagising ko kinabukasan ay sobrang sama ng pakiramdam ko. Minsan lang naman ako dapuan ng trangkaso at hindi ko alam kung bakit nataon pa ‘yon kung kailan nangyari sa amin ni Gelo ‘yon. Panigurado ay iniisip n’yang umiiwas na naman ako kaya hindi ako pumapasok. Mabuti na lang at hindi naman n’ya ako kinulit sa loob ng dalawang araw na ‘yon kaya nakapagpahinga ako ng maayos at nakapasok na rin agad pagkaraan ng dalawang araw.
Sinabihan ako ni Ma’am Claudette na doon pumasok sa office ni Chairman dahil kasalukuyan pa lang ongoing ang training ni Gelo doon para pumalit sa Daddy n’ya.
“I-assist mo na lang muna si Gelo hangga’t hindi natatapos ang training n’ya dahil inaasikaso pa ng HR ang magiging transfer mo,” sabi n’ya sa akin nang m
