“Maling-mali talagang sa kapatid pa ako lumapit! Magkapatid pa rin sila kaya mas loyal ‘yon sa Kuya n’ya!”
Panay ang bulong ko habang nagmamadaling lumalabas sa unit ni Kira. Pero kahit papaano ay gumaan ang pakiramdam ko nang masabi ko sa kanya ang nangyari sa amin ng Kuya n’ya. Gulong-gulo ako at ang gusto ko na lang talagang gawin sa ngayon ay makalayo kahit papaano at makapunta sa kahit saan na hindi ko makikita si Gelo. Hanggang ngayon ay parang nakadikit na sa pang-amoy ko ang pabango n’ya kaya lalo akong natutuliro na baka nasa paligid lang s’ya at bigla na lang susulpot-
“Ang gwapo naman ng lalaki sa labas. Kilala mo?” narinig ko pang bulungan ng dalawang babaeng nadatnan ko sa tapat ng elevator. Agad na humakbang ako palabas ng elevator pero agad ding natigilan nang matanaw ko s
