Hindi naman naging mahirap sa akin na hanapin ang outdoor shower na sinasabi ni Ate Anika. Nang makita kong wala si Gelo sa regular pool ay inisip kong nasa shower pa s’ya kaya naglakad ako palapit doon.
“Gelo?” tawag ko nang marinig ang lagaslas ng tubig na panigurado ay nagmumula sa loob ng outdoor shower na natatanaw ko. Kahit medyo malayo pa ako ng konti doon ay kitang-kita kong nakabukas ang pinto ng shower dahil may kaluwangan ang bahagi na ‘yon at paniguradong hindi lang isang shower ang nandoon katulad ng ilang resorts na napuntahan ko na.
Kumpara sa ibang outdoor shower na nakita ko na ay kakaiba ang disenyo at modern na modern ang dating ng outdoor shower nitong resort. Ang buong paligid ay napapaligiran ng mga bato. Ang dingding naman ng shower ay hindi gawa sa hollow blocks k
