NATIGILAN sina Erica at Casimiro sa gitna ng kanilang pagtatalo nang biglang may sunod-sunod na nagdoorbell. Mabigat pa ang paghinga ni Erica, habang si Casimiro ay nanatiling nakatitig sa kanya.
“Stay here,” malamig na sabi ni Casimiro bago tumalikod.
Hindi na siya hinabol ni Erica. Dahan-dahan siyang bumaba ng hagdan, pero ramdam pa rin ang tensyon sa bawat hakbang niya.
Pagdating sa gate, binuksan niya ito at agad siyang natigilan. Nasa harap niya ang mga magulang ni Erica.
Galit na galit ang mukha ng ginang. “Ilabas mo ang anak namin!” sigaw nito agad.
Naningkit ang mga mata ni Casimiro.
“Calm down—”
“Don’t tell me to calm down!” putol ng ginang. “Kung ayaw mong idemanda kita, ilabas mo si Erica!”
“Ano’ng ginagawa ninyo dito?” tanong ni Casimiro, pilit pinipigilan ang sarili.
