AELE LEVI'S POV:
Hindi ko talaga maintindihan. Paano? Kailan? Anong nangyayari? Bakit siya nandito? Anong ginagawa niya rito? Sino ang nagsabi sa kaniya na nandito ako?
Alam din ba ni Mommy ang totoo? Kukunin na ba niya ako sa lugar na ito? H-hindi, hindi maaari, ayokong iwan ang lugar na ito nang wala pa akong ginagawa.
Bakit kinakabahan ako? Bakit nanginginig ang buong katawan ko kapag nakikita ang babaeng ito sa harapan ko?
"A-Auntie?" Utal na wika ko rito sa babaeng naka-cross arm habang masama ang tingin sa akin. Mas lalong nadagdagan ang kaba na aking nararamdaman dahil sa ginawa niya.
'Ano pa bang maaasahan ko rito? Er! She's scary!'
"Aba't himala buhay ka pa pala? Anong ginagawa mo sa buhay mo at naisipan mong tumakbo palayo sa bahay ninyo?" nakataas ang kaliwang kilay niya
