AELE LEVI'S POV:
(Next Day)
"No matter what happen, huwag na huwag kayong matatakot sa papa namin ni Jack. Saka wala naman dapat ikabahala dahil mga tao rin naman kami. Hindi na namin kayo masasamahan pa sa pagtatagpuan ninyo dahil may mga naiwan din kami na mga trabaho." Biglang turan ni Mommy sa amin habang nagmamaneho naman si Daddy ng sasakyan.
"Ayos lang po. Saka masaya na rin po kami na makausap at makilala kayong mga magulang ni Levi." Nakangiting tugon naman ni Caren kay Mommy kaya napatango-tango ito bago muling ibaling ang sarili sa asawa niya.
Hindi namin kasama si Levian ngayon dahil may pasok pa siya. Diretso na rin 'yon sa headquarters para ipagpatuloy ang kaniyang pagsasanay kung paano ba ang pagiging isang pinuno. Si Mommy ang trainor niya at ilan din ay mga opisyales.
