عش*ي لكَ اختياري

تعريف الاشخاص من رواية عش*ي لك اختياري مالك: 20سنة تانية هندسة ابن رجل اعمال كبير شاب دمه خفيف ومحبوب من دكاترة الجامعه عشان امتيازه كل سنة رغم فلوسه الا انه شاب متواضع بيساعد الكل ليما: 19سنة اولي علوم بنت مدير مستشفي العطار اكبر مستشفي بفروعها في محافظات كتير بنت فرفوشة وبتحب كل اللي حواليا وحجابها زايد من جمالها ومحترمة اووي إيلين: اخت ليما الكبيرة 23 سنة متخرجه من كلية إعلام ونفس مواصفات ليما وبيعشقوا بعض ومش بيحسوا بفرق السن بينهم محمود: 25سنة زميل إيلين في الشغل وابن عم مالك وابوه رجل اعمال كبير عشق:24سنة متخرجه من اعلام وصاحبة إيلين الانتيم ومع بعض في نفس الشغل زين: 27سنة اخو ليما وإيلين الكبير دكتور كبير ومتخرج من كلية طب وبيشتغل في مستشفى من فروع مستشفيات العطار دول ابطال روايتنا الاساسين والباقي هنعرفه خلال الاحداث انتظروني في الفصل الاول من رواية عش*ي لك إختياري عش*ي لك اختياري ✍️ الفصل الاول? *عند ليما واخواتها في بيتهم* ليما: صباح الفل ياست الكل أم زين: صباح الياسمين علي الهبلة بتاعتي انجزي عشان اخواتك منتظرينك بره لاحسن انتي عارفة زيزو هيعمل اي ليما: اوباا الحق اجري عليهم لاحسن القيني مرمية من البلكونه زين: بت يااوزعه انتي يابت اخلصي عايزين نفطر ليما: حبيبي ياصاحبي صباح الهنا صباح الفل يابابا صباح القشطة يامزتي إيلين: صباح التأخير اخلصي ابت حمزة: صباح النور ياحبيلة بابا يلا عشان تلحقي جامعتك واخواتك يلحقو شغلهم زين: اه ماهي دلوعتك اخر العنقود ليما بتطلع ل**نها لاخواتها انا الاساس وانتوا البديل زين ض*بها بالكوباية عقابا ليكي مفيش فطار يلا عشان اوصلك ليما: طب ساندوتش حتي زين: ولا ربع ليما: أخ رخم زين: خدي اتنين اهم عشان متدعيش يلا ويلا انجزي اشوفك بخير يابابا مع السلامه ياماما ونزلوا كل واحد راح مكانه *************************** *في الجامعه ليما اول يوم تحضر فيه ومش عارفه تتأقلم عليهم وحاسة انها خايفه من كل اللي حواليها* شخص: بس بس ليما: نعم شخص: شايفك تايهه انا حازم تالتة علوم وماسك اتحاد الطالبة لو محتاجه استفسار في اي حاجه ليما: يعني انت بجد محترم مش بتعا** حازم: لا والله استني هنادي زميلة تعرفك كل حاجه مي: ازيك ياقمر انا معاكي اهو ومتقلقيش ده خطيبي يعني مش بيعا** ليما: هههه باين عليكم محترمين اللهم بارك وانا ارتحتلك اووي وبجد جيتي في وقتك انا تايهه خالص وحاسة اني لوحدي مش عارفة حد هنا مي: انا معاكي ياقمر وهعرفك علي دفعتك يلا بينا ومي عرفت ليما علي شلة بنات من دفعتها وليما صاحبتهم وفرحت اووي انها اتعرفت علي بنات جميلة بالشكل ده ********************** *عند إيلين وعشق في مكتبهم* عشق: احم احم اعلامية قلبي المذيعه حجي إيلين: بكاشة عملتي اي في سيناريو الحلقة واخراجه اوعي يكون لسة مخلصش عشق: دايما فهماني مقدرش ياباشا افوت سيناريو حبيبة قلبي لو سيناريو محمود هقول ماشي ههههه محمود من وراهم: سامع حد بيتكلم عليا مين هي وشكلها معدة البرنامج عشق: اينعم هي معدة برنامجكك انت والهانم اللي مبهدلني معاكم مانا كنت اخترت اذاعه زيكم اختار لي اعداد وبرمجه سلام ياأخويا عشان اشوف سيناريو حلقتك عشان بعد بتاعها علي طول محمود: سلام يختي ياريت مشوفش وشك لبكره اخبار الاعلامية الجميلة اي إيلين: لا انت كده بكاش مانت كمان اعلامي وأقدم مني كمان محمود: احسدي بقي يلا إيلين: بقولك اي انا جعانه محمود: إيلين برنامجك بعد نص ساعه هتلحقي تاكلي إيلين: مش عارفة خلاص مش مهم هحضر للبرنامج وبعد البرنامج اكل محمود: طب يلا عايزين اسد علي الشاشة إيلين: تلميذتك ياباشا إيلين خلصت برنامجها اللي كان عبارة عن حل مشاكل الارتباط ووعي البنات عن الحب الحقيقي وخرجت اتفاجئت بمحمود في مكتبها ومجهز كل الاكل اللي بتحبه إيلين: حودة ده كتير ماك وبيتزا مع بعض محمود: اخلصي عشان الحق اكل معاكي قبل البرنامج بتاعي وكلوا مع بعض لحد ماإيلين شبعت وكان جايبلها ايس شوكليت اللي بتحبه عشق: خيااانه انا احضر في برنامجكك وانتوا هايصين هنا انا عايزة اكل محمود: ههههه ده ل إيلين بس عشق: واطي يلا يابني برنامجكك هيبدأ تلحق تظبط نفسك محمود: اشطا انا ماشي خدوا بالكم علي نفسكم خرج محمود وإيلين فضلت فرحانه من جواها اني محمود بيهتم بكل حاجه تحبها واتمنت لو تقول اللي جواها ************************ *عند زين وفريقه في الشغل* شخص: دكتور في عمليات النهارده كتير ومش عارفين هنقدر نوفر كمية الدم المطلوبة ولالا زين: نعم مستشفي كبيرة زي دي بكل فروعها دي وتقولي مش هيتوفر كمية الدم المطلوبة انت متخيل كلامك شخص: غصب عني يافندم بس دي الحقيقة والله زين: سيب الموضوع ده عليا دعاء: زين انت لي مش عايز تعرف حد انك ابن صاحب مستشفيات العطار زين: دعاء انتي بنت خالي واختي الكبيرة بلاش حد يعرف حاجه زي كده انا حابب اتعامل معاهم زيي زيهم مش يخافوا مني ويعملولي حساب وطول مانا كده هقدر اشوف اي بيحصل في المستشفي من وراء ضهر بابا يلا نتغدا يادكتورة وهمتك معايا في العمليات دعاء: يلا يادكتور *دعاء بنت خال زين وإيلين وليما وعندها 30سنة متجوزة وعندها طفلين بتشتغل دكتورة مع زين في المستشفي وجوزها شغال رئيس حسابات المستشفي ولاد عمتها بيعتبروها اختهم الكبيرة وبيلجأوا لها في اي حاجه* وزين خلص عملياته وقدم يسيطر علي كمية الدم المطلوبة ********************** عند عيلة في الصعيد شخص: ياولدي تعال كلم چدك عايزك فكلمتين تنين بس ماهر: حاضر يابوي نعم ياچدي اومرني جده: مش انت ياولد عايز تتچوز بت عمك ماهر: هي بت عمي حد قادر عليها ولا يقفل خشمها لما بطلب يدها وتجول لا بكل برود وقلة حيا جده: متشلش هم ياولدي وهزوچهالك بس انت خدها علي جت عقلها اهل البندر لحسوا نافوخها ماهر: ياچدي معرفش بقي وانا مش نازل تاني اتحايل علي حُرمه انها تتزوچني مش الصعايدة اللي يعملوا اجده في مرة جده: طب سيبها علي انا وانا هچبهالك لحد عند*كك وتتزوچها إهنا ماهر: ماشي ياچدي بس هي لاساتها بتشتغل....... جده بزعيق: انا بنت ولدي تعمل إكده يستحال راح كلم أبوها جليل الرباية ***************************** عند عشق وإيلين عشق: كده خلصنا سهرتنا نروح بقي إيلين: عندك حق انا فصلت خالص عشق: مقولتيش لمحمود لي يسهر معانا إيلين: لا بلاش نتعبه كده احسن يلا بقي عايزة حاجه عشق: سلامتك ياروحي نتقابل غدا في الاستوديو الخربان اللي جمعنا إيلين: هههههه والله هتترفضي قريب بسبب ل**نك ده عشق مشيت ولسة إيلين بتركب عريبتها حد شدها إيلين بخوف: انت انت عايز اي مني شخص: عيب عايز اي دي قولت كتير اووي عايزك ياقطة انتي ليا وبس إيلين: ده بعينك سيبني امشي والا هصوت والم عليك الناس شخص: هتصوتي وتلميهم وهتقوليلهم اي إيلين سكتت بخوف شخص: انا هقولك هتقوليلهم اي انا ابقي.......... إيلين: انت حقير حقير وانتهي الفصل الاول من روايتنا علي خير من رواية عش*ي لك اختياري #Gehad Sabba7