3 Months ago…
(Janelle’s POV)
Dahan-dahan kong iminulat ang aking mga mata. Puting kisame ang agad kong nakita. Nasaan ako? Gusto kong tumayo pero hindi ko maigalaw ang kahit na anong parte ng katawan ko. Maliban lamang sa aking mga mata at mga daliri. Iginala ko ang paningin ko sa paligid. Wala akong makita ni isa mang tao sa paligid.
Narinig ko ang pagbukas ng pinto. Iniluwa noon ang isang dayuhan na nurse. Agad itong napasinghap nang mapansin niyang nakadilat na ang mga mata ko. Hindi ako makapagsalita. Bakit ganito? Nasaan ba kasi ako? Nasaan si Zach? Bakit wala siya sa tabi ko?
Natigil ako sa pagtatanong sa isip ko nang biglang kumaripas ng takbo ang nurse na nakakita sa akin. Sinubukan kong ilingon ang ulo ko at nagtagumpay naman ako. Tinitigan ko ang pinto. Baka kasi pumasok si
