Maingat na binuhat ni Angelo ang natutulog na si Ninay mula sa kanyang kandungan, at inihiga ito sa may kama.
Si Badeth na gising na, at nakatingin sa kanyang amo ay napanganga sa kanyang nakita lalo nang makita niyang hinalikan ng amo ang noo ng dalaga bago ito iniwanan, at lumapit sa kanya. Napansin yata siya ng amo, at ang kakaibang titig na ibinigay niya.
"Badeth, bakit ka ganyan makatingin?" tanong ni Angelo sa kanyang kasambahay nang mapansin itong nakatitig sa kanya na para bang may iba sa kanyang kinikilos.
"Ho? Papano po ba ako makatingin?" balik tanong ni Badeth sa amo.
"Never mind," sabi na lang ni Angelo, at umupo sa kanyang tabi. "Ah, ito na lang sagutin mo, Ano sa tingin mo, pwede ko na bang ipakilala si Ma'am Niña mo kay Lolo bilang girlfriend ko?"
Kumunot ang noo ni B
