غيمة بلا أمطار

3033 Words

الغيمة الثانية ……. أفاقت الثلاث فتيات عند سماع صوت غريب مفزع صادر من تسجيل السيارة كان صوت موسيقى صاخبة لمغني شاب ، ممتزج بصوت السائق المرتفع الذي كان يردد معه أغنيته الشعبية، أو كما يسمونها أغنية المهرجانات أميرة : أيه دا اللى مشغله؟ السائق : أغاني، بتسلي في الطريق وفاء: ياريت توطيه على قدك سحر: والأفضل أنك تقفله خالص السائق ينظر لهم من مرٱة السيارة السائق: ليه، مش بتحبوا تسمعوا الأغاني دي؟ الثلاث فتيات : لا السائق: هو فيه بنات ما بنحبش الفرفشة؟ أميرة بحزم: يا ريت تقفله أحنا مش بنسمع أغاني أصلا السائق: مبتسمعوش أغاني خالص سحر بتجهم: خالص، وياريت تبص قدامك وما تتكلمش تاني، لأننا ما بنتكلمش مع رجاله غريبة ينظر لهم السائق باعجاب السائق : هو أنتم… يدق هاتف وفاء بأغنية دينية وفاء: أيوه يا عمتو ، أيوه يا حبيبتي أحنا كويسين ، أيوه في الطريق صوت سعاد من خلال الهاتف صوت سعاد : أيه الدوشه اللى حواليكم دي؟! وفاء: مافيش السواق فتح التسجيل على أغاني عشان يتسلى تنظر بحزم لتسجيل السيارة وفاء: بس هيقفله حالا يمتثل السائق لأمر وفاء ويضغط على زر التسجيل ليغلقه تبتسم وفاء: أيوه كلنا كويسين يا حبيبتي ،أول ما أوصل هكلمك ، ما تقلقيش يا عمتو يدق هاتف أميرة بأغنية دينية صوت صادق من خلال الهاتف صوت صادق: عامله أيه يا أميرتي؟ أميرة: كويسين يا بابا الحمد لله ، أيوه جايين في الطريق صوت صادق: يعني كله تمام يا حبيبتي ؟ أميرة : أيوه يا حبيبي كله تمام صوت صادق: طيب أشوفك على خير أميرة: إن شاء الله صوت صادق : عمك حسن جمبي بيسلم عليك أميرة: الله يسلمه ،سلمي عليه كتير صوت صدق: خدي بالك من نفسك،لا إله إلا الله أميرة: حاضر، محمد رسول الله ، سلام يا حبيبي تغلق أميرة الخط سحر : هو مين اللى يسلملك عليه كتير؟ أميرة : عمو حسن تنظر وفاء و تبتسم : ااااه ،عمو حسن،قولتيلي أميرة تنظر لها بحزم أميرة: بس بقى تنظر سحر لوفاء بضيق ،بينما ت**ت وفاء وهي مبتسمة ……… في منزل صادق في غرفة بها صالون فخم وطاولة صغيرة وبها تحف غالية، يجلس صادق بجوار حسن حسن بصوت منخفض حسن: يعني هتروح له؟ صادق ضاحك: بتوطي صوتك ليه؟ حسن: أنا قلقان من الزيارة دي؟ صادق: ولا تقلق ولا حاجة، ماهو لازم يعرف ، عمر ابن عمهم ويعتبر كبير العيلة من بعدنا حسن: ايوه ، عارف صادق: وأنت عارف أنه له تضحيات كتير في عيلتنت ، وكل بيت فينا عليه دين ليه حسن: أيوه خصوصا شريف صادق: وأميرة كمان حسن : كلامك صح صادق: الحقيقة كل واحد من العيلة عليه جميل له حسن: ايوه عارف بس أنت عارف أنه.. صادق مقاطع صادق: أيوه عارف ، بس لازم أروح له وأكبر بيه وأقوله، هو كدا كدا هيعرف مفيش خطوبة بتستخبى حسن: ولو استخبت مش هتستخبى على عمر بعني صادق ضاحك: لا طبعا دا أبن عمهم ، ولازم اروح له واقوله،ما ينفعش يعرف من بره زي الغريب حسن: عندك حق ، بس أنا قلقان صادق: ولا تقلق ولا حاجة ، أنا هقوم أروح له ، وبعدين أجي لك البيت نتفق على تفاصيل الخطوبة، وأشرب عندك شاي حسن: طيب، تشرف ،بيت أخوك، و ربنا يستر …….. في الطريق في سيارة شريف تشير سمر لشريف: أهو،أهو شريف ينظر لسبابة سمر شريف : هو أيه؟ سمر تضحك وهي تغني سمر: العنب ،العنب ،العنب شريف متعجب: عنب أيه؟ سمر بتهكم: أاااه ،نسيت أنك ما بتسمعش أغاني شريف بتهكم: أااااه، ما بسمعش أغاني سمر وهى تغني سمر : هاها، أقصد المحل، المحل ،المحل شريف : ماشي ،هقف عنده سمر تفتح باب السيارة شريف بحزم: راحه فين؟ سمر: نازلة اللقط رزقي شريف: استني ما تنزليش سمر: لا شريف: لا ليه؟ سمر : اولا عشان بحب أشتري الحاجات اللى بحبها بنفسي وتكون على مزاجي ،ثانيا مابحبش حد يجبرني إني أعمل أو أكل حاجة على مزاجه ،ثالثا أني مابحبش حد يصرف عليه ،أنا معايا فلوسي من شغلي الخاص، وخير ربنا كتير والحمد لله، تحب أشتري لك شريف يبتسم : أيه كل القصيدة دي ، يا ستي أنا ماقلتش حاجة ، أنا بس هلف بالعربية ، وأخليك جمب المحل وتشتري اللى بتحبيه سمر مبتسمة: إن كان كدا ماشي سمر وهى تجلس وتشتري بطفولة سمر : عندك (..... ) بالجبنة البائع : ايوه سمر: طب هاتلي ستة سمر : طب عندك(...) بالشطة البائع : لا سمر : طب فيه (...) بالشيكولا البائع : ايوه سمر: طب هاتلي أربعة سمر: طيب عندك (..) بالتفاح البائع : أيوه سمر: طب هاتلي خمسة البائع يقدم لها حقيبة ممتلئة البائع : اتفضلي يا هانم شريف : الحساب كام ؟ البائع : خمسين جنية شريف يخرج المحفظة من جيبه شريف : هات كمان أزازتين مية البائع كبيرة ،ولا صغيرة شريف : لا كبيرة البائع : حاضر شريف: و هات أربعة بسكويت (..) بالشيكولاته البائع: حاضر .شريف : وأربعة بسكويت (...) سادة البائع : حاضر شريف: عندك بسكويت(...)بالملح البائع : ايوه شريف: هاتلي أربعة سمر مبتسمة: هى ناقصة ملح كمان البائع ضاحك: عندك حق يا هانم، بس على فكرة، دوقية دا بسكويت جميل جدا سمر :والله ،أنا هاخده على زوقك ،وعلى ضمنتك البائع ضاحك: زوقي أه ،بس ضمنتي لا ، الضامن ربنا شريف بحسم: طيب ، الحساب كدا كام؟ البائع وقد شعر بضيق شريف البائع: كدا يبقى ثمانية وتسعين جنية سمر تخرج النقود من حقيبتها سمر: خلى كل حساب لوحده، أنا حسابي خمسين صح تنظر لشريف: أمريكاني البائع : حاضر شريف بحزم: بعدين نتكلم في موضوع الأمريكاني دا ينظر للبائع لهم ويبتسم شريف يخرج ورقة بمائة جنية ويقول للبائع شريف : أتفضل يهم شريف بالتحرك بالسيارة البائع : استني يا باشا ما تمشيش شريف ينظر للبائع شريف: ليه فيه أيه؟ البائع وهو يخرج عملات نقدية من جيبه ويعطي لشريف اثنين جنية البائع : لسه لحضرتك اتنين جنية شريف : خلاص،خليهم عشانك سمر بحزم: لا ،هاتلي بيهم لبان البائع : حاضر شريف: لازم سمر بعناد: اه ،حقى يعطي البائع لها اللبان، تضعه في فمها وتندغه وتعمله بلونه البائع ينظر لها بلطف البائع: ربنا يخلى لك المدام يا باشا شريف : طيب ، ربنا يرزقك سمر مبتسمه وهى تعمل باللونه باللبان سمر : يارب يا عمو ، يارب شريف بغضب: ايه اللى بتعمليه دا؟ سمر ببرود و هى تعمل بلونه باللبان سمر: عملت ايه؟ شريف: ما يصحش تندغي اللبانة كدا قدام الراجل سمر وهي تشعر بالسعادة من غيرة شريف سمر: دا قد بابا شريف بغضب : يعني أيه قد بابا؟! سمر: يعني راجل كبير شريف: كبير ولا صغير ، ازاي تتكلمي معاه بهزار وعشم وكأنكم متربين مع بعض سمر: شريف، أنت بتزعق لي، و زعلان أوي كدا ليه ؟ شريف: يعني أنا ماردتش أنك تنزلي من العربية عشان لبسك الضيق دا والبياع ما يبصش لك تقومي تكلميه وتهزري معاه سمر بدلع: أنا بتكلم عادي، قد كدا بتغير عليه ،مش عايز حد يكلمني، .ولا عايز حد يشوفني لبسه ضيق، أنا من النهارده عشان خطرك هلبس أسدال شريف يكتم غضبه: لازم أخاف عليك،. أنت من أهل بيتي وزي أختي ، ولازم أكون قد الأمانة لما أوصلك لأهلك، وبعدين ياريت تلبسي الأسدال لنفسك مش ليه ولا لأي حد، لازم تحبي نفسك الأول وتخافي عليها من النار قبل ما تحبي حد تاني سمر بغضب: بقولك أيه يا شيخ شريف ،أنا حرة ،أنا عندي واحد وعشرين سنة، وبشتغل مندوب أون لاين لشركة عالمية ، وعندي خبرة وقدرة نظرت له بغيظ: وثقافة تفوق الدكاتره كمان شريف مبتسم: أكيد كل دي حاجات حلوة ، أنت خامة طيبة جدا، بس طريقة لبسك وكلامك دا غلط سمر بتهكم: عايزني البس نقاب أظن شريف : ياريت تلبسي نقاب ، البسي أي حاجة بس ماتكونيش من الكاسيات العاريات سمر تنظر له بتعجب سمر: يعني أيه إن شاء الله؟! شريف: يعني تكوني لبسه هدوم ضيقه ، و تكون مغطيه الجسم بس محدداه ، وطرحتك مبينه نص شعرك و….. سمع تقاطعه بصوت مرتفع سمر : أنت هتتجوزني شريف بصدمة من كلمة سمر شريف : طبعا لا سمر وقد لمعت الدموع في عينها سمر : خلاص ،ممكن ملكش دعوة بيه، وفر نصيحك دي لأميرة حبيبة القلب ، ولا أقولك هي أصلا مخها زيك شريف بحزم: تاني يا سمر سمر : لا تاني ولا تالت ، ممكن تسوق وأنت ساكت شريف : حاضر …………….. في الطريق تجلس وفاء وأميرة وسحر يدق هاتف وفاء وفاء : و عليكم السلام، أيوه يا عمتو صوت العمة سعاد تضحك: مش سمعة اى صوت شكلكم ادبتوه وفاء تضحك: ايوه يا عمتو ، عملنا كدا فعلا سعاد: لما توصلي كلمينى وفاء: حاضر يا جميل سعاد: خدوا بالكم من نفسكم وفاء وهي تنظر تجاه صديقتها وفاء : ماتخفيش يا عمت و وراك رجاله سعاد ضاحكة : هاها، عارفة ،لا اله إلا الله وفاء ضاحكة : هاها ،محمد رسول الله تغلق وفاء الهاتف يدق هاتف سحر ترد سحر سحر: ايوه يا ماما ، أحنا في الطريق يا حبيبتي صوت ام سحر: ترجعيلى بالسلامة يا حور ، وحشتيني سحر ، ربنا ما يحرمني منك يا مامتى يسود ال**ت والسائق ينظر لهم في المرٱة يدق هاتف وفاء فتقفز من الفزع يضحك الثلاثة ويضحك معهم السائق وفاء : ايوه يا سالم احنا في الطريق ، ما تخفش علينا كلنا رجاله صوت سالم: اميرة جت معاك وفاء تنظر نحو اميرة وفاء: ايوه صوت سالم: وسحر؟! وفاء : مالها صوت سالم : جت معاك هي كمان ؟! وفاء: طبعا ، بتسأل ليه؟ صوت سالم: لا ابدا بطمن عليكم وفاء ضاحكة: والسواق صوت سالم : ماله؟ وفاء : راكب معانا هو كمان ، عشان تطمن يتنحنح سالم : ماشي يا رخمة هنتظرك على أول الطريق وفاء: السواق هيوصل كل واحده لبيتها ما تتعبش نفسك سالم بحزم: بقولك أيه أنا هاجى لك على أول الطريق ، دا أخر الكلام وفاء: طيب ، ماشي برحتك ، سلام بقى سحر: فيه ايه مالك وشك قلب كدا ليه؟ وفاء بضيق: بدأنا في التحكمات وفاء تنظر لأميرة وفاء: أميرة بقولك إيه، أنا أسبوعين وهرجع القاهرة فكري،و ظبطي أمورك بدري بدري أميرة تنظر لوفاء بخوف أميرة: ربنا يسترها يدق رقم هاتف أميرة دقة وي**ت السائق مبتسم وهو ينظر للمرٱة السائق: أيه اليوم اللى كله أتصالات دا يدق رقم هاتف السائق تضحك الفتيات الثلاثة بهدوء، ينظر لهم في المرٱة ويضحك يفتح السائق زر صوت الهاتف ، ويضع الهاتف أمامه على تبلوه العربية ، ليظهر صوت المتصل السائق: أيوه يا سامي بيه صوت سامي: أنت فين يا أستاذ حامد؟ السائق حامد: أنا في الطريق للمنيا يا سامي بيه ، خير صوت سامي: محتاجك في حسابات مهمة للشركة حامد :حاضر هاجي لك بكره من بدري صوت سامي: لا أنا عايزك النهاردة ، الحسابات متلخبطة ومحدش يقدر يضبطها إلا أحسن محاسب في الجمهورية حامد: والله أنا مسافر، ولو قدرت أجي النهاردة حاضر هاجي من عيوني تنظر الفتيات لبعض بتعجب عند سماع المكالمة يبتسم حامد من نظرة التعجب المرسومة على وجوههم حامد: كلية تجارة وبعدها دبلومة محاسبة ، وفي النهاية سواق ابعدت الفتايات وجهها في بعيدا ولكن وفاء نظرت له من خلال المرٱة وقالت بهدوء وفاء : ربنا يزيدك تحمل وصبر وقبل أن ينطق حامد وضعت نظرها مسرعة في هاتفها فهم حامد أنها لا تريد التحدث أكثر من ذلك، ولكن كلمتها أثلجت قلبه وكأنها أطفأت نيران مشتعلة نظر لها مبتسم بنظرة معجبه هربت عيون وفاء من النظرات النارية التي ألقت بها أميرة وسحر بها نحوها، كما هربت من نظرة قد وجهها حامد لها تحمل معاني كثيرة ….. في الطريق سيارة دكتور شريف تسير بسرعة سمر بغضب: أيه اللي بتعمله دا يا شريف؟ شريف : عملت أيه؟ سمر : ماشي بسرعة ينظر شريف لها شريف: ولا بسرعة ولا حاجة سمر : لا والله دا العربية بطير، لو عايز تموت ، روح موت لوحدك، أنا لسه ما تمتعش بشبابي، نزلني شريف: انزلك ازاي ؟ سمر بصوت مرتفع: ايوه نزلنيييي ،نزلنيييي شريف: اهدي بس يا سمر، فيه ايه؟ يدق هاتف سمر، مكتوب على شاشة الهاتف عمر تلتقط سمر الهاتف سمر بصوت مرتفع: الحقني يا عمر ، أبن عمك عايز يموتني، الحقققني صوت عمر بانفعال: مين اللي عايز يموتك ، وانا اهرسه بين صوابعي سمر: ابن عمك اللي اسمه شريف شريف يأخذ منها الهاتف بقوة شريف بغضب: بتكلمي مين يا سمر، أنا عملت فيك حاجة ،أنتي عايز تلبسيني قضية صوت عمر: أنا عمر، انت مالك بيها يا شريف شريف: أزيك يا عمر، عامل أيه ؟ عمر بغضب: بقولك بتعمل أيه في سمر يا شريف؟ شريف بهدوء: هعمل فيها أيه بس يا عمر، أنت عارف سمر بنت عمك بتستهبل عمر بحزم: اعطيهالي شريف: اعطيك مين؟ عمر بصوت مرتفع: اعطيني سمر ، هتعطيني مين يعني؟ شريف يعطي الهاتف لسمر شريف: تليفونك سمر تنظر لشريف مبتسمة سمر تتحدث مع عمر سمر : ايوه يا عمر عمر : عملك فيك ايه؟ سمر بهدوء : مافيش عمر بصوت مرتفع: قوليلي عمل فيك أيه وأنا أخلع لك ظوفره من أيده سمر بخوف: لااا ، مش للدرجة دي شريف ينظر لسمر بضيق عمر: هتقولي ولا أجي أخلع لك ظوافرك الحلوة أنتي؟ سمر: مافيش والله ، كان بيسوق بسرعة وانت عارف أني بخاف من السواقة السريعة عمر: بس كدا سمر : اه والله عمر طب اعطيني شريف سمر تعطي الهاتف لشريف شريف ياخذ منها الهاتف شريف :ايوه ، يا عمر أنا مش سايق بسرعة ولا حاجة ، أنا ... عمر مقاطع كلام شريف عمر: ما تسوقش بسرعة شريف : يا عمر أنا ما بسوقش بسرعة ، هي ….. عمر مقاطع كلام شريف مرة ٱخرى عمر: قلت لك ما تسوقش بسرعة عمر يغلق الخط في وجه شريف شريف ينظر لسمر شريف يض*ب على تابلوه العربية سمر تنزعج من قوة الض*بة سمر بخوف: شريف ، أنا ، أنا... ينظر لسمر مقاطعها شريف: مش عايز اسمع صوتك خالص، لحد ما نوصل ……… في غرفة بيت في عمر غرفة متسعة بها طاولة طويلة حولها عدد كبير من الكراسي، وفي طرفها طاولة صغيرة عليها دفتر وقلم ، يجلس بجوارها شاب عشريني وجهه وسيم وعيناه سوداء كالليل واسعة كثيفة الرموش كالسهام له شارب وذقن خفيف، أ**د اللون بعضلات مفتولة ، يرتدي جلباب مهندم عمر يض*ب على الطاولة الصغيرة فتظهر قوته ، تضيق عينيه فيظهر سوداهما عمر: أما نشوف الاجازة دي هتعمل فينا أيه يا شريف ؟ يدخل صادق على عمر صادق: أزيك يا أبني يقف عمر أحتراما عمر: أتفضل يا عمي صادق ، شرف*نا عمر ينادي: يا سعيد يا سعيد صوت سعيد من الخارج صوت سعيد: أيوه يا عمر بيه عمر: هات قهوة لعمي صادق صادق مبتسم: لا مافيش وقت يا عمر عمر: مش معقول يا عمي صادق ،دا أنت مجيتك ليه عيد صادق ضاحك: هاها، المرة الجاية نخليها شربات عمر بقلق: شربات ، شربات أيه؟ ،فرحني صادق: أنا عارف أنك هتفرح لنا يا إبني عمر: طبعا يا عمي أنت أبويا، و فرحك فرحي صادق: إبن عمك شريف عمر: ماله؟ صادق: طلب أيد أميرة بنتي عمر وقد أحمر وجهه غضبا عمر: ازاي وامتى؟ صادق: والله يا أبني ، عمك حسن طالب أيدها من وهي في الثانوية العامة، بس أنا ما عطتش له كلمة عمر مستنكر: من زمان أوي كدا وأنا معرفش؟ صادق: محدش يعرف عمر بصوت مرتفع: محدش يعرف إلا انا ،أزاي ما تقوليش أنت ولا عم حسن صادق: يا أبني ما أنا قلت لك ماعطتش له كلمة، وعمك حسن فتح الموضوع تاني في امتحانات أميرة عمر: اه ه ه ، تمام أوي، كل دا و أنا أخر من يعلم صادق: لا إخر ولا أول، إنا لسه ماعطتش له كلمة، وبقولك عشان إنت عارف إن أميرة جايه النهاردة عمر وقد لمعت عيناه عمر: ايوه عارف صادق: وكمان شريف جاي عمر بلهفه: هو شريف جاي مع أميرة وسمر ؟ صادق : لا شريف جاي مع سمر بس، أميرة ماردتش تيجي معاهم يبتسم عمر: أحسن صادق بتعحب: أحسن؟ عمر متلعثم: ايووه، أصل ، شريف بيسوق بسرعة وسمر كانت بتشتكي من سواقته بسرعة صادق: أنت كلمتها عمر بقلق: اه كلمتها، لا هي اللي كلمتني، اقصد هي كلمتني تشتكيلي من سواقة شريف صادق ضاحك: هاها، يا إبني ولا يهمك ، أنتم شباب مع بعض عمر: لا لا، ما تفهمنيش غلط يا عمي، سمر دي زي اختي صادق ضاحك: كلنا بنتجوز أخواتنا، عموما أنا هفتح الموضوع بكره ولا بعده مع أميرة ، وجيت أعرفك، وأنا عارف أنك تتمنالها الخير عمر مبتسم: طبعا يا عمي، ربنا يسعدها، بس ...؟. يقف صادق مقاطع عمر صادق: طيب أن هقوم بقى عشان أروح البيت ، زمان أميرة على وصول عمر: أنا كنت عايز …. صادق: معلش يا عمر بعدين عمر: طيب أتفضل يا عمي، بس ضروري نتكلم بالليل يخرج صادق من الغرفة مسرعا وهو يقول لصادق : إن شاء الله يمسك عمر بالدفتر الموضوع على الطاولة ويلقي به على الأرض ….. في حديقة منزل حسن يجلس حسن يشرب الشاي يتجه صادق إليه حسن: أهلا أهلا يا صادق شرف*نا صادق وهو يجلس صادق: روحت له حسن : و بعدين؟، حصل أيه ؟ صادق: لا قبلين ولا بعدين، قلت له أنك طلبها مني وهي في الثانوي، وأنا مردتش عليك، ورجعت طلبتها مني وهي بتمتحن من كام يوم حسن: وصدقك؟ صادق: صدق ولا ماصدقش بقى، كدا أنا عملت اللي عليه وعرفته حسن : قلت له أننا هنتقدم رسمي بكره ولا بعده صادق وهو يشرب كوب ماء، ويضعه على المنضدة صادق: أيوه، قلت له أني هفتحها اليومين دول، وأني هكلمها بكره ولا بعده حسن: وقال ايه؟ صادق : هيقول أيه بس يا حسن؟ ، وبعدين أنا قلتله الكلمتين وما أستنتش أنه يرد، قمت على طول حسن بخوف: تعتقد هيعمل حاجة؟ صادق: هيعمل أيه يعني هيأذي أميرة اللي بيحبها، ولا أبن عمه شريف ،اللى ضحى بدراعة اليمين عشانه حسن: أنا خايف من رد فعله صادق: بص يا حسن عمر رغم كل اللي بيعمله أنما قلبه أبيض ونظيف، وما يأذيش حد حسن : ربنا يستر صادق: هيستر بإذن الله ، مفيش كوباية شاي يا شيخ يا بخيل حسن ضاحك: معلش يا صادق الموضوع شددني حسن: يا حسنات يا حسنات صادق: ما بلاش حسنات أحسن تحط سم في الشاي لو عرفت الموضوع دا حسن ضاحك: هاها ، لا ياشيخ مش للدرجة دي …. في غرفة عمر يقف عمر يحمل الكرسي بيده اليسرى ويلقى به أرضا فيتحطم الكرسي يقف أمام المرٱة ويضع يده اليسرى على وجه وتظهر اليد اليمنى أنها مبتورة عمر ينظر للمرٱة: ليه كدا ، بعد ما ضحيت بايدي اليمين عشانك يا شريف، دا جزائي في النهاية جاي تاخد مني حبيبة عمري، ليه كدا ، ليه كدا؟ يمسك كرسي ويض*به في المرٱة فتتهشم ويظهر وجهه مغطى بالدموع والدماء عمر: لازم أنتقم منك يا شريف ، لازم أنتقم منكم كلكم وهتشوفوا عمر هيعمل فيكم أيه؟ …… في حديقة منزل حسن حسن ينادي: يا حسنات ، يا حسنات تظهر حسنات سيدة عجوز طويلة القامة ورفيعة ووجهها مجعد ولكنه طيب ،ترتدي جلباب منزلي بني غامق و طرحة سوداء، تنظر لحسن دون أن تتكلم حسن: يا حسنات،هاتي أحلى كوباية شاي لصاظق تبتعد عنهم حسنات وهي تقول حسنات: بالسم الهاري …... في الطريق السائق حامد يشير لبداية البلد حامد: خلاص وصلنا أهو الحمد لله، حمد الله على السلامة لم ترد أميرة ولا سحر بينما ردت وفاء بتلقائية وفاء : الله يسلمك تنظر لها أميرة وسحر بغيظ يحمر وجه وفاء فتزداد جمالا ينظر لها حامد من خلال المرٱة مبتسما بإعجاب تتجه نحوهم بسرعة حامد: أيه المجنون دا ، دا هيخبطناااا ....... بقلم نانيس خطاب .... للتواصل ‏‪naniskids1@g*******m‬‏

Free reading for new users

Scan code to download app

App Store Google Play

Facebookexpand_more