الفصل 3

2347 Words

" بسم الله الرحمن الرحيم " " الفصل الثالث " (غيرة نارية) اغاار نعم اغار ولما لا اغار وانا عاشق حتي النخاع لما لااغار وانا قلبي متيم بك لما لااغار وانا روحي وعقلي ووجداني وجميييع حواسي يهيمون بك ، اعشقك حد الجنون ، واغار عليك حد الهلاك فمن يحاول الاقترب منك فلا يلومن غير نفسة ، فاانت لي لي وحدي وملكي وحدي ولن يااخذك احد غيرى ولم يعشقك ويغار عليك احدا مثلي . كان يجلس بجانب حياة ويحمل الصغيرة علي يدة وعيناه تتابعها بشغف وهي تلعب مع ابنه معاذ _ نظرت له حياة فاراتة يتابعها بشغف وحنين كبيران فا تحدثت له بمكر :_ احم احم فين غض البصر ياابية الي مصدعنا بية وانت من ساعة مادخلت مبحلقلي فيها كدا ! ميصحش ياكبيرنا كدة نظر هو لها بغيظ ثم قال :_ حياة خليكي فحالك وخدي بنتك دى انا ماشي ثم وضع الصغيرة ع ارجلها وقام ينوى الذهاب _ نطقت هى سريعا بنبرة ملئها المكر اية يا ابية انت زعلت ولا اية ، ثم امسكت يدية لتجلسة مكانة وقالت بخبث حقك عليا متزعليش منى، بس انا مش عوزاك تشيل ذنب وخصوصا ان هي حاليا متجوزلكش _ نظر هو لها وتحدث بنبرة تملها السخرية والغيظ معا متجوزليش !! ودة من اية ان شاء الله كانت مرات ابويا مثلا ولا اختي ف الرضاعة ياست حياه هانم نجحت هى ان تثير غيظة فاردت وهى تضحك _ لا ياابية مش قصدى كدة ، بس اصل شذي اتخطبت وخلاص كتب كتابها خلال ايام ، فعشان كدة بقولك متجوزلكش يعنى كلها ايام وهتكون ف عصمة راجل تانى _ هب هو واقفا عندما سمع كلامها وتحدث بغضب وغيرة شديدة ، مين دا الي خطبها وهي اصلا ازاي توافق _ نطقت حياة بحكمة والله مين خطبها انا معرفوش ، بس ازاي توافق دي دي حرياتها وهي مش هتفضل طول عمرها كدة مش متجوزة وكل الناس فكرينها مدام ومطلقه ، ثم اكملت لتغيظة اكثر ، وهي ياحبة عيني لسة انسة اصلا ومدخلتش دنيا _ نظر لها بغيظ وغيرة واضحة ثم اردف علي جثتي لو الجوازة دي تمت _ نظرت هى لة بدهشة واردفت بمكر وانت باايدك تعمل اية يعني ياابية هتقدر تمنعها ازاي انها متكملش الجوازة دي انت لا اخوها ولا ابوها ولا حتى خطيبها ، حياله انت طليقها بس _ رد بشرود وعينة مثبته عليها وهى تمرح مع صغيرة ، همنعها استغربت حياة من جملتة ثم تسائلت ازاي يعني _ نفض راسة ليخرجها من افكارها فى ذالك الوقت ثم قال حياة انا ماشي خلي معاذ عندك الليلة ثم تركها ورحل دون ان يعطيها اي جواب _ نظرت هى فى اثرة وهو يرحل وتسائلات بستنكار ياتري هتعمل اية ياعبدو تمنعها انها تكمل الجواز ؟ ! ثم تابعت بضحكة ساخرة جواز اية ده الي بتكلمى عنه ياحياه هو فين الجواز دة اصلا ، ثم تابعت بتفكيررر امممم بس طلما الحوار دة دخل علية وخلاة بالشكل دة يبقي لازم يتم لاخرة اها منا مش هفضل اتف*ج عليهم هما التنين وهما بيحبو بعض كدة ومفيش حد فيهم عاوز ياخد خطوة ويصارح التاني لازم اتصرف ★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★ _ نعم اية الي انتى بتقولية دة ياحياة انتي اتجننتي لا يا ماذن متجننتش بس انا شايفه اخويا بيحبها وهي بتحبة يبقي لية محاولش ارجعهم لبعض _ اردف ماذن بحزن طب ونهلة يا حياة خلاص نستيها ونسيتي عملت اية عشان تسعد اخوكي وتجبلو طفل ، عاوزة بكل سهولة كدة وحدة تانية تيجي تاخد مكانها فقلبة وتاخد بيتها وتاخد ابنها كمان ! _ ربطت علي كتفة بمواسة ثم قالت لا ياماذن منستهاش و عمري لا انا ولا عبد الرحمن هننسي نهلة الله يرحمها بس انت يرضيك عبدالرحمن ومعاذ يفضلو طول العمر كدة لوحدهم هو يفضل من غير زوجه تراعية وتشوف مصالحه وطلباتة وتقف جمبة ومعاذ تكون لية ام تعوضة عن مامتة الي راحت _ نطق معاذ بغضب عمرها ماهتكون زي نهلة ياحياه عمرها ماهتعامل معاذ زي ابنها هي ممكن كمان تقسي ابوة علية وتخلية يعاملة بقسوة انتى متعرفيش مرات الاب بتعامل اولاد جوزها ازاى _ نطقت حياة بهدوء لا ياماذن اطمن ، مستحيل شذي تعمل كدا عارف لية عشان شذي اطيب وانبل من انها تفكر ف كدة دة غير حبها لمعاذ الي واضح اووي للكل وباين ف كل تصرفاتها وانا لو حسيت انها بتتصنع دة او بتعمل كدة عشان توصل ل عبدالرحمن كنت رفضت فكرة رجوعها لاخويا للابد ، بس انا مش شايفة كدة ، انا شايفة انها بتحبة وبتعاملة بحب وحنية حتى لو مش هترجع لااخويا ومعاذ حبيبي بيحبها جدا زي مايكون ربنا الف قلوبهم علي بعض عشان تعوضة عن امو وتحن علية اقسم لك ياماذن ان شذي بتحب معاذ وبتعتبرة زي ابنها حتي من غير ما ترجع لعبدو ، ثم تابعت بترجى بالله توافق ياماذن اني ارجعهم لبعض ومتقفش قدام سعادت ثلاث اشخاص كلهم محتاجين يكونو في حيات بعض ، واذا كان علي نهلة انت لو وافقت هي اكيد هتكون سعيدة لان جوزها حبيب عمرها وابنها هيكونو سعداء مع شذي دة غير ان خلاص ياماذن نهلة ف مكان احسن بكتير من هنا مش محتاجه لحد انو يخلد زكرها وانو يوقف حياتو عليها لية هي تكون بتتنعم ف جنات ربنا واحنا هنا حارمين ابنها وجوزها من نعيم حيات ربنا اكيد دة ميرضيهاش وميرضيش ربنا كمان وافق عشان خاطري وخاطرها وخاطر معاذ _ نطق ماذن بهدوء بعدما اقتنع بحديثها خلاص يا حياة انا موافق وهساعدك كمان ترجعيهم لبعض نطقت بسعادة بانت فعينيها وهي تحتضنه ربنا يخليك ليا يااحلي ميزو ف الكوون ضحك بصوت عال ميزو مابشوفش منك دلع غير وانتي رايقه نظرت له بحبك وانا علطول رايقة وانا معاك يا ابو دنيا ربنا يبارك لي فيك نطق بحب ويباركلي فيكي ياحببتي ★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★ لا لا لا مستحيل اعمل الي بتقولي علية دة يا حياة انتي اتهبلتي ولا اية هكذا اعترضت شذى ع اقتراح حياه لها _ فما كان منها الا انها تقول بغيظ والله مافي اهبل غيرك ياست ططر انتي ، بقولك بيحبك وبيغير عليكى وقالى انو هيمنعك تتجوزى وخططى دى عشان ترجعو لبعض فى اية بقا _ تجاهلت شذى كل ماقلتة حياه وردت وهي تشير الي نفسها انا ططر يا حياة _ اردفت حياه بضحك بقا سبتى كل الكلام المهم دة ومسكتى ف كلمة ططر دى ، طب اها ياستى ططر ولو مسمعتيش الكلام هخلي الناس كلها تقولك ياططر _ ردت بعند لا بردو لا يعني لا _ نظرة حياة لنيرة الجالسة تتابع حديثهم بصمت ثم اردفت بغيظ ما تقولي حاجه ياست حلويات انتي كمان ولا قاعدة مستمعة فقط _ ردت نيرة بغيظ اية ياحياةة الاسامي الي بطلعيها علينا دي انتي الخلفه لحست مخك ولا اية اها حاجه زي كدة البت بنت التيت مابتنيمنيش لا لليل ولا نهار يااوختشي طيرت البرج اللى فاضل من نفوخى ، المهم دلوقتي خلي المجنونة دي توافق علي الي قولتو عشان مش اقتلها واخلص _ نظرة نيرة لشذى واردفت بهدوء شذي ردت شذى بمرح نعم ياست حلويات ضحكت حياة عاليا ع كلمتها _ بينما اردفت نيرة بغيظ منهما وربنا اقوم امشي عشان تبطلو خفة انتو التنين اردفت شذى بملل انطقي ياختي كنتي هتقولي اية تحدثت نيرة وهى تستجوبها مثل افراض الشرطة :_ س سؤال وتردي بسرعه انتي بتتنيلي تحبية وعاوزة تتجوزية ولا لاء نطقت شذى بهيام :_ ج جواب اها بحبو وهموت واتجوزة يا ناس خلاص يبقي توافقي علي اقتراح حياة وتتنيلى بقا تتجوزية عشان انا زهقت منكم انتو الجوز _ ردت معترضة نعممممم لا مستحيل طبعا نطقت نيرة بغضب مصطنع خلاص براحتك ماتقوليش بحبو تاني وانسي انكم ترجعو بدماغكم الناشفة دي ظلت شذى بضع دقائق تفكر ثم حسمت امرها واردفت بحزم خلاص انا موافقة ع اقتراح حياه ، ثم تابعت سائلة بس مين دة الي هيمثل دور عريس الغفلة _ نطقت حياة بمرح هودة الكلام المظبوط شطورة ياشذي ، ثم تصنعت التفكير واردفت بجدية زائفة اية رايك ف خالد جوز نيرة يمثل دور العريس نظرت لها نيرة بغضب ثم اردفت نعم يا روح النونه وملقتيش غير جوزي ياختي عاوزة تجوزية ضحكت شذى بشدة ع انفعال صديقتها ثم قالت ، صحيح ملقتيش غير خالد انتي عاوزاني اتقتل قبل مااتجوز اخوكي انتي حد مصلتك عليا يابت (بصوت الشيخ مبروك عطية) ضحكت حياة بشدة علي جملتها ونطقت وهي تنظر لنيرة الله بهزر يا رمضان مبتهزرش _ نطقت نيرة بجدية بس لقيتو هو الوحيد الي هيقدر يمثل الدور دة بجدارة نطقا الاثنان بصوت واحد وهما ينظران اليها مييييين داا ردت هى بغرور وهى تنظر لهم دكتور بسااام جارنا نظر كلهما لبعضهما ثم نطقن بصوت واحد يبنت ال الاية بتعرفي تفكري ثم تحدثت شذى بتوتر طب بس مين هيقولو علي الخطة انا مستحيل اروح اقولة خصوصا انو كان متقدم لي اكتر من مرة ورفضته وكمان انا مليش كلام معاة ولا مع اي راجل ف العمارة اصلا _ ردت حياة هى الاخر ولا انا بردو و مستحيل اقولة تحدثت نيرة بثقة خلاص اسكتى منك ليها انا ممكن اخلي خالد يقولو نطقت شذى بفزع لااااا اوووعي تقولي لخالد علي اي حاجه من اتفقنا دة نظر الاثنان لبعضهما ثم نظرو اليها واردفو بصوت واحد اشمعنا يعني خالد ميعرفش نطقت شذي بتوتر لا اصلي مش عاوزة يبقي شكلي وحش قصاد حد خصوصا اجوازكم كفاية ماذن عرف الي هنعملة اقنعتهم بكلماتها، فقالت نيرة خلاص انا هقولة انا رايحالة النهاردة العيادة بالولاد وهقولة وهقنعو كمان يمثل الدور دة نظرت لها شذى بمتنان واردفت شكرا جدا يانيرووو ربنا يخليكى ليا ردت حياه بغيظ مصطنع يعنى هى ليها حضن وربنا يخليكى ليا وانا صاحبة الحطة مكلفتيش خاطرك تبوسينى حتى . ابتسمت لها شذى ثم عانقتها بشدة وهى تشكر ربها ع وجود حياه بجابنها .. ★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★ فاقت من شرودها علي سماع صوت اذان الفجر رددت بصوت مسموع اشهد ان لا اله الا الله ثم نظرت بجابنها وقالت بصوت هادي عبدو عبدو اصحي يا حبيبي الفجر بياذن قوم يلا عشان تلحق صلاة الجماعة التفت لها وقام من نومه ثم قال صباح الفل ياحببتي انتي منمتيش ولا اية اردفت لا مجاليش نوم نطق بستغراب لية فيكي حاجه تعبانه ولا حاجه نطقت بحب لا يا حبيبي افتكرت حاجه بس يلا قوم بقا قبل ما الامام يقوم الصلاة قام من علي فراشة واتجاة الي المرحاض لكي يتوضء ثم عاد وارتدي مئزرة وقبل ان يخرج من باب الغرفه قبل جبينها واردف بحب لما ارجع عاوزك تحكيلي اية كان شاغل بالك ومنيمكيش لحد دلوقتي ابتسمت بحب وقالت حاضر خرج من غرفتة وجد ابنية ينتظرانه لكي يذهبو سويا الي المسجد الموجود اسفل بنايتهم لكي ياأدو صلاة الفجر . وهي ايضا ذهبت الي بناتها لكي تيقظهم ليؤدو معا صلاة الفجر في جماعه . ★ ★ ★ ★ ★ ★ ★ ★ ★ ★ ★ ★ ★ ★ بعد الصلاة عاد الي منزلة هو وابنائة توجهو هما الي غرفتهم وهو توجهة الي غرفتة فتح الباب وشرع في الدخول وجدها جالسة مثل كل يوم علي سجادت صلاتها وبيدها مصحف صغير تقرء به جلس بجوارها ثم وضع راسه علي قدميها وضعت المصحف من يديها علي الكمود المجاور لها وابتسمت بحب وهي تداعب خصلات شعرة مثل ما تفعل كل يوم حتي يغفي هو علي رجليها سالها وهو مغمض العينين اية الي كان شاغل شذاي طول الليل بقا ومسهرها ومطير النوم من عنيا اوعي يكون حد من الولاد مضايق والله اقطعلك خبرة ردت ببسمة ياريت كل الولاد الي ف العالم زي حبايب قلبي ولادنا ياعبدو رد هو اومال اية مضايقك وخليكي تفكري كل دة ياحببتي اووعي تكوني تعبانه ومخبية عنى ياشذى ردت هي بصدق ابدا والله يا حبيبي مش تعبانه انا بس افتكرت ايام زمان نظر لها هو وهو راقد ونطق بحب واية بقا الي فكرك باايام زمان ابتسمت له وقالت انت طبعا طب احكيلي كنتي بتفكري ف اية نطقت بنعاس وهي تتثاوب لا مش قادرة خالص يدوبك اناملي شوية ولما ترجع من شغلك هحكيلك صحي عائشة وخديجه يجهزو الفطار النهاردة لاني تعبانه جدا نطق هو حاضر ياحببتي قومي ارتاحي وانا والبنات هنحضر الفطار ونفطر وننزل . ★ ★ ★ ★ ★ ★ ★ ★ ★ ★ ★ ★ ★ ★ كان يجلس في الكرفان في احدي مواقع البناء يتابع تخطيط عملة وحينما انهاه وهم باالعودة الي منزلة في ذالك الاثناء رن هاتفة نظر الي الشاشه فوجدها عمته فاامسك الهاتف واجاب ببسمه وصوت فرح السلام عليكم ازيك ياعمتو وعليكم السلام ازيك يا حبيبي عامل اية الحمدلله ف نعمة والله ياعمتو انتي اخبارك اية الحمدلله يا حبيبي بخير بقولك يامعاذ انت خلصت شغل ولا لسة نطق بستغراب اه لسة مخلص حالا ياعمتو لية في حاجه نطقت بااحراج معلش يا حبيبي هطلب منك طلب و عارفه انك مش هتتاخر عني انتي تؤمريني ياعمتو وانا انفذ مش تطلبي ربنا يبارك لي فيك يا روح عمتك بقولك ممكن تروح تجيب دنيا من الكلية لان عمك معاذن ف اجتماع ومش فاضي يروح خالص وهي اتصلت بيا بتقولي هتركب تا**ي وانا مش باامن لبتوع التكاسي دول ممكن تروح تجبها حاضر ياعمتو هروحلها متقلقيش تسلم لي يا حبيبي وميحرمنيش منك ابدا انهي مكالمتة مع عمتو واتجهه نحو عربيته قادها بتجاة جامعة دنيا. حبيبة منذ الصغر يحبها ويتمني من الله ان تصبح زوجته وكان ينتظرها ان تنتهي من جامعتها حتي يستطيع ان يطلب من ولادة ان يخطبها له رسميا فهي مكتوبة علي اسمو منذ الصغر والجميع يعلم ان دنيا الي معاذ منذ صغرها ولاكنها لا تكن له نفس الشعور ولا تتمني ان تكون زوجته مثل ماتمني هو وصلا الي مقر جامعتها فهي في كلية علوم خرج من عربيتة يتطلع عليها ولاكنه انصدم وشعر بالدماء تغلي بعروقه حينما لمحها تقف مع شاب علي باب الجامعه وتتبادل معة الحديث والضحك ايضا ذهب بتجاها ووقف في المقابل لهما واردف بصوت ي**وة الغضب اقدر اعرف اية موقفك مع شاب غريب ف الشارع كدة يا بنت عمتي ردت هي بتوتر والخوف ي**و معالم وجهها دة دة الدكتور حازم دكتوري ف الجامعه نظر له هو ومد يدة له لكي يسلم علية ونطق انا دكتور حازم ابراهيم دكتور انسة دنيا ف الكلية نظر معاذ له بدون اهتمام وصافحه ببرود وقال اهلا تشرفنا يادكتورها ف الكلية بس انما ف الشارع المفرود لا تعرفها ولا تعرفك ولا تقف انت وهي بالطريقة دي وكل الناس تتف*ج عليكم ثم نظر اليها واردف اتفضلي ياهانم علي العربية عشان اوصلك نظرت هى لة بغيظ وانطلقت الى السيارة نظر هو للواقف امامة ثم اردف ياريت الي حصل دة مايتكررش تاني عشان لو اتكر هتزعل من رد فعلي اووي ثم انصرف من امامه وتوجه الي سيارة وقادها بااقصي سرعه . ★ ★ ★ ★ ★ ★ ★ ★ ★ ★ ★ ★ ★ ★★ ★ ★ ★ ★ ★ ★ ★ ★ ★ ★ ★ ★ ★ رايكووو ياحلووووين بقا #جعلني_ملتزمة #رحيق_الحب #بقلم_اسراء_جمال

Free reading for new users

Scan code to download app

App Store Google Play

Facebookexpand_more