AUBREY Apat na araw ang lumipas na hindi ko kinikibo si Dexon. Hindi na rin niya ako pinayagang lumabas kahit sinabi kong gusto kong dalawin si Ninang Janina at maging si Rosemarie. Alam kong nagdadahilan lang siya ng sabihin sa akin na papuntahin na lang dito sa bahay niya si Ninang Janina at ang kaibigan ko kung gusto ko, kaya 'di ko na kailangang pumunta sa Tondo. Lalo lamang sumama ang loob ko sa kanya dahil pakiramdam ko ay nakakulong na talaga ako sa bahay na ito. Kahit anong gawin ko, strict ang policy niya na hindi ako p'wedeng lumabas ng hindi ko siya kasama. Wala na akong balak kausapin siya dahil wala namang mangyayari. Ilang ulit kong sinubukang lumabas pero sa huli, walang nangyari. Kahit si Kuya Addie ay umalis daw sabi ng isang tauhan ni Dexon ng minsang magtanong ako