Sadyang binilisan ko ang kilos para makalabas agad ako sa gym at maabangan si Justin sa parking lot. Sinadya kong pumwesto sa tabi ng sasakyan niya para makita ko siya kaagad paglabas niya sa gym.
Medyo matagal rin akong naghintay sa labas nang sa wakas ay nakita ko na siyang lumabas. Bababa na sana ako sa sasakyan para humanda sa pagsalubong sa kanya pero natigil iyon dahil may isang babaeng humabol sa kanya at kumausap.
Nakasuot ang babae ng sports bra at leggings. Mukhang sobrang ahead ng edad ng babae sa kanya at mukhang mas matured pa sa akin.
Napasinghap ako at parang may kung anong kurot na naramdaman nang makitang hinawakan niya ang braso ni Justin.
Nang ilipat ko ang tingin kay Justin ay nakatingin lang siya sa babae na sobrang halatang nagpapa-cute sa kanya!
“Shìt… bakit ko
