ILANG minuto nang naroon si Eira sa pangpang ng sapa na sakop ng lupain ni Jus. Hindi niya mabilang kung ilang beses na siyang pabalik-balik sa paglalakad doon. Hindi siya makagawa ng pasya. Ilang beses na niyang pinag-isipan. Ano ang sasabihin niya kay Jus? Paano niya makukuha mula rito ang pirea? Kung si Ameera nga ang may hawak ng pirea bakit iniwan nito iyon kay Jus? Ano ang dahilan? Tutungo ba siya kay Jus at sabihin rito ang totoo tungkol sa pirea? O, sapat nang may nagbabantay sa binata para sa kaniya?
Nagtatalo ang kaniyang isip. Paano kung anumang sandali ay magtungo roon sina Argon at Ludo? Paano kung malaman ng mag-ama ang kinaroroonan ng pirea? Hindi batid ni Justin ang kapangyarihang taglay ng pirea. Hindi nito batid kung ano ang mangyayari sa Silvana lalo na sa kanilang mga
