“DAMN IT! Damn it!” sunod-sunod na mura ni Jus na masamang tinitigan ang namumula ng daliri sa kakakuskos ng sabon. Naiinis siyang makita ang singsing sa kaniyang daliri. Bakit pa kasi sinubukan niyang isuot iyon? Ngayon ay ayaw nang matanggal sa daliri niya ang singsing na para bang nakadikit na iyon doon. Nakatuwaan ni Zea na ipasuot sa kaniya ang singsing ngunit nang sipatin niya ang kamay ay pangit tingnan. Malaki ang tampok niyon at hindi bagay sa daliri niya. Tinangka niyang hubarin uli ang singsing ngunit ayaw nang matanggal iyon sa daliri niya.
Itinigil niya ang pagtatangkang pag-alis sa pirea at tinitigan ito.
Itinaas niya ang kamay. “Pirea, umalis ka ngayon din sa aking daliri!” utos niya. Ngunit makalipas ang ilang sandali ay walang nangyari.
“Sa bisa ng kapangyarihan ng ap
