“SAAN KA ba nanggaling, Eira?” bungad kaagad sa kaniya ni Maia nang makabalik siya sa kanilang kastilyo.
“Bakit, Maia? May nangyari na naman ba?” nag-aalalang tanong ni Eira. Hinubad niya ang kulay pulang kapa at isinampay sa braso. Kakarating lamang niya at mukhang may masamang ibabalita sa kaniya ang kaibigan.
Malungkot na lumapit sa kaniya si Maia at sandali siyang tinitigan.
“Magsalita ka, Maia” ulit niyang tanong. Hinarap ang kaibigan at tinitigan ang nag-aalalang mukha. Maging siya ay kinakabahan na rin sa maari nitong iulat.
“Marami akong nababalitaang karahasan na nangyayari sa sentro ng Silvana, Eira. Pilit na sinasakop ni Argon at Ludo ang mga diwata. Ang mga nagtatangkang tumakas ay kinikitil nila ang buhay at karamihan ay ginawang alipin. Totoo ang ibinalita sa atin ng d
