PAGKATAPOS magbihis ng kaniyang sariling damit ay lumabas si Ameera ng silid. Kaya na niyang maglakad at hindi na kumikirot ang kaniyang sugat. Nasisiguro niyang tuluyan na itong naghilom at gumaling. Kahit ang sugat niya sa noo ay tinanggalan na niya ng gasa.
Hinanap niya ang daan palabas ng bahay. Ilang araw na siyang nakakulong sa silid na pinagdalhan sa kaniya ni Jus. Batid niyang sinasadya nitong itago siya roon upang walang makaalam ng tunay niyang pagkatao.
Nais niyang bumalik sa Silvana upang tingnan ang kalagayan ng mga diwatang naiwan roon sa pamumuno ni Argon. Hindi niya maaaring pabayaan ang mga ito. Kailangan rin niyang hanapin ang mga Mira. Batid niyang may ilang diwata na nakakaalam kung nasaan ang kanilang kastilyo. Kailangan niyang makahingi ng tulong.
“Saan ka pupun
