PAPASOK pa lamang si Eira sa bulwagan ng kanilang kastilyo ay nakita niyang mabilis na tumayo mula sa pagkakaupo sa kani-kaniyang trono ang tatlong kaibigang Mira.
Si Eira, Aura, Maia at Leyla ang kinikilalang apat na makapangyarihang Mira sa buong Silvana. Ang ikalimang Mira na siyang pinakamakapangyarihan ay hindi pa nakikilala o hindi pa naitakdang makilala.
“Saan ka ba nanggaling, Eira? Kanina ka pa namin hinihintay!”
“Bakit? May suliranin ba tayong kinakaharap?” takang tanong ni Eira na tinungo ang sariling trono. Nagsi-upo rin ang tatlo at bakas sa mukha ang pag-aalala. Magkakaharap silang apat dahil ang kanilang trono ay nakaayos katulad ng hugis tatsulok. Tanging bakante ang trono sa unahan nila dahil nararapat lamang iyon para sa hindi pa nakikilalang Mira.
“May isang diwa
