عشقها لعنه

البارت5

وليد عينه غصب عنه متابعه كل تحركات رنا فرحان انه. شايفها وفي نفس الوقت نفسه يفهم في اي مضايقها

مروان مضايق من نظراته ليها ونفسه لو يقدر يترده مش هيتردد لحظه

كريمه...... المحلول خلص انا هروح انادي الدكتور

رنا. بسرعه..... خليكي انتي ياخالتي انا هخرج انا

كريمه..... خليكي يابنتي مش عايزه اتعبك.

رنا.... لالالا مفيش حاجه

رنا خرجت بسرعه كانت حاسه انها مش مرتاحه وبتتخنق وفضلت واقفه شويه تتنفس

وليد..... استاذن انا بقي

مروان بشك..... مانت قاعد

وليد..... عندي. مواعيد مهمه وهتاخر عليها عن اذنكم والف سلامه عليك

وخرج بسرعه ومروان جواه تكه وهينفجر من الغيره

وليد خرج كان رنا واقفه بتكلم الممرضه راح ليها

وليد..... رنا

رنا اتلفتت بتوتر...... نننعم

وليد..... عامله اي

رنا...... الحمدلله.

وليد..... ماردتيش عليا موافقه تشتغلي معايا

رنا.... كنت هقول لحضرتك بكرا

وليد..... ورايك اي

رنا...... موافقه بس انا معرفش حاجه عن شغل دا

وليد بسعاده...... انا هعلمك كل حاجه هنتحرك بكرا بعد المحاضره تمام

رنا...... تمام عن اذنك.

وليد...... اتفضلي

وليد واقف قلبه بيرقص من الفرحه انها هتكون معاه مش مصدق. اللي بيحصل دا

رنا دخلت كان. شكل مروان غريب ومعالم الضيق واضحه جدا

قعدو وقت وبعد كدا روحو

هيا وصلت بيتها وكانت بتلف حوالين نفسها من سعاده وخبطت في حد

..... اها حاسبي في اي

هيا مسكتها ولفت بيها كتير انا فرحانه فرحانه اوي اوي اوي ياهنا

هنا..... اي في اي مالك

هيا...... مامي فين

هنا بضيق..... سافرت الغردقه

هيا بتعجب.... ليه

هنا..... اهو النادي عاملين رحله فاسفرت معاهم

هيا...... اممممم

هنا...... قوليلي بقي اي سر الابتسامه دي

هيا ببتسامه...... تؤتؤتؤ بعدين هقولك وقامت علي اوضتها

هنا...... مش هتاكلي طيب

هيا..... لا مش جعانه انا هلكانه وعايزه انام

هيا دخلت ورمت نفسها علي سرير وبتعيد كل لحظه مرت عليها مع مروان وقت مادافع عنها اما اتخانقت مع فاروق واما ضحي بنفسه عشانها

هيا بسعاده. حضنت مخدتها...... يامووووري

وقامت غيرت هدومها ونامت بسعاده محصلتش في حياتها قبل كدا

الايام بتعدي عليهم من غير اي احداث رنا اشتغلت مع وليد واكتشفت انه شخص محترم جدا

وليد خرج من المستشفي بس واخد اجازه بامر من هيا ويوميا بتكلمه.تطمن عليه

رنا مش بتدخل خالص عندمني وكل ماترجع من شغلها بتحكي لبابها عن تفصيل يومها كان اذاي

مروان خرج قعد معاهم

كريمه.....قومت.من سرير ليه يابني.

مروان.....زهقت ياامي

كريمه....براحتك ياحبيبي وعلي فكره عندي ليك خبر حلوبس هقولو ليك بعد الغدا

مروان.....خييييىر

كريمه ابتسمت....حلو ماتقلقش

مني.....خير ياكرمله قولي وانا ماليش في الاخبار الحلوه دي

كريمه.....لايامقصوفه وقومي شوفي الاكل

مني....يوووووه بقي

كريمه قامت دخلت المطبخ ومروان قاعد بيتف*ج علي تلفزيون

وسمعو الباب بيخبط

كريمه..... روحي افتحي الباب يامني

مني..... حاضر مهو انا الخدامه الفلبنيه بتاعتكو

كريمه....امشي يابت

مني خرجت من المطبخ تنفخ.... هيحصل اي لو فتحت الباب

مروان..... مش قادر. اقوم وبعدين مانتي موجوده اهو

مني...... اووووف بقي

مني فتحت الباب.....رنا تعالي

رنا دخلت.بتوتر.....في اي عيزاني في اي

مني......ادخلي طيب بس

رنا....لا اصل

مني.....يابنتي ادخلي هنتكلم.علي باب كدا ادخلي

رنا دخلت وكانت بتتلفت بتدور علي مروان واول ماشفته اتصدمت

مروان بصلها بشوق لانها واحشته اوي اوي

مني..... اقعدي ثواني هنا هغسل ايدي واجيلك

رنا.....اي لا في اي

مني.....يابنتي مالك في اي ثانيه وجايه.

مني راحت تغسل ايديها ورنا قاعده باصه في الارض ومتوتره اوي ولسه هتقوم مروان وقف قصادها

مروان......رايحه فين

رنا بتوتر.....ها

مروان بهمس.....رايحه فين

رنا....انا انا

مني.....انتم واقفين كدا ليه

مروان.....كنت بجيب الريموت

رنا قلبها كان هيقف من كتر الدق

مني....اقعدي طيب انا عيزاكي تشرحيلي حاجه

رنا .....اشرحلك اي

مني.....الجزء اللي شرحو دكتور وليد اخر محاضره انا مش فاهمه خالص وحاولت اذاكره كتير لكن مش مفهوم خالص

رنا..... ماشي هشرحولك

كريمه..... رنا اذيك. ياحبيبتي عامله اي

رنا..... الحمدلله

كريمه..... حظك حلو احنا هنحط الغدا كلي معانا

رنا...... لالالالالا

كريمه...... مفيش لا دا قرار يالا يازفته قومي معايا عشان نحط الاكل

رنا.... انا هبقي اجيلك تاني يامني

كريمه..... هتزعلييني منك بقي ماينفعش

رنا.... بس

كريمه..... مفيش بس

وراحت كريمه ومني يحضرو الاكل ورنا جريت وراهم ومروان ضحك. عليها

قعدو ياكلو مع بعض ومروان مش مصدق انه شايفها قدامه ومان فرحان اوي بوجودها معاه

وبعد. ماكلو مني ورنا قاعدو مع بعض تشراحلها ومروان متابع كل تفصيله فيها بيتابعها. بحب وشغف رهيب

كريمه..... اي واقف كدا ليه

مروان..... ها لا عادي

كريمه مسكت ايده ودخلته اوضتها وطلعت فلوس من درج

مروان...... اي دا

كريمه...... دي جمعيه اللي قولتلك. عليها قبضتها اهو تقدر بقي كدا تروح ووتتقدم بكل ثقه وتجبلها كل اللي هي عيزاه وانا كلمت صاحبت البيت علي شقه اللي في دور 4 وقالتلي عايزه فيها 10000جنيه مقدم. واتفقت معاها هدوملها

مروان باس ايديها..... ربنا مايحرمني منك ابدا

كريمه.... اهم حاجه عندي. ساعدتك. ياحبيببي

مروان..... ربنا يخليكي ليا ياحبيبتي

مروان خرج. وكان مبسوط اوي وراح يشوف رنا كانت واقفه لوحدها في البلكونه وحس ان دي المره الوحيده اللي ليه الحق يكلمها راح وقف وراها

مروان....... رنا

رنا بصدمه...... نننعم.

مروان واقف قريب منها بيركز في كل تفصيله في ملامحها بيحفرها جوا قلبه ملامحها اللي خ*فته من وهم صغيرين

رنا.... ممني بتنادي عليا

مروان حط.ايده علي صور البلكونه عشان مايخلهاش تمشي وقرب منها اكتر..... استني انتي ليه بتهربي مني

رنا بتوتر...... انا انا

مروان..... انتي اي

رنا بصت في الارض واتوترت وخصله من شعرها نزلت علي عنيها

مروان مد. ايد يرجعها ورا ودنها واتكلم بهمس.... انتي جميله.اوي يارنا اجمل من اي حاجه في دنيا

رنا بتبصله وهي تايها ومش عارفه ترد.

ومروان مش مصدق ان جيه اليوم انه يقف يتكلم معاها كدا فيه

رنا خدودها بقت كتله من نار ملس علي خدودها...... بقيتي شبه الطماطم.

وقبل رنا ماترد. كانو سمعو صوت محمد.

محمد بغضب...... اي اللي بيحصل هنا دا

مروان بعد عن رنا بسرعه وبص لمحمد

محمد بغضب.....رد عليا انت بتعمل اي هنا

مروان.....اهدي بس عشان افهمك انت فاهم غلط انا

محمد.......انا مش عايز افهم حاجه وقرب منه شد رنا...لو قربت منها تاني مش هعمل حساب لالعشره ولااي حاجه فاهمني

كريمه جت بسرعه من المطبخ علي صوت محمد وهي مش فاهمه في اي

كريمه.....خير في اي يابو رنا صوتك عالي ليه في اي يامروان

محمد......بقي.دي الامانه يام مروان وعلي عموم دي اخر مره بنتي هتدخل فيها الشقه دي

كريمه بصت لمروان بتعجب..... هو في اي بس اي اللي حصل

محمد شد رنا ومشي ووراه فاطمه.. وخرج من شقه من غير مايرد علي حد

كريمه..... في اي يامني اي اللي حصل

مني..... مش عارفه

مروان سابهم ودخل اوضته من غير مايرد علي حد

كريمه..... هو في اي بس اي اللي حصل

محمد. دخل شقته وهو في قمه غضبه ومسك رنا من ايديها جامد..... اي اللي حصل

رنا برعب..... مممممم.

محمد..... مش مماما انطقي كان بيقولك اي وكان واقف قريب منك كدا لي وانتي اذاي تسمحيلو يقرب منك كدا انطقي

رنا بتعيط وبتهز دماغها برفض.

فاطمه.....اهدا ياخويا هيجرالك حاجه

محمد....يجرالي اي وزفت اي دي اخرت تربيتي فيكي يارنا تقفي في البلكونه معاه الناس تقول عليكي اي ردددددي هيقولو عليكي اي وهم شايفنه كدا كفايه ززززفت عياط.بقي وردي عليا كان بيقولك اي اذاي تسمحيله يقرب منك كدا

مي رجعت من درس ومش فاهمه في اي

مي بهمس لرنا.....اي اللي حصل

فاطمه.....خودي اختك وادخلو اوضتكم يامي وانت تعالي معايا

محمد.....مش هتتحرك من هنا غير لما تنطق

فاطمه شدته.....تعالي بس روحو يابنات

مشي معاها وهو مش طايق نفسه

محمد.....ممكن افهم في اي

فاطمه.....هو المفروض انت اللي تفهمني في اي

محمد.....نعم يافاطمه انتي نايمه مش شايفه اللي حصل

فاطمه.....اقصد.انت شوفت اي

محمد.....كانو واقفين مع بعض في البلكونه

فاطمه.....شوفته بيعمل ليها حاجه يعني ماسك ايديها بيلمسها عامل حاجه يعني

محمد بعصبيه.....دا لو كان حصل كنت دفنتها مكانها

فاطمه.....طيب انت متعصب لي بس اهدي امال انت شوفت اي

محمد.....انتي عايزه بعدين بعد.كدا في اي ماركب ارايل احسن

فاطمه.....مش قصدي طبعا انا اقصد.انك انت فاهم.الموضوع غلط

محمد..... لاوالله لي كان واقف بيحطلها قاطره يعني ولااي

فاطمه...قاطره اي يامحمد.الصراحه كدا كريمه كلمتني وقالتلي ان مروان عايز يتجوز رنا والواد.ياحبه عيني مقطع نفسه شغل عشان يقدر يكون حق شبكه ويجيب اللي انت عايزه ويسعدها فممكن يكون بيكلمها عشان يشوف رايها في اي مش اكتر وبعدين احنا عمرنا ماشوفنا منه حاجه يامحمد احنا عشره بقالنا سنين

محمد بصلها اوي وسابها وقام

فاطمه......محمد انت مش بترد لي

محمد.....مفيش رد يتقال والموضوع دا يتقفل فاهمه

وسابها ونزل محله

رنا قاعده في اوضتها ضامه رجليها وبتعيط في **ت خايفه من بابها

مي بزهق......ماتنطقي بقي عماله تعيطي تعيطي انا مش فاهمه حاجه خالص يعني انزل اروح درس ارجع القي الدنيا خربانه كدا

رنا سابتها ونامت وهي خايفه من رده فعل بباها وعماله تعيد في لحظات مابينهم وبين بعض مش مصدقه ان جيه اليوم اللي مروان يتكلم.معاها بس كل اللي همهاحاليا زعل ابوها منها دا اللي مضايقها

مي..... انتي هتنامي كمان اووووف

وسابتها ودخلت البلكونه كان مروان واقف سرحان

مي.... اي روحت فين انت ياعم

مروان انتبه ليها..... بتقولي حاجه

مي..... ياه دانت مش هنا خالص مالك انت كمان في اي دا اي اليوم المنيل دا ياربي

مروان بتوتر..... هو في حاجه

مي....مش.عارفه بس جيت.كانو بيزعقو ورنا

مروان بسرعه.....مالها كويسه حد.كلمها ببابكي عملها حاجه

مي.استغربت لهفته....لا مفيش هي بتعيط بس.هو في اي

مروان.....مفيش عن اذنك.وسابها ودخل قعد علي سريره وجواه رعب انه ممكن ماتبقاش ليه وسمع خبط الباب

مروان.....ادخل

دخلت كريمه وقعدت جنبه علي سرير

كريمه.....انا سيباك من بادري تهدي عشان انا مش فاهمه اي اللي حصل

مروان اتن*د واخد.نفس طويل.....كنت حابب اتكلم معاه اعرف رايها فيا

كريمه.....وبعدين

مروان.....بباها جيه انا عارف ان واقف*نا مش لطيفه بس هو دا اللي حصل بس انا ماعملتش حاجه ياامي انا بحبها ومقدرش اذيها

كريمه ابتسمت.....خير ماتقلقش

مروان.....يارب

الايام بتعدي عليهم مفيش اي احداث

مروان نزل شغله وهيا كل يوم تبعت ليه في اي سبب من الاسباب وبيقضي طول اليوم عندها وطول الوقت باله مشغول برنا ومش عارف اي اللي هيحصل معاه

رنا حياتها روتينيه.بتروح من الجامعه للشغل وبس

في مكتب وليد

وليد.....رنا تعالي عايزك

رنا خبطت ودخلت ليه وطلب منها ورق محدد

ورنا خرجت جبته ورجعت

وليد.....تمان اتصلي بمروان وقوليلو يجي حالا

رنا....مروان مين

وليد..... هو مكتب 6 دوسي علي رقم 6 وهو هيرد.عليكي قوليي يجي حالا

رنا.....حاضر

رنا خرجت واتصلت بالرقم بس بنت اللي ردت عليها وقالت ليها انه مش موجود

رنا.....مش.موجود

وليد بعصبيه.....وبعدين بقي اي التسيب دا المهزله دي لازم.يكون ليها حد.

رنا.....حضرتك.محتاج مني حاجه تاني

وليد.....لايارنا متشكر

وليد كمل شغله وبعد.كدا راح مكتب ابوه ودخل من غير استاذان

وليد.....ينفع اللي بيحصل دا اي المهزله دي

نبيل بتعجب.....في اي وداخل كدا ليه

وليد....هيا زفت دي المفروض استشاره قانونيه تكون اتهببت وخلصت في قضايا مع االبيه دا ومن ضمنهم قضيه بكرا المفروض يكون جهز ورقه عشان المرافعه وانا مش عارف اي اللي هيتم دلوقتي ومش عارف هعمل فيه لو خسر القضيه

نبيل....اولا كدا ال*قود لسه ماتمتش هتم كمان اسبوع واللي عرفته انها هتعمل حفله تاني يوم هنحط حد. للموضوع دا ثانيا مروان هتلاقيه بكرا في المحكمه بيتارفع عن القضيه المتوكل بيها ماتقلقش

وليد..... هي ثقه دي جايبها منين

نبيل..... مروان شغال هنا من وهو بيدرس وفاهم تفكيره كويس ماتقلقش

وليد.....انت المفروض تكلمها اللي بيحصل دا ماينفعش المكتب دا لي قوانين وهي المفروض تحترمها

نبيل.....انت مكبر الموضوع اوي علي فكره بكرا هيكون في المحكمه بيترافع ودا لو محصلش وقتها ابقي اتكلم

وليد.....لو مبقاش موجود في معاده هيكون اخر يوم لي في المكتب

نبيل بصله بشك.....هوانت متحامل عليه كدا ليه في حاجه مضيقاك منه

وليد بتوتر.....لا طبعا هيكون في اي انا كل همي الشغل وبس

نبيل بصله بشك...... ماشي روح شوف شغلك

رنا قاعده بتباشر شغلها وسرحت في اليوم اللي مروان كان واقف معاها فيه وتلقئيا قلبها دق وابتسمت بسفي لحظه ابتسامتها راحت وهي بتفكر في اللي جا ممككن يحصل اي وفاقت من شرودها علي صوت شخص بيتكلم

....... اللي واخد عقلك. يتهني

رنا بصتله بتوتر.... افندم مين حضرتك

...... مش عرفاني تؤتؤؤتؤ انا من العيله بارده بس مش محامي

رنا..... استاذ وليد. مش في مكتبه اتفضل استناه جواه لحد مايجي

كريم ضحك....طيب اسالي انا مين طيب مش يمكن حرامي وجاي اسرق ورق مهم كدا تضيعي الراجل وتوديه في داهيه

رنا.....انا ميهمنيش اعرف انت مين واكيد وليد بيه مش هيسيب ورق مهم باره الخازنه بتعته واتفضل بقي عشان انت معطلني ولاانت فاضي ولااي

كريم لسه هيرد جيه وليد

وليد باستغراب.....كريم انت بتعمل اي هنا

كريم.....عادي كنت قريب من المكتب وبص لرنا جيت اشوفك

وليد.....طبب تعالي

وليد اخد كريم ودخل مكتبه

وليد.....خير

كريم......كنت جاي اشوف مين دي اللي خلت دكتور وليد صاحب القيم والمبادئ يلجئ لاخوه الصايع عشان يعمله خطه بس خططتي جت بنتيجه واشتغلت معاك اهي

وليد.....اخرس خالص وبعدين انا معملتش حاجه من خططتك.المتخلفه اللي ذيك

كريم......امال عملت اي يادكتره

وليد بصله بضيق....دي الفاظ واحد في المستقبل ممكن يبقي سفير يابني ارتقي شويه بالفاظك.رجاء هانم لوسمعتك وانت بتتكلم كدا مش بعيد.يجرالها حاجه.

كريم.....ابعد.بس عن رجاء هانم اللي معظم كلامها مش.بيتفهم دي وخلينا في المهم عملت اي

وليد....عرضت عليها الشغل

كريم رفع حاجبه.....كداهو خبط.لازق

وليد......لا هعمل ذي ماقولت اجيب رقم موبايلها واتصل بيها بفكرتك الغ*يه اللي ذيك

كريم.....انت ماتعرفش سحر الحركه دي.وبتحسسها انك مهم وليك معارف اذاي بس اقولك البت قمر تستاهل

استوووووب

ونكمل بكراااا