Napadaing ako nang maramdaman ko ang p*nanakit ng aking tiyan. Dahan-dahan akong bumangon sa pagkakahiga ko sa aking kama. Pero bago ko pa man maitayo ang aking sarili, bumagsak din agad ang katawan ko sa sahig.
Napapikit ako nang madaganan ko ang nagkalat na lalagyan ng cup noodles sa lapag. Ilang araw na bang ito lang ang kinakain ko? May mga plastik din ng junk foods at bote ng soft drinks sa ibabaw ng kama ko. Dahil sa wala akong ganang maglinis, katabi ko na silang matulog. I’m a mess.
Napabuntonghininga ako saka pilit na ibinangon ang aking sarili. Nang maupo ako sa sahig, tumunog ang phone na nasa ilalim ng aking unan. Tiningnan ko kung sino ang tumatawag—si Lizzie. Hinayaan ko lang ito saka ibinalik kung saan ko kinuha. Ilang sandali pa ay pakiramdam ko ibinaliktad ang aking sik
