HIDING THE TWINS OF MY WOMANIZER BOSS

TEASER GUEVARA SERIES #2 HIDING THE TWINS OF WOMANIZER BOSS [CALYX & ANNA] CALYX it's a billionaire notorious womanizer who thrilled dating multiple married women. Pero lingid sa kaalaman ng lahat, isa siyang secret agent at ang pakikipaglaro sa asawa ng mga maimpluwensya, tiwali, at mapanganib na tao sa lipunan na iniinbistigahan niya ang paraan niya upang makahanap ng impormasyon laban sa mga ito. He was enjoying his life. His secret agent job. Maganda at sexy ang mga asawa ng mga tiwali sa lipunan na iniimbestigahan niya kaya lalo siyang nag-eenjoy sa trabaho at sa pakikipaglandian sa mga ito. But not until he met the woman who changed his life. Mahal niya si Anna. Pero hindi niya alam kung paano maging nobyo sa dalaga dahil wala pa siyang nakilala na babaeng tulad ng personality na meron ito. Maagang naulila si Anna. Lumaki siya sa puder ng kanyang malupit na tiyahin. Dala ang mataas na pangarap ay lumuwas siya ng manila para magtrabaho. She’s naive and pure hearted kind of woman na palaging mabait sa lahat. Ngunit nang ma-inlove siya kay Calyx. Nagulo ang kanyang mundo. "Gusto kita, Sir Calyx. Mahal na nga yata kita, eh." pagtatapat ko sa kanya. "You can't handle someone like me, Anna." "At bakit naman hindi? Dahil po ba mayaman ka, at ako ay hamak na katulong lang dito sa mansyon mo? Dahil ba langit at lupa tayong dalawa? kaya hindi mo ako kayang gustuhin?" masakit sa akin malaman na balewala lang pala kay sir Calyx ang pag ibig ko sa kanya. Pero hindi ako susuko. Hindi ko tatanggapin ang pang re-reject niya sa damdamin ko. "It's not that, Anna. someone like me is not a man na babagay sa iyo. A man na kayang magmahal ng busilak na tulad mo. Hindi ko kayang suklian ang pagmamahal mo. Iba na lang ang mahalin mo, 'wag ako." Parang pinupunit ang puso habang nakikinig ako sa mga binitawan salita ni sir Calyx. "Kung ayaw mo pala sa akin, bakit mo ako hinalikan Sir Calyx? para saan ang kiss na 'yon? Bakit mo ako de-nate? ano 'yon? kung sa iyo wala lang ang kiss at date natin, sa akin po ay hindi!" lakas loob na sumbat ko sa kanya. hinalik halikan niya ako at de-nate pa tapos ala lang pala sa kanya ang lahat ng iyon! "Kinuha mo ang first kiss ko, Sir Calyx. kaya kasalanan mo po kung bakit masakit ang puso ko ngayon..kasalanan mo po!" Kung wala pala siyang pagtingin sa akin..Bakit pinaramdam pa niya na mahalaga ako sa kanya... "Mahal kita, Sir Calyx, mahal na mahal po kita. Anong gagawin ko, eh hindi ko naman pwedeng basta utusan na lang ang puso ko na wag kang mahalin. At kung alam ko lang na paaasahin mo lang pala ako sa wala, sana hindi na ako nagpadala sa pambobola mo!" -Anna. ***CHAPTER ONE*** ANNA “Yes! Buntis ako! Buntis ako!” masayang sambit ko at sa sobrang saya ko ay nagtatalon pa ako sa ibabaw ng aking kama. Magkakaanak na kami ni Calyx! Ang saya saya ko! Wala akong ibang hiniling kay God kung hindi ang mabuntis ako ni Calyx dahil gusto ko talagang malahian ng gwapo niyang mukha ang mga magiging baby ko. Tatlong buwan na ang mabilis na lumipas simula nang maging kami ni Calyx. Pero isang malaking sikreto ang aming relasyon dahil iyon ang gusto niya. Pumupunta ako sa condo unit niya sa tuwing tinetext niya ako at pinapasundo niya ako sa kanyang driver. Kahit ganito ang setup ng relasyon namin ay okay lang sa akin. Hindi ako umangal kahit kaunti. Sapat na sa akin ang makasama ko siya dahil mahal na mahal ko siya. Sa tuwing pupunta ako dito ay nakasuot ako ng pang housekeeper na uniform. Iyan ang gusto niya para wala daw maka halata na may relasyon kaming dalawa. Ang sabi naman ni Calyx sa akin, ‘wag akong mag-alala dahil wala naman daw siyang ibang mahal kung ‘di ako lang, at ang ginagawa naming paglilihim ng aming relasyon ay mas makabubuti sa amin sa ngayon. Kaya unawain at sundin ko lang siya para maging tahimik at masaya kami. Malaki ang tiwala ko kay Calyx kaya naman lahat ng sabihin at iutos niya ay sinusunod ko dahil Mahal na mahal ko kasi siya. Ang importante sa akin ay magkasama kami isang beses sa loob ng isang linggo. Pero dahil espesyal ang araw ngayon dahil birthday niya. Susorpresahin ko si Calyx sa kanyang unit para ibigay ang birthday gift ko at ang niluto ko na paborito niyang mac and cheese na maraming bacon and garlic on top. Masaya akong pumasok sa loob ng elevator patungo sa condo unit ni Calyx. Hindi ko mapigilan ang aking sayang nararamdaman ngayon. Siguro naman ay hindi magagalit sa akin si Calyx dahil pumunta ako rito sa condo niya para isurpresa siya. Birthday naman niya eh. Nang nasa tapat na ako ng pinto ni Calyx. Inayos ko muna ang aking sarili. I do checked my own breath kung fresh breath pa ba ako. Mm… Mabango pa naman ang hininga ko dahil nag toothbrush at nag gargle naman ako ng mouthwash kanina after kong maligo. Dahil ang bilin ni Calyx sa akin. ‘Wag na ‘wag akong pupunta dito sa unit niya ng hindi ako nakasuot ng housekeeper uniform kaya naman ito ang suot ko ngayon. Gusto ko sanang mag dress pero ‘wag na lang dahil kailangan kong sunurin ang mahigpit na bilin niya sa akin. Nang matantiya ko na okay naman na ako. Nakangiti kong pinindot ang buzzer. Napakunot noo ako. Ha? Wala ba siya ngayon dito sa unit niya? Naka-dalawang buzzer na kasi ako ay hindi pa rin niya binubuksan ang pinto. Okay. Last two buzzer. Then pag hindi pa rin bumukas ang pinto meaning wala siya sa loob. Tulad nga ng sinabi ko. Naka-dalawang buzzer na ako pero hindi pa rin bumukas ang pinto. Ay. Sayang naman itong niluto ko. Di bali, tatawagan ko na lang siya mamaya. Pumihit na ako patalikod sa pinto. Pero agad din akong pumihit paharap nang marinig kong bumukas iyon. Biglang tumigil ang pagtibok ng puso ko nang makita ko ang babae na nagbukas ng pinto. “Yes?” supestikada na sambit ng babae na nakatapis lang ng towel sa katawan. Mabigat akong lumunok. Sinuyod ko ang kabuuang ng babae sa harap ko. Sa itsura nito. Mukhang katatapos lang mag shower dahil basa pa ang buhok at butil butil pa ang tubig sa mukha at katawan. Pero bakit dito siya nag shower sa unit ng boyfriend ko? Kumurap ako. Baka naman wrong number ang pinto na kinatatayuan ko! Mabilis kong sinipat ang number sa pinto. Nanginig ang aking buong katawan. I’m at the right door! Ito ang unit ni Calyx! Ano’ng ibig sabihin nito? B-bakit may babaeng nakatapis ng towel sa loob ng unit niya? Nangatal ang aking labi. Ayokong mag-jump into conclusion sa nasaharap ko. Pero maliwanag naman sa aking isipan na niloloko ako ni Calyx. Ramdam kong mabilis na nag-init ang aking mukha kasabay nang paghapdi ng aking mga mata. “Yes, Miss?” mataray na untag sa akin ng babaeng nakatapis ng towel dahil na estatwa na ako sa kinatatayuan ko. Lumunok ako. Maraming beses akong napalunok habang lihim na pinagmamasdan at namamangha sa ganda at kutis labanos ng babaeng nasa harapan ko. Ang ganda ganda niya… Kahit hirap akong iprocess ang nangyayari ngayon ay sinimulan kong igalaw ang bibig ko para magsalita. Ngunit nabitin ako nang marinig kong nagsalita si Calyx. “Hey, is that a food delivery?” mula sa loob ay tanong ni Calyx sa babaeng nakatapis ng towel. “Um,” sandaling nag-isip at tiningnan ako ng babae. “I think yes,” sabi nito ng nakita ang dala kong mac and cheese na niluto ko para kay Calyx. “Wow, they have the fastest delivery service.” sambit ni Calyx at lumakad ito papunta sa babae. Pakiramdam ko ay tumigil ang pagtibok ng puso ko nang makita kong mabilis na pinulupot ni Calyx ang mga braso sa baywang ng babae at pagkatapos ay hinalikan ito sa labi. “Just go inside, darling.” paos at seductive na sabi ni Calyx sa babae. “Okay, darling.” malambing na tugon naman ng babae at agad na umalis ito. Nang makalayo ang babae ay saka lamang lumingon sa akin si Calyx. “Thank you for your faster delivery—---” kitang kita ko kung paano mabilis na nag-iba ang kulay ng mukha ni Calyx nang makilala niya ang tao na nakatayo sa harap ng unit niya. Alam kong gulat na gulat ito dahil hindi ang delivery food ang inaasahan niya ang nasa harap ng kanyang condo kung ‘di ako. Sandaling hindi nakapag salita si Calyx. Namutla ang mukha niya sa gulat na makita ako. Well. Dapat lang naman na mamutla siya dahil huling huli ko siya na nagtataksil sa akin. Ramdam ko ang pagbigat ng talukap ng aking mga mata dahil sa nagbabadyang pagbagsak ng aking luha ngunit agad kong sinupil iyon na tumulo. Not here. Not in front of him! Dahil hindi siya makapagsalita. Ako na ang nauna. “H-happy birthday, S-sir.” garalgal na bati ko sa kanya. Sinikap kong hindi gumaralgal ang boses ko pero lintik! Ang sakit sa puso na makita at mahuli ko siyang may kasamang babae sa loob ng unit niya. Agad niya na tinawid ang distansya naming dalawa. Mabilis ko namang nilayo ang aking braso nang akma niyang hahawakan iyon. “B-bakit narito ka? Sino ang naghatid sa ‘yo dito?” nasa himig niya ang takot. Takot na mabuking ng babae na kasama niya sa loob kung sino ako sa buhay niya. “B-birthday mo po kasi Sir, kaya dinalhan kita ng favorite food mo.” matapang na sagot ko. Nagtagumpay naman ako na hindi tumulo ang aking luha. “Darling, why did it take you so long there? Hurry up! Come back here, I’m ready!” malanding sigaw ng babae sa loob. “Y-yes, D-darling, just a minute. I’m coming!” mabilis na tugon naman ni Calyx sa babae. Tuluyang nanghina at nanlambot ang aking mga tuhod dahil sa narinig ko na sinabi ni Calyx. “Huwag mo akong hawakan!” agad na sabi ko nang muli ay tankain akong hawakan ni Calyx. “Baby—-” nabitin sa muling paghawak at pagsasalita si Calyx nang biglang sumulpot ang babae sa likuran niya at kumakap ito. “Let’s go inside, Darling. Mm…” yaya ng babae kay Calyx at sinamahan pa ng halinghing na parang pusa. “Hey, you. Why are you, why are you still here? ” taas kilay na tanong ng babae sa akin ng mapansin na hindi pa rin ako umaalis sa harap ng unit ni Calyx. Lumingon ang babae kay Calyx nang hindi ako sumagot sa tanong niya sa akin. “Do you know her?” tanong nito kay Calyx. Animoy may tambol sa loob ng aking dibdib sa sobrang lakas ng dagundong habang nakatitig ako kay Calyx at hinihintay kong sagutin niya ang tanong ng babae kung kilala niya ako. “No. I don’t know her. She’s a housekeeper, and just brought the food here because someone sent me for my birthday.” walang gatal na tugon ni Calyx sa babae. Pakiramdam ko ay sasabog ang dibdib ko matapos kong marinig ang naging sagot ni Calyx sa babae. “Then just get the food from her so she can leave us, she disturbs our time.” nasa himig ng babae ang inis na sabi kay Calyx dahil naistorbo ko ang ginagawa nila. Dahil sa aking narinig. Walang salita na, nanginginig kong inabot kay Calyx ang hawak ko pati na ang birthday gift ko sa kanya. Pinag-ipunan ko pa ang pinambili ko ng relo para i-regalo ko sa kanya… Tapos mahuhuli ko lang siya na niloloko ako! Pigil ang aking paghinga na agad akong tumakbo palayo sa unit ni Calyx. Daig ko pa ang niluray luray sa sobrang sakit ng puso ko. Ang akala ko masu-sorpresa ko si Calyx, pero ‘yun naman pala ay ako ang sobrang masusorpresa niya. Niloloko niya ako… Ngayon ay malinaw na sa akin ang lahat. Kaya pala ayaw akong papuntahin ni Calyx sa condo niya dahil may nililihim siya sa akin… May babae siyang kasama. Matagal na pala niya akong niloloko… Sobrang tanga ko dahil napaniwala ako ni Calyx na mahal niya ako… Nang makalabas ako ng building. Doon ako napahagulgol ng iyak. Paano kami ng baby ko ngayon… Paano ko siya bubuhayin… Manloloko ka, Calyx… Manloloko ka…