Napakagat labi si Annie. Naupo siya sa tabi ni Kelvin.
"Kel..."
"Please, don't tell me to stop, Annie. Alam mong hindi ko gagawin iyon. I tried just to be a friend for you. Pero this time hayaan mo akong ligawan ka. Mahalin ka higit pa sa pagkakaibigan na gusto mo..."
Malalim siyang napabuntong hininga. Hindi pa rin makapa sa damdamin ang pagmamahal sa lalaki. Hindi niya kayang turuan ang kanyang puso.
"Bakit ba mahal na mahal mo ako? Nasa iyo na ang lahat. Maraming babae ang magkakagusto sa iyo. Mas magaganda, mas higit kaysa sa akin. Bakit ako, Kelvin?" tanong niya sa lalaking pagak na natawa.
"Hindi puwedeng kuwestiyunin ang damdamin, Annie. Marami ngang higit pero hindi ko magawang tignan man lang. Ikaw lang ang gusto ko..." Humarap ito sa kanya . Hindi man lamang siya makatingin
